Veitu- og hafnaráð

Með rafpósti sem dagsettur er 3. febrúar 2015 barst ársreikningur Hafnasambands Íslands fyrir árið 2014. Samkvæmt 5. mgr. 5. gr. laga Hafnasambands Íslands skal stjórn samþykkja ársreikninga eftir að þeir hafa verið kynntir aðildarhöfnunum.

Um þessar mundir stendur yfir vinna í Innanríkisráðuneytinu um samgönguáætlun og ljóst er að auka þarf fjármagn til hafnaframkvæmda töluvert á næstu árum. Til að geta fært rök fyrir því er nauðsynlegt að hafa upplýsingar um áætlaðan kostnað hafnasjóða við viðhald og nýframkvæmdir á næstu árum.

Meðfylgjandi umsögn um tillögu að landsskipulagsstefnu hefur verið send í dag til Skipulagsstofnunar. Umsögnin verður jafnframt aðgengileg á heimasíðu Sambandsins.

Minnt er á að umsagnarfrestur er til 8. febrúar nk. og eru sveitarfélög og landshlutasamtök hvött til þess að koma ábendingum sínum á framfæri við Skipulagsstofnun.

Með rafpósti sem dagsettur er 23. janúar 2015 barst fundargerð 371. fundar stjórnar Hafnasambands Íslands.Umræddur fundur var haldinn 16. janúar sl.

Kynnt var á fundinum ný tillaga frá arkitekt og sveitarstjóri sagði einnig frá fundi með fulltrúum Samherja og Promens.

Ungmennaráð hefur áhuga á að koma á fund veitu- og hafnaráðs og kynna starfssemi þess.

Eins og fram hefur komið í fyrri fundargerðum ráðsins hefur staðið að funda með Hafnasamlagi Norðurlands.

Samband íslenskra sveitarfélags sendi tilkynningu um að til stæði að breyta lögum um fráveitur. Meginmarkmið frumvarpsins er að skýra og treysta grundvöll álagningar fráveitugjalds sem fráveitur sveitarfélaga innheimta fyrir þá almannaþjónustu sem þær veita. Frumvarpinu er enn fremur ætlað að skýra og styrkja gjaldtökuheimildir, réttindi og skyldur fráveitna gagnvart viðskiptavinum þeirra.

Fyrir liggur samningur um lagningu ljósleiðara um Dalvíkurbyggð frá árinu 2007 og drög að samningi um framhald verkefninsins.