Atvinnumála- og kynningarráð

2. fundur 03. september 2014 kl. 13:00 - 15:15 í Upsa á 3. hæð í Ráðhúsi Dalvíkur

Nefndarmenn

Freyr Antonsson Formaður
Sölvi H Hjaltason Varaformaður
Lilja Björk Ólafsdóttir Aðalmaður
Kristín Björk Þórsdóttir Varamaður
Guðmundur St. Jónsson Varamaður
Guðrún Pálína Jóhannsdóttir Sviðstjóri
Margrét Víkingsdóttir starfsmaður

Fundargerð ritaði: Guðrún Pálína Jóhannsdóttir sviðsstjóri fjármála- og stjórnsýslusviðs

Dagskrá

Agnes Sigurðardóttir boðaði forföll og varamaður hennar mætti á fundinn í hennar stað.

Heimir V. Sigurðsson, aðalmaður, mætti ekki á fundinn og boðaði ekki forföll en varamaður hans Guðmundur St. Jónsson,varamaður mætti í hans stað.

1.Upplýsingamiðstöð; skýrsla starfsmanns um starfssemina 2014.

Málsnúmer 201407047 Vakta málsnúmer

Valgerður Björg Stefánsdóttir, starfsmaður upplýsingamiðstöðvar, kom á fundinn kl. 13:08 og kynnti skýrslu upplýsingamiðstöðvar fyrir sumarið 2014. Valgerður fór yfir helstu verkefni, fjöldatölur, þjóðerni þeirra sem nýttu sér upplýsingamiðstöðina og fleira.

Valgerður fór út af fundi kl. 13:46.

Lagt fram.

Atvinnumála- og kynningarráð samþykkir með 5 atkvæðum að óska eftir viðræðum við menningarráð um starfsemi Upplýsingarmiðstöðvar í Bókasafni Dalvíkurbyggðar og felur formanni ráðsins og Upplýsingafulltrúa að fara á fund menningarráðs.

2.Stöðumat starfs- og fjárhagsáætlunar janúar - júní 2014; atvinnumál og kynningarmál.

Málsnúmer 201407037 Vakta málsnúmer

Sviðsstjóri Fjármála- og stjórnsýslusviðs og upplýsingafulltrúi fóru yfir stöðumat starfs- og fjárhagsáætlunar fyrir janúar til júní 2014.

Lagt fram.

3.Starfs- og fjárhagsáætlun Dalvíkurbyggðar 2015-2018.

Málsnúmer 201405176 Vakta málsnúmer

Til umræðu verkefni og áherslur næsta árs og ára er varðar atvinnumál og kynningarmál.

Lagt fram til kynningar.

4.Erindi frá Ferðatröllum; www.visittrollaskagi.is

Málsnúmer 201401011 Vakta málsnúmer

Upplýsingafulltrúi fór yfir stöðu mála hvað varðar heimasíðuna www.visitrollaskagi.is, en áformað var að hún færi í loftið 13. júní s.l. samkvæmt verkáætlun.

Lagt fram.

5.Fyrirtækjaþing 2014.

Málsnúmer 201407034 Vakta málsnúmer

Síðustu ár hafa verið haldin fyrirtækjaþing í Dalvíkurbyggð. Efni fyrirtækjaþinganna hafa verið ýmis svo sem hafnarstarfsemi, ferðaþjónusta, efnahagsmál og fleira.

Til umræðu þema þingsins, dagskrá og tímasetning.

Lilja Björk vék af fundi undir þessum lið kl. 15:17.

Atvinnumála- og kynningarráð samþykkir með 4 atkvæðum að fyrirtækjaþing 2014 verði haldið um húsnæðismál, nýbyggingar, í sveitarfélaginu. Þingið verði í nóvember.

Atvinnumála- og kynningarráð óskar eftir samstarfi byggðarráðs og umhverfisráðs og óskar eftir tilnefningu á einum fulltrúa í vinnuhóp frá hverju ráði til að koma að fyrirtækjaþinginu. Fyrir hönd atvinnumála- og kynningarráðs verði upplýsingarfulltrúi í vinnuhópnum og formaður. Einnig komi sveitarstjóri og viðkomandi sviðsstjórar fagsviða að undirbúningi.

Lagt er til að vinna kjörinna fulltrúa í vinnuhópnum verið launuð.

Fundi slitið - kl. 15:15.