Byggðaráð

Undir þessum lið kom á fund byggðaráðs Gísli Rúnar Gylfason, íþrótta- og æskulýðsfulltrúi, kl. 13:15

Samantekt á uppbyggingu troðaraaðstöðu í lok maí 2023:
Skíðafélagið hefur spurt hvort það sé inn í myndinni að fara frekar í að gera hús sem er steypt og byggt inn í landið þannig byggingin falli betur að landslaginu. Þetta byggst á gömlum hygmyndum sem hafa verið ræddar inn í byggðaráði með forsvarsmönnum skíðafélagsins.
Skíðafélagið áætlar að það kosti 60 milljónir meira en að reisa stálgrindarhús. Það eru ekki til kostnaðaráætlanir eða teikningar af slíku húsi og er því ekki hægt að staðfesta þessar tölur. Það er í raun ekki til nægilegar upplýsingar til að meta þetta þannig að hægt sé að segja já á þessari stundu.
Það sem þarf að gera núna er að taka afstöðu til þess hvort við samþykkjum að hluti af því uppbyggingar fjármagni sem hefur verið samþykkt til skíðafélagsins verði notað til að láta teikna og kostnaðargreina þessa byggingu.

Til umræðu ofangreint.

Gísli Rúnar vék af fundi kl. 13:45

Sveitarstjóri gerði grein fyrir fundargerð starfs- og kjaranefndar frá 23.maí sl.

Tekin fyrir til upplýsingar samantekt sviðsstjóra fjármála- og stjórnsýslusviðs um áætlað fasteignamat í Dalvíkurbyggð 2024 eftir tegundum eigna.

Lagt fram bréf frá eftirlitsnefnd með fjármálum sveitarfélaga (EFS) til allra sveitarfélaga varðandi almennt eftirlit með fjármálum sveitarfélaga á árinu 2022. Bréfið er sent til að upplýsa sveitarfélög um áhersluatriðið EFS fyrir árið 2023 og ekki þarf að bregðast sérstaklega við bréfinu nema óskað sé eftir frekari upplýsingum eða leiðbeiningum.

Tekið fyrir erindi frá innviðaráðuneytinu þar sem vakin er athygli á 6.mgr. 13.gr.sveitarstjórnarlaga nr. 138/2011 sem segir að tilkynna skal kosningu oddvita og varaoddvita sveitarstjórna til ráðuneytisins þegar að því loknu.
Í 7.gr. Samþykktar um stjórn Dalvíkurbyggðar er kveðið á um að kjörtímabil forseta og varaforseta sveitarstjórnar er það sama og sveitarstjórnar.
Aftur á móti skal skv. 47.gr.kafla A Samþykktar um stjórn Dalvíkurbyggðar kjósa þrjá aðalmenn og þrjá til vara í byggðaráð sbr. 35.gr.sveitarstjórnarlaga nr. 138/2011.

Á 359.fundi sveitarstjórnar var eftirfarandi bókað:
Enginn tók til máls. Sveitarstjórn samþykkir samhljóða með 6 atkvæðum ofangreinda afgreiðslu byggðaráðs (1066.fundur) að Dalvíkurbyggð taki þátt í ofangreindri greiningarvinnu og kaup á ráðgjöf frá Kvöðli ehf.

Fyrir fundinum liggur nánari greiningarvinna frá Kvöðli ehf., um verkefnið.

Tekin fyrir beiðni Úrvinnslusjóðs um upplýsingar til að Fjársýslan geti greitt Dalvíkurbyggð vegna umbúðaúrgangs sem safnast í sérstakri söfnun.
Úrvinnslusjóður greiðir fyrir það hlutfall í söfnunaríláti sem tilheyrir sjóðnum og rekja má til þeirra umbúðaflokka sem bera úrvinnslugjald. Reiknað er með tilteknu hlutfalli í söfnunarílátum sem tilgreind verða á uppgjörsblaðinu og greitt skv. upphæðum í Gjaldskrá Úrvinnslusjóðs. Þessi hlutföll og mat á raunkostnaði sveitarfélaga verða endurskoðuð af starfshópi Úrvinnslusjóðs, sem skipaður er fulltrúum frá sveitarfélögum, framleiðendum sem bera framleiðendaábyrgð og Úrvinnslusjóði.

Fyrir fundinum liggur endanleg tillaga að svæðisáætlun um meðhöndlun úrgangs á Norðurlandi 2023-2036 með ósk um að hún verði lögð fyrir sveitarstjórn til samþykktar. Áætlunin öðlast gildi þegar allar hlutaðeigandi sveitarstjórnir hafa samþykkt hana.

Hvatning til sveitarfélaga að innleiða Heimsmarkmið Sameinuðu þjóðanna inn í sína heildarstefnu.
Sveitarfélög sem hafa sjálfbæra þróun að leiðarljósi og taka þátt í að móta framtíðina á ábyrgan hátt eru framsýn og ætla sér að taka þátt í að þjóðir heims nái markmiðum Heimsmarkmiðanna. Óhætt er að fullyrða að ef þjóðum heims tekst að ná markmiðunum innan gildistíma áætlunarinnar þá mun líf allra og umhverfi hafa batnað til mikilla muna árið 2030. Mjög mörg verkefni sveitarfélaga tengjast nú þegar Heimsmarkmiðunum en hafa hugsanlega ekki verið skilgreind sem slík.

Tekið fyrir erindi frá Sýslumanninum á Norðurlandi eystra, tölvupóstur dagsettur þann 17.maí 2023, þar sem óskað er umsagnar vegna umsóknar um rekstrarleyfi gistingar í flokki II - G Íbúð vegna Aðalgötu 8, 621 Dalvík.

Innviðaráðuneytið kynnir til samráðs "Drög að reglugerð um málsmeðferð við setningu skipulagsreglna fyrir flugvelli"

Erindi frá Bjarmalandi, félags atvinnuveiðimanna í ref og mink. Félagið óskar eftir upplýsingum um hvernig veiðum og greiðslum er háttað fyrir veiði og ref og mink í Dalvíkurbyggð.

Landsnet óskar eftir því að ganga til samninga við Dalvíkurbyggð vegna lagningar Dalvíkurlínu 2 um jarðir í eigu sveitarfélagsins.

Lagt fram til kynningar ársreikningur Almannavarna Eyjafjarðar (ALNEY) fyrir árið 2022 og fundargerð vorfundar ALNEY þann 17.maí 2023.

Lagðar fram til kynningar fundargerðir Sambands íslenskra sveitarfélaga nr. 926 frá 17.maí 2023 og nr. 927 frá 26.maí 2023.

Lögð fram til kynningar fundargerð SSNE nr. 52 frá 3.maí 2023