Byggðaráð

Freyr Antonsson vék af fundi undir þessum lið vegna vanhæfis kl. 13:15.

Þar sem varaformaður byggðaráðs vék af fundi vegna vanhæfis var kosið um fundarstjóra. Niðurstaða var að Felix Rafn Felixson tók við fundarstjórn undir þessum lið.

Tekið fyrir minnisblað frá sveitarstjóra, dagsett þann 31. janúar 2023, kemur fram að taka þarf aðstöðu til þess hvort að breyta eigi opnunartíma áfengisveitingastaða í flokki III. Jafnframt þurfi að taka afstöðu til hvort fella eigu út eftirfarandi ákvæði í Lögreglusamþykkt Dalvíkurbyggðar: "Sveitarstjóri getur heimilað að skemmtanir megi standa lengur en að framan greinir, ef sérstaklega stendur á. Hið sama gildir um einkasamkvæmi á umræddum stöðum."

Fram kemur að í mars 2020 var Lögreglusamþykktin tekin til endurskoðunar og lagðar til breytingar á opnunartíma áfengisveitingastaða í flokki III þannig að opnunartíminn verði lengdur til kl. 01:00 virka daga. Þetta var lagt til eftir ábendingar frá rekstraraðilum í sveitarfélaginu og einnig eftir samanburð við lögreglusamþykktir nágrannasveitarfélaganna. Málið var ekki klárað alla leið og því tók ofangreind breytingartillaga ekki gildi.

Með fundarboði byggðaráðs fylgdi gildandi Lögreglusamþykkt fyrir Dalvíkurbyggðar með ofangreindum breytingatillögum.

Freyr Antonsson kom inn á fundinn á nýju kl. 13:19..
Varaformaður byggðaráðs tók við fundarstjórn að nýju.

Á 354. fundi sveitarstjórnar þann 17. janúar sl. samþykkti sveitarstjórn samhljóða þá tillögu byggðaráðs um sölu á Gamla skóla með ákveðnum kvöðum í samstarfi við ríkið sem meðeiganda.

Sveitarstjóri gerði grein fyrir samskiptum sínum við starfsmann Fjármála- og efnahagsráðuneytis. Fram kom ósk um hvort að sveitarfélagið gæti varpað ljósi á hvaða eða hvernig kvaðir Dalvíkurbyggð er með í huga.

Til umræðu ofangreint.

Á 347. fundi sveitaarstjórnar þann 28. júní 2022 var eftirfarandi bókað:
"Á 1030. fundi byggðaráðs þann 23. júní 2022 var m.a. eftirfarandi bókað: Með fundarboði byggðaráðs fylgdi samantekt eftir fundinn þann 20. júní sl. sem íþrótta- og æskulýðsfulltrúi tók saman. Fram kemur að fulltrúar Dalvíkurbyggðar lögðu áherslu á þátttöku ungs fólks í þessu vinabæjarsamstarfi og að gert er ráð fyrir þátttöku þeirra á slíkum mótum. Jafnframt að ákveðið hafi verið að næsta vinabæjarmót verið haldið hjá Dalvíkurbyggð í lok júní 2023. Byggðaráð samþykkir samhljóða með 2 atkvæðum að vísa ákvörðunartöku um vinabæjamót í Dalvíkurbyggð 2023 til sveitarstjórnar.Niðurstaða:Til máls tók forseti sem leggur til Dalvíkurbyggð muni halda vinabæjamót á næsta ári og byggðaráði verði falið undirbúningur. Fleiri tóku ekki til máls. Sveitarstjórn samþykkir samhljóða með 7 atkvæðum ofangreinda tillögu forseta."

Á 1031. fundi byggðaráðs þann 6.júlí 2022 samþykkti byggðaráð að sveitarstjóri, íþrótta- og æskulýðsfulltrúi og þjónustu- og upplýsingafulltrúi skipi undirbúningshópinn fyrir vinabæjarmótið í Dalvíkurbyggð 2023.

Á fundinum var farið yfir minnisblað sveitarstjóra, dagsett þann 1. febrúar 2023, þar sem farið er yfir aðdraganda að þeirri ákvörðun að Dalvíkurbyggð haldi vinabæjamót í ár. Sveitarstjóri leggur til að Dalvíkurbyggð sendi út tilkynningu þess efnis að mótið verði ekki haldið í Dalvíkurbyggð í sumar, meðal annars þar sem annir í öðrum verkefnum hafa ekki gefið svigrúm til að undirbúa mótið. Einnig er því velt upp í minnisblaði sveitarstjóra að umræða sé tekin um hvað Dalvíkurbyggð vill fá út úr vinabæjasamstarfi og jafnvel tilvalið tækifæri nú að hugsa hlutina alveg upp á nýtt.

Með fundarboði byggðaráðs fylgdi bréf frá Innviðaráðuneytinu, dagsett þann 24. janúar 2023, þar sem fram kemur að ráðuneytið hefur staðfest siðareglur kjörinna fulltrúa Dalvíkurbyggðar sem sveitarstjórn hefur sett samkvæmt 18. og 29 gr. sveitarstjórnarlaga nr. 138/2011.

Í siðareglunum kemur fram að kjörnir fulltrúar Dalvíkurbyggðar undirgangast þessar siðareglur með undirskrift sinni og lýsa því þar með yfir að þeir ætli að hafa þær að leiðarljósi í störfum sínum. Reglurnar skulu kynntar kjörnum fulltrúum í nefndum og ráðum. Skrifstofur Dalvíkurbyggðar kynna siðareglurnar fyrir starfsmönnum og íbúum Dalvíkurbyggðar. Þær verða birtar á vef Dalvíkurbyggðar.

Bókað í trúnaðarmálabók.

Bókað í trúnaðarmálabók.

Á 1051. fundi byggðaráðs þann 8. desember 2022 var eftirfarandi bókað:
"Tekið fyrir erindi frá SSNE, rafpóstur dagsettur þann 30. nóvember 2022, þar sem fram kemur að SSNE hefur unnið að því að finna leiðir til að koma aftur á almenningssamgöngum á austursvæðinu, þ.e. frá Húsavík og til Þórshafnar. Sú tímatafla sem nú er ekið eftir hefur verið óbreytt í mörg ár, en aðstæður hafa breyst og ástæða til að taka stöðuna. SSNE leitar því nú til sveitarfélaganna á starfssvæðinu og óskað er eftir upplýsingum og athugasemdum í tengslum við þær leiðir sem nú eru keyrðar og hugmyndum um hvernig hægt er að auka notkun þeirra: Þarf að breyta tímatöflum? Má fækka ferðum eða þarf að fjölga ? Eru aðrir möguleikar í boða s.s. samþætting aksturs vegna tómstunda eða skóla sem hægt væri að opna á fyrir almenning? Leitast er eftir því við sveitarfélögin að þau sendi SSNE umbeðnar upplýsingar fyrir 18. janúar 2023.Niðurstaða:Byggðaráð samþykkir samhljóða með 3 atkvæðum að vísa ofangreindu erindi til umsagnar í umhverfis- og dreifbýlisráði og ungmennaráði."

Á 37. fundi ungmennaráðs þann 16. desember sl. var ofangreint til umfjöllunar. Ungmennaráð telur tímaplanið henta ágætlega eins og það er. Gera megi betur ráð fyrir stoppi hjá MA. Kostnaður er frekar hár og mætti vera meiri afsláttur fyrir nemendur.

Með fundarboði byggðaráðs fylgdi rafpóstur frá SSNE, dagsettur þann 3. janúar sl., þar sem fram kemur að ofangreindu erindi frá SSNE er fylgt eftir og það ítrekað að svör óskast fyrir 18. janúar sl.

Með fundarboði byggðaráðs fylgdi fréttabréf SSNE í janúar 2023.

Tekið fyrir erindi frá SSNE, dagsett þann 25. janúar 2023, þar sem fram kemur að sveitarfélögum svæðisins býðst að taka þátt í Grænum skrefum SSNE. Tilgangur verkefnisins er að efla umhverfisstarf á svæðinu og styðja sveitarfélögin við að uppfylla lögbundnar skyldur í loftlagsmálum. Hafi sveitarfélagið áhuga á að taka þátt er óskað eftir að skipaður sé tengiliður við verkefnið. Svar um þátttöku þarf að berast fyrir 24. febrúar nk.

Með erindinu fylgir kynning á verkefninu.

Með fundarboði byggðaráðs fylgdu fundargerðir stjórnar SSNE nr. 45, 46 og 47.

Tekið fyrir erindi frá Sambandi íslenskra sveitarfélaga, dagsett þann 26. janúar sl., þar sem fram kemur að landsþingsfulltrúar sveitarfélaganna, formann og framkvæmdastjórnar landshlutasamtaka sveitarfélaga og framkvæmdastjórnar sveitarfélaga eru hér með boðaðir á 38. landsþing Sambandsins þann 31. mars nk. Landsþingið fer fram á Grand hóteli í Reykjavík.

Fulltrúar Dalvíkurbyggðar á landsþingið eru Helgi Einarsson og Felix Rafn Felixson. Til vara eru Freyr Antonsson og Lilja Guðnadóttir.

Með fundarboði byggðaráðs fylgdi fundargerð stjórnar Sambands íslenskra sveitarfélaga, nr. 917 frá 20. janúar sl.

Með fundarboði byggðaráðs fylgdi fundargerð stjórnar Samtaka sjávarútvegssveitarfélaga, nr. 70 frá 18. janúar sl.