Byggðaráð

a) Umbeðnar upplýsingar frá sviðsstjóra fræðslu- og menningarsviðs frá síðasta fundi.

Undir þessum lið kom á fund byggðaráðs Gísli Bjarnason, sviðsstjóri fræðslu- og menningarsviðs, kl. 13:00 í gegnum TEAMS. Til umræðu upplýsingar frá fræðslu- og menningarsviði varðandi nokkur ráðgjafaverkefni og nánari upplýsingar um hagræðingatillögur frá sviðinu.

Gísli vék af fundi kl. 13:49.

b) Tillögur vegna hagræðingar í rekstri og fjárfestingum.

Áframhaldandi yfirferð og umræður um tillögur um hagræðingar í rekstri og fjárfestingum vegna vinnu við fjárhagsáætlun 2022 og þriggja ára áætlun 2023-2025.

c) Annað sem út af stendur.

Vegna vinnu við fjárhagsáætlun 2021 þá var til umfjöllunar minnisblað fyrrverandi sviðsstjóra veitu- og hafnasviðs um ósk um viðbótar starfsmann hjá veitum. Niðurstaðan var að ekki var unnt að vera við þeirri ósk.

Með fundarboði byggðaráðs fylgdi minnisblað frá sviðsstjóra Framkvæmdasviðs, móttekið 24.11.2021, þar sem óskað er eftir viðbótar stöðugildi vegna aukinna verkefna veitna.

Á 1006. fundi byggðaráðs þann 18.11.2021 var eftirfarandi bókað:
"Tekin fyrir beiðni frá leikskólastjóra Krílakots vegna beiðni um viðauka við fjárhagsáætlun 2021 vegna ræstinga, að upphæð kr. 504.837 við deild 04140, lykil 4940.Frestað og byggðaráð óskar eftir nánari upplýsingum frá leikskólastjóra."

Með fundarboði byggðaráðs fylgdi rafpóstur, dagsettur þann 23.11.2021, frá leikskólastjóra þar sem hún afturkallar ofangreinda beiðni um viðauka.

Tekið fyrir erindið frá leikskólastjóra Krílakots, dagsett þann 10.11.2021, þar sem óskað er eftir viðauka við fjárhagsáætlun 2021 vegna lægri tekna ársins 2021 þar sem nemendur eru færri en áætlað var, að upphæð kr. 588.993. Um er að ræða lægri tekjur en áætlað var vegna desember; vistunargjöld og fæðisgjöld.

Bókað í trúnaðarmálabók.

Tekið fyrir erindi frá SSNE, rafpóstur dagsettur þann 19. nóvember 2021, þar sem fram kemur að meðfylgjandi eru drög að samningi sveitarfélaga við SSNE vegna áfangastaðastofu. Samningur þessi leysir af hólmi samning sem Markaðsstofa Norðurlands hefur gert við sveitarfélögin undanfarin ár vegna þjónustu sinnar.

Einnig fylgja samningar sem þessi samningsdrög byggja á, annars vegar samningu SSNE og SSNV við Atvinnuvega- og nýsköpunarráðuneytið um stofnun og starfsemi áfangastaðastofu og hins vegar þjónustusamningur SSNE við Markaðsstofu Norðurlands sem annast mun hlutverk áfangastaðastofu.

Miðað við íbúafjölda í Dalvíkurbyggð um þessar mundir þá væri kostnaður sveitarfélagsins kr. 924.500.

Gildistími samningsins er frá 1.1.2022 til og með 31.12.2023. Gjald fyrir þjónustu áfangastaðastofu miðað við íbúafjölda sveitarfélaga og er kr. 500 á hvern íbúa á ári m.v. íbúafjölda 1.desember árið á undan.

Á 340. fundi sveitarstjórnar þann 23. nóvember 2021 var eftirfarandi bókað.
"Á 1006. fundi byggðaráðs þann 18.11.2021 var eftirfarandi bókað: "Á 337. fundi sveitarstjórnar þann 15. júní 2021 var eftirfarandi bókað: "Á 988. fundi byggðaráðs þann 10. júní sl. var eftirfarandi bókað: "Á 987. fundi byggðaráðs þann 3. júní sl. var eftirfarandi bókað: "Á 986. fundi byggðaráðs þann 27. maí sl. var til umfjöllunar Samþykkt um stjórn Dalvíkurbyggðar og erindisbréf landbúnaðarráðs, umhverfisráðs og veitu- og hafnaráðs með breytingartillögum vegna skipulagsbreytinga, þ.e. veitu- og hafnasviðs og umhverfis- og tæknisvið sameinað, er nú orðið framkvæmdasvið. Einnig eru gerðar tillögur að öðrum tæknilegum breytingum. Samþykktin og erindisbréfin voru til umfjöllunar á fundinum og lagt fram til kynningar fram að næstu fundum byggðaráðs. Til umræðu og frekari umfjöllun og afgreiðslu frestað til næsta fundar. Byggðaráð samþykkir samhljóða með 3 atkvæðum ofangreindar breytingartillögur að Samþykktum stjórnar Dalvíkurbyggðar og erindisbréfum landbúnaðarráðs, umhverfisráðs og veitu- og hafnaráðs. Vísað til fyrri umræðu í sveitarstjórn.Enginn tók til máls. Sveitarstjórn samþykkir samhljóða með 7 atkvæðum að vísa Samþykkt um stjórn Dalvíkurbyggðar ásamt erindisbréfum landbúnarráðs, umhverfisráðs og veitu- og hafnaráðs til síðari umræðu á fundi sveitarstjórnar í september." Með fundarboði byggðaráðs fylgdi uppfærð tillaga að Samþykkt um stjórn Dalvíkurbyggðar með tillögum að breytingum til viðbótar þeim sem voru til umfjöllunar á fundi sveitarstjórnar í júní sl. Tekið hefur verið tillit til nýrra leiðbeiningar um ritun fundargerð, leiðbeiningar um fjarfundi og hugmyndir um breytt nefndafyrirkomulag frá og með næsta kjörtímabili. Lagt fram til kynningar og vísað áfram til umfjöllunar.Til máls tók: Katrín Sigurjónsdóttir. Sveitarstjórn samþykkir samhljóða með 7 atkvæðum að vísa ofangreindum drögum áfram til umfjöllunar í byggðaráði."

Á fundinum var farið yfir og ræddar þær breytingatillögur sem liggja fyrir. Rætt var um möguleika á valdframsali til að auka skilvirkni.