Veitu- og hafnaráð

Sviðsstjóri kynnti reglur um ritun fundargerða.

Erindi frá 953. fundi (3.9.2020) Byggðaráðs Dalvíkurbyggðar.
"Með fundarboði byggðaráðs fylgdi uppfærðar leiðbeiningar um ritun fundargerða og fundarsköp í framhaldi af endurskoðun á Samþykkt um stjórn Dalvíkurbyggðar og endurskoðun á erindisbréfum ráða."

Erindisbréf veitu- og hafnaráðs var kynnt á 90. fundi 6. nóvember 2019.

Erindi frá 954. fundi Byggðaráðs Dalvíkurbyggðar, þar sem eftirfarandi var fært til bókar: "Tekið fyrir erindi frá íbúum á Hauganesi dagsett 6. september 2021, þar sem lagðar eru fram níu tillögur vegna fjárhagsáætlunar 2021. Efst á blaði eru lagfæring Aðalgötu, gangstéttar og fjölgun bílastæða. Einnig göngu- og hjólastígur meðfram Hauganesvegi.

Einnig eru fyrirspurnir til sveitarfélagsins varðandi deiliskipulag fyrir Hauganes, mokstursmál fyrir veturinn, hreinsistöðina, grjótnámuna, leikvöllinn, dýrahald, slátt og almenna hirðu á Hauganesi.

Þá þakka íbúarnir fyrir allt það sem gert var í sumar og eru sammála um að alltaf er hægt að gera gott betra.

Byggðaráð samþykkir samhljóða með 3 atkvæðum að vísa ofangreindu erindi til umhverfisráðs, veitu- og hafnaráðs, Eignasjóðs og íþrótta- og æskulýðsráðs, eftir því sem við á, vegna vinnu við fjárhagsáætlun 2021.“

Erindi frá íbúum á Hauganesi, fundargerð frá íbúafundi 6. september 2020.

Í einum lið er fjallað um eins og segir í fundargerðinni: "Rörið frá hreinsistöðinni, hvenær verður það sett út í sjó."

Samkvæmt þriggja ára áætlun er gert ráð fyrir að ganga frá útræsum frá hreinsistöðvum á Hauganesi og Árskógssandi á árinu 2021.

Með rafpósti, sem dagsettur er 24.ágúst 2020, kom eftirfarandi fram:

Stjórn Hafnasambands Íslands fundaði í dag og tók ákvörðun um að fresta hafnasambandsþingi vegna Covid-19 en þingið átti að fara fram 24.-25. september nk.
Ekki hefur verið tekin ákvörðun um nýja dagsetningu. Nánari upplýsingar með nýrri dagsetningu verða sendar út í lok september.

Erindi frá 954. Byggðaráðs Dalvíkurbyggðar, þar sem eftirfarandi var fært til bókar: "Tekin fyrir erindi frá Sólrúnu ehf. dagsett 7. september 2020, annars vegar erindi er varðar hafnaraðstöðu á Árskógssandi, þörf fyrir endurbætur og niðursetning flotbryggju. Bent er á að frekari uppbygging hafnarinnar sé forsenda fyrir útgerð og almennri uppbygginu á Árskógssandi. Hins vegar erindi er varðar viðhald á Sjávargötu á Árskógssandi.

Byggðaráð samþykkir samhljóða með 3 atkvæðum að vísa erindi um hafnaraðstöðu á Árskógssandi til veitu- og hafnaráðs og erindi um Sjávargötu til umhverfisráðs vegna vinnu við fjárhagsáætlun 2021."

Samkvæmt upplýsingum frá Vegagerð ríkisins er unnið samkvæmt þingsályktun um fjögurra ára samgönguáætlun fyrir árin 2019 til 2023 sem er endurskoðuð á fjögurra ára fresti. Þar er ekki gert ráð fyrir framkvæmdum sem snúa að ytri mannvirkjum hafnarinnar á Árskógssandi. Hafnadeild Vegagerðar ríkisins sér um frumrannsóknir vegna nauðsynlegra breytinga á ytri mannvirkjum hafna. Slík rannsókn er forsenda þess að framkvæmdin njóti ríkisframlags og verði sett á samgönguáætlun.

Erindi frá 954. Byggðaráðs Dalvíkurbyggðar, þar sem eftirfarandi var fært til bókar: "Tekið fyrir erindi frá Laxós ehf. dagsett 26. ágúst 2020, þar sem farið er yfir stöðu verkefnis vegna fyrirhugaðs seiðaeldis á Árskógssandi. Óskað er eftir nánari upplýsingum um tvennt:
1. Hvort leyfi muni fást til að lengja fyrirhugaða landfyllingu á Árskógssandi til austurs.
2. Hvort sveitarfélagið muni geta afhent það magn af vatni sem félagið þarf í framtíðinni.

Byggðaráð samþykkir samhljóða með 3 atkvæðum að vísa ofangreindu erindi til veitu- og hafnaráðs og umhverfisráðs, eftir því sem við á."

Í framangreindu bréfi er lögð fram sú spurning, til veitu- og hafnaráðs, hvort Laxós ehf. geti fengið allt að 100 m3/klst af heitu vatni vegna seiðaeldisstöðva á landfyllingu við Árskógssandshöfn í tveimur áföngum.
Ljóst er að með núverandi afkastagetu virkjunarsvæðisins að Brimnesborgum er það ekki hægt, en það hefur verið til umræða að bora þriðju vinnsluholuna. Verði farið í þá framkvæmd og borholan stæði undir þeim væntingum sem svæðið býður uppá þá ætti slíkt að geta gengið eftir en jafnframt þyrfti einnig að stækka stofnlögnina að notanda.

Farið var yfir samantekt á fyrirhuguðum framkvæmdum næsta árs og þær bornar saman við þriggja ára áætlun.

Við gerð fjárhagsáætlana hvert ár er tekin umræða um nauðsyn þess að breyta gjaldskrám á veitu- og hafnasviði.

Gjaldskrá Vatnsveitu Dalvíkurbyggðar og Hitaveitu Dalvíkur hafa ekki breyst síðan 2018 en Hafnasjóðs og Fráveitu Dalvíkurbyggðar tóku breytingum um síðustu áramót.

Farið hefur verið í ýmsar kostnaðarsamar framkvæmdir á síðustu árum, þar má nefna: Austurgarður hjá Hafnasjóð, hreinsistöðvar hjá Fráveitu, geymsluskáli og undirbúningur Brimnesvirkjunar hjá Hitaveitu og viðhald á brunndælum og skoðun á nýjum brunnsvæðum hjá Vatnsveitu.

Rétt er einnig að geta þess að samningsbundnar launahækkanir hafa átt sér stað.

Að framansögðu leggur sviðsstjóri til að allar gjaldskrá á veitu- og hafnasviði hækki um 2,4%, sem er verðbólguspá fyrir 2021.

Á fundinum var kynnt frávikagreining fyrir málaflokka veitu- og hafnasviðs vegna janúar til júní.
Sviðsstjóri fór yfir hvern málaflokk fyrir sig og svaraði fyrirspurnum ráðsmanna.