Byggðaráð

Undir þessum lið kom á fund byggðaráðs Gísli Bjarnason, sviðsstjóri fræðslu- og menningarsviðs, kl. 13:15.

Tekið fyrir minnisblað frá sviðsstjóra fræðslu- og menningarsviðs, dagsett þann 17. október sl., þar sem fram kemur að útboðsgögn vegna ræstingar hjá stofnunum Dalvíkurbyggðar 2023-2026 voru tilbúin til afhendingar á skrifstofu Dalvíkurbyggðar 25. ágúst 2023. Það voru þrír aðilar sem óskuðu eftir gögnum og tveir aðilar komu í vettvangsskoðun. Opnun á tilboðum var auglýst 29. september kl. 10:15 á efstu hæð í Ráðhúsi Dalvíkurbyggðar. Það var einn aðili sem skilaði inn tilboði.

Tilboðið sem barst er frá Dögum. Fram kemur að miðað við kostnaðaráætlun þá er tilboðið 44% hærra miðað við forsendur sem voru í útreikningum. Sviðsstjóri fræðslu- og menningarsviðs leggur til að gengið verði til samninga við Daga hf. á grundvelli tilboðs frá 29. september sl.

Sviðsstjóri fjármála- og stjórnsýslusviðs upplýsti að stjórn húsfélags Ráðhúss Dalvíkur fjallaði um þann hluta tilboðsins er snýr að sameign á fundi sínum þann 18. október sl. og samþykkti að gengið verði til samninga við Daga varðandi sameignina.

Gísli vék af fundi kl. 13:40.

Tekinn fyrir rafpóstur frá Sambandi íslenskra sveitarfélaga, dagsettur þann 9. október sl. þar sem fram kemur að Hag- og upplýsingasvið Sambandsins hefur gefið út staðgreiðsluáætlun sveitarfélaga fyrir árin 2023 og 2024. Samkvæmt upplýsingum frá fjármálaráðuneytinu er gert ráð fyrir að útsvarsstofninn hækki að meðaltali á öllu landinu um 7,2% á milli ára 2023 og 2024.


Hér er hægt að nálgast áætlunina:
https://www.samband.is/wp-content/uploads/2023/10/stadgreidsluaaetlun-okt-2023.pdf

Sviðsstjóri fjármála- og stjórnsýslusviðs upplýsti að tekið var mið af ofangreindu í tengslum við áætlun útsvarstekna Dalvíkurbyggðar fyrir árið 2024.

Tekið fyrir erindi frá Sambandi íslenskra sveitarfélaga, rafpóstur dagsettur þann 19. október sl., þar sem fram kemur að vegna fjárhagsáætlanagerðar sveitarfélaga 2024 fylgir með samantekt um kostnaðarþátttöku fyrir samstarf sveitarfélaga um stafrænna þróun og umbreytingu.

Föst greiðsla Dalvíkurbyggðar árið 2024 er kr. 489.465 og greiðsla vegna verkefna er kr. 203.849 eða alls kr. 693.315.

Sviðsstjóri fjármála- og stjórnsýslusviðs upplýsti að búið er að gera ráð fyrir ofangreindu í tillögum að starfs- og fjárhagsáætlun 2024 á deild 21400 og í starfsáætlun fjármála- og stjórnsýslusviðs.

Á 1072. fundi byggðaráðs þann 29. júní sl. samþykkti byggðaráð samhljóða með 3 atkvæðum að vísa framtíðarfyrirkomulagi netöryggismála sveitarfélagsins til UT-teymis Dalvíkurbyggðar í kjölfar netárásar sem sveitarfélagið varð fyrir í maí sl.

Með fundarboði fylgdi minnisblað innanhúss er varðar högun netöryggismála sveitarfélagsins og gert er ráð fyrir þeim tillögum í starfs- og fjárhagsáætlun 2024.

Beiðni um viðauka vegna veikinda.


Að öðru leiti er málið bókað í trúnaðarmálabók.

Beiðni um viðauka - bókað í trúnaðarmálabók.
Byggðaráð samþykkir samhljóða með 3 atkvæðum viðauka nr. 35 og vísar honum til umfjöllunar og afgreiðslu í sveitarstjórn á deild 02570. Byggðaráð leggur til að viðaukanum verði mætt með lækkun á handbæru fé.

Tekið fyrir erindi frá sveitarstjóra, dagsett þann 31. október sl., þar sem óskað er eftir viðauka við fjárhagsáætlun 2023 að upphæð kr. 3.300.000 án vsk. vegna úttektar á rekstri hafna Dalvíkurbyggðar í ljósi hallarekstur. Fyrir liggur samþykki frá sveitarstjórn á tillögu veitu- og hafnaráðs um að gerð verði úttekt á rekstri Hafnasjóðs. Með fundarboði fylgdi einnig verkefna tillaga frá KPMG varðandi útttektina.

Á 1080. fundi byggðaráðs þann 14. september sl. kom fram að endurskoðun á samningi um Barnaverndarþjónustu Eyjafjarðar væri í gangi á milli Akureyrarbæjar og Dalvíkurbyggðar.

Með fundarboði byggðaráðs fylgdi tillaga að endurskoðuðum samningi þar sem fram koma tillögur að breytingum eftir yfirferð starfsmanna barnaverndar Dalvíkurbyggðar og Akureyrarbæjar, sveitarstjóra og ráðuneytisins.

Tekið fyrir bréf frá Eignarhaldsfélagi Brunabótafélags Íslands, dagsett þann 13. október sl., þar sem fram kemur að hlutdeild Dalvíkurbyggðar í Sameignarsjóði EBÍ er kr. 842.000 skv. ákvörðun fulltrúarráðs EBÍ á aðalfundi þann 6. október sl.

Tekinn fyrir rafpóstur frá Markaðsstofu Norðurlands, dagsettur þann 25. október sl., þar sem fram kemur að á þriðjudaginn, þann 31. október, mun fyrsta flugvélin frá breska flugfélaginu easyJet lenda á Akureyrarflugvelli, en félagið mun halda úti áætlunarflugi á milli London Gatwick og Akureyrar út mars 2024. Flogið verður tvisvar í viku, á þriðjudögum og laugardögum.

Einnig fylgdi með skýrsla yfir starf Flugklasans Air 66N frá 1. maí til og með 25. október 2023. Fram kemur m.a. að að óbreyttu verður verkefnum Flugklasans hætt um næsta áramót þar sem fjármögnun hefur ekki fengið í verkefnið.

Atvinnuveganefnd Alþingis sendir til umsagnar frumvarp til laga um breytingu á ýmsum lögum vegna banns við hvalveiðum, 99. mál, sbr. rafpóstur frá 9.10.2023. Þess er óskað að undirrituð umsögn berist eigi síðar en 24. október sl.

Umhverfis- og samgöngunefnd Alþingis sendir til umsagnar tillögu til þingsályktunar um samgönguáætlun fyrir árin 2024-2038 ásamt fimm ára aðgerðaáætlun fyrir árin 2024 - 2028, 315. mál., sbr. rafpóstur dagsettur þann 12.10.2023.
Þess er óskað að undirrituð umsögn berist eigi síðar en 26. október sl.

Umhverfis- og samgöngunefnd Alþingis sendir til umsagnar tillögu til þingsályktunar um samgönguáætlun fyrir árin 2024-2038 ásamt fimm ára aðgerðaáætlun fyrir árin 2024 ? 2028, 315. mál., sbr. rafpóstur frá 12.10.2023.
Þess er óskað að undirrituð umsögn berist eigi síðar en 26. október sl.

Tekinn fyrir rafpóstur frá Innviðaráðuneytinu, dagsettur þann 18. október sl, þar sem vakin er athygli á nýrri reglugerð um íbúakosningar sveitarfélaga nr. 922/2023.
https://island.is/reglugerdir/nr/0922-2023

Reglugerðin fjallar um íbúakosningar á grundvelli 133. gr. sveitarstjórnarlaga sem ekki fara fram með rafrænum hætti. Reglugerðin hefur það markmið að einfalda og minnka umfang íbúakosninga sveitarfélaga og auka vald sveitarfélaga hvað kosningarétt varðar í ráðgefandi íbúakosningum. Reglugerðinni er jafnframt ætlað að auka lýðræðisþátttöku og sjálfbærni sveitarfélaga og þannig efla sveitarstjórnarstigið í heild.
Íbúakosningar sveitarfélaga eru af þrennum toga sem falla allar undir gildissvið reglugerðarinnar. Um er að ræða:

Kosningar í nefnd sem fer með málefni fyrir hluta sveitarfélags, sbr. 38. gr. sveitarstjórnarlaga
Sameiningakosningar sveitarfélaga, sbr. 119. gr. sveitarstjórnarlaga
Íbúakosningar um einstök málefni, sbr. 107. og 108. gr. sveitarstjórnarlaga

Ráðuneytið hefur jafnframt birt leiðbeiningar um framkvæmd íbúakosninga á vef sínum,
https://www.stjornarradid.is/verkefni/sveitarstjornir-og-byggdamal/sveitarstjornarmal/verkfaerakista/leidbeiningar-fyrir-ibuakosningar-sveitarfelaga/

Sérstök athygli er vakin á þeim breytingum sem hafa verið gerðar á framkvæmd íbúakosninga sem fram fara að frumkvæði sveitarstjórnar og ekki eru bindandi.

Sveitarstjórn getur nú ákveðið að halda íbúakosningu fyrir tiltekinn aldur íbúa, t.d. 16-20 ára eða 60 ára og eldri, fyrir erlenda ríkisborgara sem lögheimili eiga í sveitarfélaginu eða fyrir íbúa sem hafa lögheimili í tilteknum hluta sveitarfélagsins. Auk þess er gert ráð fyrir að framkvæmd og fyrirkomulag slíkra kosninga sé mun umfangsminna en um aðrar bindandi íbúakosningar sveitarfélaga. Með þessu er sveitarfélögum gefið tækifæri til að efla lýðræðivitund og þekkingu ungs fólks og auka lýðræðisþáttöku erlendra ríkisborgara. Eru sveitarfélög sérstaklega hvött til að kynna sér nýtt fyrirkomulag slíkra kosninga.

Lögð fram til kynningar fundargerð stjórnar SSNE nr. 55 frá 04.10.2023.

Lögð fram til kynningar fundargerð stjórnar Sambands íslenskra sveitarfélaga nr. 935 frá 16.10.2023.

Lagðar fram til kynningar fundargerðir stjórnar Samtaka sjávarútvegssveitarfélaga nr. 73 og nr. 74 frá 12. maí sl. og 5. september sl.

a) Fjárhagsáætlun 2024 og þriggja ára áætlun til fyrri umræðu.

Á 1085. fundi byggðaráðs þann 25. október sl. var lokið við yfirferð á tillögum frá stjórnendum og fagráðum vegna vinnu við starfs- og fjárhagsáætlun 2024 og þriggja ára áætlun 2025-2027. Byggðaráð samþykkti samhljóða með 3 atkvæðum að vísa þeirri vinnu til gerðar starfs- og fjárhagsáætlunar í samræmi við umfjöllun byggðaráðs.

Sviðsstjóri fjármála- og stjórnsýslusviðs fór yfir helstu niðurstöður úr fjárhagsáætlunarlíkani fyrir fjárhagsáætlun 2024 og þriggja ára áætlunar 2025-2027 skv. meðfylgjandi gögnum.


b) Útkomuspá 2023/ heildarviðauki II

Með fundarboði byggðaráðs fylgdi einnig tillaga að útkomuspá 2023/ heildarviðauka II við fjárhagsáætlun 2023 með þeim viðaukum sem gerðir hafa verið og samþykktir í sveitarstjórn frá heildarviðauka I.