Veitu- og hafnaráð

Á 1. fundi fundi veitu- og hafnaráðs, 8. mars sl. samþykkti ráðið að fá uppgefinn kostnað við hönnun hafskipakants í Dalvíkurhöfn og jafnframt að fá frumhönnun á framkvæmdinni. Hafnastjóri sendi erindi til Siglingastofnunar um þessi atriði.
Fyrir liggur bréf frá Siglingastofnun dags. 15.04.2013 þar sem gefnar eru upplýsingar varðandi erindið.
Heildarkostnaður með dýpkun m.v. frumathugun, gæti orðið 327 m kr. m.VSK.
Hafnastjóri kallaði eftir breytingu á uppdrætti sem fylgdi sem ekki hefur borist.

Á 36. fundi hafnastjórnar, 15.02.2013, var samþykkt að skoða hvort unnt væri að stofna sérstakt félag um verbúðirnar. Hafnastjóri greindi frá athugunum sínum á því, en hægt er að stofna sérstakt félag ef það þykir ákjósanlegur kostur. Hinsvegar eru t.d. verbúðir við Reykjavíkurhöfn í eigu og rekstri Faxaflóahafna og hefur það ekki hamlað breytinu á starfsemi þar.

Á 36. fundi hafnastjórnar var farið yfir erindi frá Frey Antonssyni, Arctic sea tours ehf. varðandi framtíðarstaðsetningu fyrirtækis hans í Dalvíkurhöfn. Freyr var á fundinum og fór yfir áætlanir sínar.
Fyrir fundinum liggur nýtt erindi frá Frey dagsett 28.04.2013 þar sem fram kemur að Arctic sea tours í samvinnu við Bátaferðir verða með tvo báta í hvalaskoðun frá Dalvík í sumar, Draum og ný keyptan 50 tn. eikarbát. Í erindinu er fjallað um aðstöðu í höfninni í sumar og þeir kostir sem í stöðunni eru listaðir upp.

Ársreikningur Dalvíkurbyggðar 2012 liggur nú fyrir og er fyrri umræðu í sveitarstjórn lokið. Afkoma veitna og hafnasjóðs var kynnt fyrir ráðinu. Hitaveita skilar afgangi uppá tæplega 23 m kr. HSD skilar afgangi uppá rúmlega 23 m kr. Vatnsveita er með afgang uppá tæpa milljón og fráveita er með halla uppá ríflega 6 m kr.

Samkvæmt fjárhagsáætlun fyrir yfirstandandi ár var gert ráð fyrir kaupum á dælum og breytingum á búnaði. Nú hafa verið skoðaðar hugmyndir að breyta dælustöðinni þannig að dælurnar verði afkastameiri og steyptur brunnur fyrir þær. Kostnaður verður meiri ef farið verður þessi leið en ávinningurinn er meira rekstraröryggi stöðvarinnar.

Fyrir fundinum liggur tilboð frá birgjum í efni til þeirra framkvæmda sem verða í sumar. Sviðstjóri leggur til að gengið verði að tilboði frá Set hf.

Á 36. fundi hafnastjórnar var fjallað um gjaldskrá og fór yfirhafnavörður m.a. yfir fyrirkomulag á vatnssölu til báta og í verðbúðir. Ákvörðun var frestað.
Fyrir fundinum liggur tillaga um:
a) að sett verði á fast árlegt gjald vegna vatnssölu í verbúðir.
b) að vatnssala til báta að 30 bt. verði innifalin í viðlegugjaldi.

Með bréfi sem dagsett er 17. apríl 2013 segir, Baldur Árni Beck Friðleifsson verkstjóri veitna, upp bakvaktarsamningi við Veitur Dalvíkurbyggðar. Fram kemur í bréfinu að Baldur óskar eftir því að uppsögnin taki gildi frá og með 1. júní n.k.

Á 36. fundi hafnastjórnar var m.a. fjallað um fyrirhugaðan fund um atvinnutækifæri tengd höfnum, en fundurinn er á vegum atvinnumálanefndar í samstarfi við veitu- og hafnaráð.