Ársreikningur Dalvíkurbyggðar 2012; framlagning ársreiknings.

Undir þessum lið komu á fund byggðarráðs Þorsteinn G. Þorsteinsson, löggiltur endurskoðandi KPMG, Guðmundur St. Jónsson, forseti sveitarstjórnar, Eyrún Rafnsdóttir, sviðstjóri félagsmálasviðs, og Þorsteinn K. Björnsson, sviðstjóri umhverfis- og tæknisviðs.

Allir aðalmenn í sveitarstjórn og sviðstjórar voru boðaðir á fundinn undir þessum lið.
Sviðstjóri fræðslu- og menningarsviðs boðaði forföll.

Þorsteinn G. Þorsteinsson fór yfir helstu niðurstöður og forsendur ársreiknings 2012.

Eyrún vék af fundi kl. 09:45 til annarra starfa.
Jóhann vék af fundi kl. 10:00 til annarra starfa.

Rekstrarniðurstaða A-hluta var jákvæð um kr. 1.734.000, áætlun með viðauka gerði ráð fyrir neikvæðri niðurstöður að upphæð kr. - 13.238.000.
Rekstrarniðurstaða samantekið A- og B- hluta var jákvæð um kr. 42.810.000 en áætlun gerði ráð fyrir jákvæðri niðurstöðu að upphæð kr. 51.754.000.

Handbært fé frá rekstri var kr. 236.709.000 fyrir A- og B- hluta en áætlun gerði ráð fyrir kr. 210.621.000.
Fjárfestingar fyrir A- og B- hluta voru kr. 155.561.000 og söluverð rekstrarfjármuna var kr. 84.056.000.
Veltufjárhlutfallið var 1,05.
Langtímaskuldir við lánastofnanir voru í árslok kr. 885.999.000 en í árslok 2011 voru þær kr. 1.021.162.000.
Ekkert lán var tekið á árinu 2012. Skuldahlutfall er 86,8% fyrir samantekið A- og B- hluta, þegar tekið hefur verið tillit til lífeyrisskuldbindinga sem eru til greiðslu eftir 2027.


Samkvæmt sveitarstjórnarlögum skal ársreikningur fullgerður og samþykktur af byggðarráði og tilbúinn til endurskoðunar og afgreiðslu í sveitarstjórn fyrir 15. apríl ár hvert.

Þorsteinn G., Guðmundur St., Þorsteinn og Eyrún viku af fundi.

Til máls tóku:
Svanfríður Inga Jónasdóttir, sem gerði grein fyrir helstu forsendum og niðurstöðum ársreiknings Dalvíkurbyggðar fyrir árið 2012 og lagði fram skýrslu endurskoðanda.



Rekstrarniðurstaða A-hluta var jákvæð um kr. 1.734.000, áætlun með viðauka gerði ráð fyrir neikvæðri niðurstöður að upphæð kr. - 13.238.000.
Rekstrarniðurstaða samantekið A- og B- hluta var jákvæð um kr. 42.810.000 en áætlun gerði ráð fyrir jákvæðri niðurstöðu að upphæð kr. 51.754.000.

Handbært fé frá rekstri var kr. 236.709.000 fyrir A- og B- hluta en áætlun gerði ráð fyrir kr. 210.621.000.
Fjárfestingar fyrir A- og B- hluta voru kr. 155.561.000 og söluverð rekstrarfjármuna var kr. 84.056.000.
Veltufjárhlutfallið var 1,05.
Langtímaskuldir við lánastofnanir voru í árslok kr. 885.999.000 en í árslok 2011 voru þær kr. 1.021.162.000.
Ekkert lán var tekið á árinu 2012. Skuldahlutfall er 86,8% fyrir samantekið A- og B- hluta.

Guðmundur St. Jónsson.


Fleiri tóku ekki til máls.

Ársreikningur Dalvíkurbyggðar 2012 liggur nú fyrir og er fyrri umræðu í sveitarstjórn lokið. Afkoma veitna og hafnasjóðs var kynnt fyrir ráðinu. Hitaveita skilar afgangi uppá tæplega 23 m kr. HSD skilar afgangi uppá rúmlega 23 m kr. Vatnsveita er með afgang uppá tæpa milljón og fráveita er með halla uppá ríflega 6 m kr.

Á 246. fundi sveitarstjórnar þann 16. apríl 2013 var ársreikningur Dalvíkurbyggðar fyrir árið 2012 tekinn til fyrri umræðu og samþykkt samhljóða með 5 atkvæðum að vísa ársreikningum til síðari umræðu í sveitarstjórn.

Til máls tók:
Svanfríður Inga Jónasdóttir.