Byggðaráð

Bókað í trúnaðarmálabók.

Frestað.

Bókað í trúnaðarmálabók.

Tekin fyrir beiðni um viðauka frá sviðsstjóra veitu- og hafnasviðs. Óskað eftir viðauka til hækkunar á tekjum Vatnsveitu Dalvíkurbyggðar að fjárhæð kr. 26.401.227,- og til hækkunar á tekjum Hitaveitu Dalvíkur um kr. 9.316.883.

Sviðsstjóri fjármála- og stjórnsýslusviðs gerði grein fyrir heildarviðauka vegna launa 2020 vegna nýrra kjarasamninga á árinu. Breyting á launaáætlun ársins 2020 er kr. 104.550.067 þar af var áætlað upp í hækkanir launaskrið kr. 61.140.437. Breytingin er því kr. 43.409.630 sem vantar upp á til að bregðast við breytingum og hækkunum á launum samkvæmt kjarasamningum. 51,54% af upphæðinni er vegna fræðslumála- og uppeldismála.

Sviðsstjóri fjármála- og stjórnsýslusviðs kynnti helstu niðurstöður samkvæmt heildarviðauka IV við fjárhagsáætlun 2020.

Í búið er að bæta við inn í heildarviðaukann þeim einstaka viðaukum sem samþykktir hafa verið frá því að heildarviðauki III var gerður:
Mál 202011101, viðauki vegna millifærslu á launaáætlun af deild 11410 og yfir á deild 06270.
Mál 202012006, viðauki vegna hækkunar á framlögum úr Jöfnunarsjóði.
Mál 202012036; viðauki vegna heimtaugargjalda.
Mál 202012034; Viðauki vegna heildarlaunaviðauka skv. kjarasamningum.

Breyting á lífeyrisskuldbindingu vegna greiðslu til Brúar að upphæð kr. 8.051.000.

Einnig eru ýmsar afleiddar breytingar í fjárhagsáætlunarlíkani, s.s. vegna fjármunatekna - og fjármagnsgjalda, afskrifta.

Sveitarstjóri vék af fundi undir þessum lið kl. 14:30 til annarra verkefna.

Sviðsstjóri fjármála- og stjórnsýslusvið kynnti breytingar sem gerðar hafa verið á fjárhagsáætlun 2021 og þriggja ára áætlun 2022-2024 á milli umræðna og helstu niðurstöður samkvæmt meðfylgjandi gögnum úr fjárhagsáætlunarlíkani.

Á 245. fundi félagsmálaráðs þann 8. desember s.l. var eftirfarandi bókað:
"Lagðar voru fram til kynningar hagræðingartillögur sviðsstjóra félagsmálasviðs vegna fjárhagsársins 2021
Félagsmálaráð hefur skilning á því að það þurfi að koma til niðurskurðar í fjármálum sveitarfélagsins en lýsir áhyggjum sínum yfir niðurskurðartillögum félagsmálasviðs og óskar eftir því að ekki þurfi að koma til niðurskurðar í liðum 1,3 og 4 í tillögum félagsmálastjóra. Félagsmálaráð vísar erindinu til byggðarráðs."

Með fundarboði fylgdu einnig eftirfarandi vinnugögn:
Uppfærður búnaðarlisti.
Uppfært yfirlit yfir fjárfestingar og framkvæmdir 2021-2024.
Yfirlit yfir breytingar á launaáætlun milli umræðna.
Yfirlit yfir fjölda stöðugilda 2021 og breytingar frá árinu 2020.
Samantekt sem sýnir þróun launakostnaðar 2019-2021.

Lagður fram leigusamningur vegna hluta húsnæðis sem er staðsett í austurhluta masturshúss 3 sem er á Norðurgarði Dalvíkurhafnar. Leigusamningurinn er við Rarik um spennistöðvarrými fyrir hafnarrafmagn við Dalvíkurhöfn. Hafnasjóður Dalvíkurbyggðar óskaði eftir stækkun á spenni vegna þeirra breytinga sem gerðar hafa verið á möguleikum Hafnasjóða að standa við kröfur um orkuskipti í höfnum.

Umræddur leigusamningur er hefðbundið form sem Rarik hefur notað vegna húsnæðis fyrir spenna sem fyrirtækið hefur leigt af viðskiptavinum sínum.

Undir þessum lið kom á fundinn Vilhelm Hallgrímsson, slökkviliðsstjóri kl. 15:10.

Lögð fram greining HLH ráðgjafar varðandi úttekt á hagkvæmni sameiningar brunamála í Dalvíkurbyggð og Fjallabyggð. Skýrslan var kynnt sveitar-/bæjarstjórnum sveitarfélaganna fimmtudaginn 3. desember og forsvarsmönnum slökkviliðanna föstudaginn 4. desember sl.


Vilhelm vék af fundi kl. 16:03.

Til kynningar fundargerð starfs- og kjaranefndar frá 8. desember 2020.

Til umfjöllunar reglur Dalvíkurbyggðar um tímabundna niðurfellingu gatnagerðargjalda en málinu var vísað til byggðaráðs frá sveitarstjórn til nánari útfærslu.

Með fundarboði fylgdu uppfærð drög að reglum frá sveitarstjóra og sviðsstjóra fjármála- og stjórnsýslusviðs. Upplýst var á fundinum að sviðsstjóri umhverfis- og tæknisviðs er búinn að rýna drögin á milli funda.

Með fundarboði byggðaráðs fylgdi tillaga að reglum um styrk á móti fasteignaskatti til félaga og félagasamtaka fyrir árið 2021.
Um er að ræða óbreyttar reglur frá fyrra ári.
Til umræðu ofangreint.

Með fundarboði byggðaráðs fylgdu drög að reglum um afslátt fasteignaskatts til tekjulágra elli- og örorkulífeyrisþega fyrir árið 2021.

Til umræðu ofangreint.

Með rafpósti þann 9. október sl. óskaði Samgöngu- og sveitarstjórnarráðuneytið eftir upplýsingum um til hvaða fjárhagslega aðgerða sveitarstjórn hyggst grípa eða hefur gripið til vegna Covid-19 ástandsins.

Á 960. fundi byggðaráðs fól ráðið sveitarstjóra og sviðsstjóra fjármála- og stjórnsýslusviðs að taka saman minnisblað um ofangreint og leggja fyrir byggðaráð.

Með fundarboði byggðaráðs fylgdi tillaga að svarbréfi til ráðuneytisins.

Boðað er til XXXV. landsþing Sambands íslenskra sveitarfélaga verður haldið föstudaginn 18. desember nk. Þingið er rafrænt og hefst kl. 10.
Meginumræðuefni landsþingsins verða efling sveitarstjórnarstigsins og fjármálaleg samskipti ríkis og sveitarfélaga á tímum Covid-19.

Með fundarboði til byggðaráðs fylgdi einnig tillaga til landsþings, borin upp af fulltrúum 20 sveitarfélaga, sem hafnar lögfestingu íbúalágmarks og ítrekar að sjálfsstjórnarrétt sveitarfélaga og lýðræðislegan rétt íbúa sveitarfélaga ber að virða, óháð stærð þeirra.

Lögð fram til kynningar bókun sveitarstjórnar Bláskógarbyggðar vegna stofnunar þjóðgarðs á miðhálendinu sem var send í rafpósti 1. desember 2020.

Sveitarstjórn Bláskógabyggðar leggst alfarið gegn stofnun þjóðgarðs á hálendinu. Sveitarstjórn skorar á önnur sveitarfélög í landinu að gera slíkt hið sama og sýna þannig samstöðu í að standa vörð um sveitarstjórnastigið og lýðræðislegan rétt íbúa til að hafa áhrif á og koma að ákvörðunum er varða sitt nærumhverfi.

Tekið fyrir erindi frá Hagstofu Íslands dagsett 27. nóvember 2020, beiðni um upplýsingar vegna manntals og húsnæðistals en nánari upplýsingar verða sendar út til sveitarfélaga í byrjun janúar 2021.

Tekið fyrir erindi frá Sveitarfélaginu Skagafirði, rafpóstur dagsettur þann 26.11.2020, þar sem upplýst er um bókun sveitarfélagsins frá fundi byggðaráðs Sveitarfélagsins Skagafjarðar frá 24.11.2020.

"Byggðarráð Sveitarfélagsins Skagafjarðar harmar þá stöðu sem upp er komin í málefnum Jöfnunarsjóðs sveitarfélaga. Reykjavíkurborg virðist ætla að halda til streitu kröfu á hendur Jöfnunarsjóði upp á um 8,7 milljarða króna fyrir meint vangoldin framlög úr sjóðnum. Þessari kröfu hefur þegar verið hafnað af hálfu ríkisins.
Ljóst er hins vegar að muni krafan ná fram að ganga þá eru það sveitarfélögin í landinu, í gegnum Jöfnunarsjóð, sem á endanum munu greiða kröfuna í formi skertra framlaga til þeirra eins og fyrri kröfur sem lent hafa á sjóðnum. Með því er ljóst að fjárhagsleg framtíð sveitarfélaga í landinu er í uppnámi sem og framtíð þess jöfnunarkerfis sem hingað til hefur verið sátt um á meðal sveitarfélaga landsins. Mörg sveitarfélög treysta að miklu leyti á framlög Jöfnunarsjóðs til að sinna þeim fjölmörgu verkefnum sem þeim eru falin og því ljóst að skerðing á framlögum til þeirra í gegn um jöfnunarkerfið mun gera mörgum sveitarfélögum ókleift að sinna þessum verkefnum. Það mun leiða til þess að þjónusta við íbúana mun skerðast verulega frá því sem nú er.
Flest sveitarfélög landsins takast nú á við mjög erfiða fjárhagsstöðu á árinu 2020 og jafnframt er flestum þeirra mikil áskorun að ná endum saman við gerð fjárhagsáætlunar fyrir árið 2021. Nái krafa höfuðborgar Íslands, sem byggð hefur verið upp af hálfu ríkisins og skattborgara landsins alls sem miðstöð stjórnsýslu, menningar, íþrótta og lista, fram að ganga er ljóst að rekstur sveitarfélaga landsins er í uppnámi um komandi framtíð.
Byggðarráð Sveitarfélagsins Skagafjarðar skorar á Reykjavíkurborg að draga kröfu sína til baka og leita annarra leiða gagnvart ríkisvaldinu til að ná fram þeirri leiðréttingu sem borgin telur sig eiga rétt á en í gegnum jöfnunarsjóð sveitarfélaga og þar með gagnvart sveitarfélögunum í landinu, með ófyrirséðum afleiðingum fyrir sveitarfélögin og íbúa þeirra. Byggðarráð skorar jafnframt á önnur sveitarfélög landsins að taka undir bókunina og gera að sinni."

Tekinn fyrir rafpóstur frá nefndasviði Alþingis dagsettur 25. nóvember þar sem Velferðarnefnd Alþingis sendir til umsagnar frumvarp til laga um fæðingar- og foreldraorlof, 323.mál.

Þess er óskað að undirrituð umsögn berist eigi síðar en 6. desember nk.

Tekinn fyrir rafpóstur frá nefndasviði Alþingis dagsettur 25. nóvember þar sem Velferðarnefnd Alþingis sendir til umsagnar tillögu til þingsályktunar um um bætta stjórnsýslu í umgengnismálum, 104. mál.

Þess er óskað að undirrituð umsögn berist eigi síðar en 9. desember nk.

Með fundarboði fylgdi til kynningar fréttabréf SSNE frá nóvember 2020.