Umhverfisráð

306. fundur 08. júní 2018 kl. 08:15 - 10:00 í Upsa á 3. hæð í Ráðhúsi Dalvíkur
Nefndarmenn
  • Haukur Gunnarsson Formaður
  • Karl Ingi Atlason Aðalmaður
  • Marinó Þorsteinsson aðalmaður
  • Heiða Hilmarsdóttir varamaður
  • Ásdís Svanborg Jónasdóttir Varamaður
Starfsmenn
  • Börkur Þór Ottósson Sviðstjóri
Fundargerð ritaði: Börkur Þór Ottósson sviðsstjóri Umhverfis- og tæknisviðs
Dagskrá
Guðrún Anna Óskarsdóttir boðaði forföll og í hennar stað mætti Ásdís Jónasdóttir.
Friðrik Vilhelmsson boðaði einnig forföll og í hans stað mætti Heiða Hilmarsdóttir.

1.Umsókn um lóð við Gunnarsbraut 8, dalvík

Málsnúmer 201806015Vakta málsnúmer

Með innsendu erindi dags. 01. júní 2018 sækir Guðmar Ragnar Stefánsson, fyrir hönd Brúarsmiða ehf., um lóðina Gunnarsbraut 8, Dalvík.
Umhverfisráð gerir ekki athugasemdir við umsóknina og felur sviðsstjóra að veita umsækjanda umbeðna lóð.
Samþykkt með fimm atkvæðum.

2.Umsókn um byggingarleyfi vegna breytinga á Karlsrauðatorgi 11, Dalvík

Málsnúmer 201806022Vakta málsnúmer

Með innsendu erindi dags. 05.júní 2018 óska þau Bjarni Gunnarsson og Aðalheiður Kristín Símonardóttir eftir byggingarleyfi við Karlsrauðartorg 11, Dalvík samkvæmt meðfylgjandi gögnum.
Umhverfisráð gerir ekki athugasemdir við umsóknina, en felur sviðsstjóra að framkvæma grenndarkynningu áður en framkvæmdarleyfi er veitt.
Ráðið óskar eftir að framkvæmdin verði grenndarkynnt eftirtöldum lóðarhöfum.

Dalbæ
Kambhóli
Karlsrauðatorgi 9-24
Kirkjuvegi 7-12
Melum

Samþykkt með fimm atkvæðum.

3.Aðalskipulag Dalvíkurbyggðar 2008-2020,
breyting, athafnasvæði og landfylling á Árskógssandi.

Málsnúmer 201608099Vakta málsnúmer

Laxós ehf. hefur látið vinna tillögu að breytingu á aðalskipulagi þar sem gert er ráð fyrir nýju 7.650 m² athafnasvæði á um 0,8 ha landfyllingu innan við höfnina á Árskógssandi. Þéttbýlismörkum á sveitarfélagsuppdrætti er breytt til samræmis. Fyrirhugað er að 1. hluti seiðaeldisstöðvar fyrirtækisins verði á athafnalóð við Öldugötu en 2. hluti, sjógönguseiðadeild, verði á nýja athafnasvæðinu við höfnina. Lýsing skipulagsbreytingarinnar var auglýst í júlí 2017. Fyrirhugaðar framkvæmdir voru tilkynntar Skipulagsstofnun til ákvörðunar um matsskyldu skv. ákvæðum laga um mat á umhverfisáhrifum nr. 106/2000. Niðurstaða stofnunarinnar var að fyrirhuguð seiðaeldisstöð á Árskógssandi væri ekki líkleg til að hafa í för með sér umtalsverð umhverfisáhrif og væri því ekki háð mati á umhverfisáhrifum.
Lögð var fram tillaga að breyttu aðalskipulagi á breytingablaði dags. 5. júní 2018.
Umhverfisráð leggur til að breytingartillagan verði kynnt almenningi og hagsmunaaðilum sbr. 2. mgr. 30. gr. skipulagslaga nr. 123/2010. Gefi umræður eða ábendingar sem fram kunna að koma á kynningarfundi ekki tilefni til breytinga verði tillagan send Skipulagsstofnun til yfirferðar og auglýst sbr. 1. mgr. 36. gr. skipulagslaga að fenginni umsögn stofnunarinnar.

Samþykkt með fimm atkvæðum.

4.Aðstaða við höfnina á Árskógssandi

Málsnúmer 201805056Vakta málsnúmer

Til umræðu bréf dags. 25. apríl 2018 sem hverfisráð Hríseyjar sendi frá fundi sínum þann 15. apríl 2018.
Umhverfisráð þakkar innsent erindi og felur sviðsstjóra að kanna þau atriði sem að ráðinu snúa.
Ráðið felur sviðsstjóra að áframsenda erindið til Vegagerðarinnar þar sem stærstur hluti ábendinga snýr að veghaldara.

5.Umsókn um uppsetningu á skilti við Goðabraut 3, Dalvík

Málsnúmer 201805063Vakta málsnúmer

Með innsendum erindum dags. 14. og 25. maí 2018 óskar Grzegorz Tomasz Maniakowski fyrir hönd Gregdalvik ehf. eftir leyfi til uppsetningar á skilti við Goðabraut 3, Dalvík og sunnan Dalvíkur samkvæmt meðfylgjandi gögnum.
Umhverfisráð samþykkir að veita umbeðið leyfi og felur svisstjóra að hafa eftirlit með framkvæmdunum.
Samþykkt með fimm atkvæðum.

6.Samstarf við SEEDS sjálfboðaliðasamtök 2018

Málsnúmer 201804076Vakta málsnúmer

Til kynningar erindi dags. 17. maí frá Ernu Maríu Þrastardóttur verkefnisstjóra hjá sjálfboðaliðasamtökunum SEEDS þar sem leitað er eftir vekefnum fyrir sumarið 2018.
Lagt fram til kynningar.

7.Svæðisskipulagsnefnd

Málsnúmer 201704072Vakta málsnúmer

Lagðar fram til kynningar fundargerðir svæðisskipulagsnefndar nr. 4 og 5 frá 11. janúar og 23. maí 2018.
Lagt fram til kynningar.

8.Leiksýningin Gosi

Málsnúmer 201805095Vakta málsnúmer

Með innsendu erindi dags. 24.maí 2018 óskar leikhópurinn Lotta eftir leyfi til sýningarhalds þann 10. ágúst 2018 og eins er sótt um styrk samkvæmt meðfylgjandi gögnum.
Umhverfisráð Dalvíkurbyggðar felur sviðsstjóra að veita umbeðið leyfi, en vísar styrkumsókn til byggðarráðs.
Samþykkt með fimm atkvæðum.

9.Umsókn um byggingarleyfi vegna breytinga á eign 0201 að Goðabraut 3, Dalvík.

Málsnúmer 201801126Vakta málsnúmer

Undir þessum lið vék af fundi Heiða Hilmarsdóttir kl. 09:11.

Á 303 fundi umhverfisráðs þann 16. mars 2018 var eftirfanadi bókað
"Umhverfisráð felur sviðsstjóra að afla samþykkis meðeiganda ásamt drögum að
nýjum eignaskiptasamningi. Ráðið felur sviðsstjóra að óska eftir grendarkynningu
á þeim breytingum sem óskað er eftir áður en byggingarleyfi er gefið út, ásamt
umsögn slökkvilisstjóra. Ráðið óskar eftir að framkvæmdin verði grendarkynnt
eftirfarandi aðilum: Ráðhús Dalvíkur Menningarhúsið Berg Goðabraut 4
Hafnarbraut ( Reitir) Hafnarbraut 2a, 2b og 4 Sognstún 2 og 4 Samþykkt með
fimm atkvæðum "
Fyrir liggja ofnagreind gögn til afgreiðslu málsins.
Umhverfisráð frestar afgreiðslu til næsta fundar og felur sviðsstjóra að óska eftir teikningum sem sýna núverandi skuggavarp, einnig miðað við umbeðna hækkun hússins frá hönnuði.
Tímabilið frá júní til 15. ágúst.

10.Umsókn um byggingarleyfi fyrir haugtank.

Málsnúmer 201805085Vakta málsnúmer

Heiða Hilarsdóttir kom aftur inn á fundinn kl. 09:30

Með innsendu erindi dags. 5. júní 2018 óskar Guðmundur Geir Jónsson eftir byggingarleyfi fyrir haugtank við Stærri-Árskóg samkvæmt meðfylgjandi gögnum.
Umhverfisráð gerir ekki athugasemdir og felur sviðsstjóra að veita umbeðið byggingarleyfi.

Samþykkt með fimm atkvæðum.

11.Umsókn um byggingarleyfi vegna kúluhúsa við Árbakka, Árskógssandi

Málsnúmer 201806028Vakta málsnúmer

Með innsendu erindi dags. 06. júní 2018 óskar Tristan Audren eftir byggingarleyfi fyrir kúluhús við Árbakka á Árskógssandi samkvæmt meðfylgjandi gögnum.
Umhverfisráð getur ekki veitt umbeðið leyfi þar sem samþykki meðleigjanda lóðarinnar liggur ekki fyrir.

Samþykkt með fimm atkvæðum.

12.Umsókn um byggingarleyfi við Hringtún 32, Dalvík

Málsnúmer 201806032Vakta málsnúmer

Ásdís Jónasdóttir vék af fundi undir þessum lið kl. 09:44
Með innsendur erindi dags. 07. júní 2018 óskar Óskar Þór Óskarsson eftir byggingarleyfi við Hringtún 32 samkvæmt meðfylgjandi gögnum.
Í gildandi deiliskipulagi fyrir lóð Hringtúns 32 er hámarksvegghæð húss 6.0 m. Í innsendum aðalteikningum lóðarhafa Hringtúns 32 með umsókn sinni um framkvæmdaleyfi er hæsta vegghæð húss 6.52 m sem er 0.52 m yfir leyfðri hámarksvegghæð.
Almenn viðmið eru að lóðarhafa sé gefið 20 sm svigrúm frá uppgefnum gólfkóta á mæliblaði.
Skipulagsyfirvöld Dalvíkurbyggðar geta fallist á að gólfkóti hússins verði lækkaður um 0.20 m og að hæsta vegghæð verði lækkuð um 0.32 m. Fallist lóðarhafi ekki á það, þarf að grenndarkynna frávikið frá deiliskipulagsskilmálum lóðarinnar fyrir næstu nágrönnum.
Lækki lóðarhafi Hringtúns 32 vegghæð húss síns um 0.32 m heimilar umhverfisráð sviðsstjóra umhverfis og tæknisviðs að ganga frá framkvæmdaleyfi fyrir byggingu hússins þegar nýjar teikningar liggja fyrir.
Samþykkt með fjórum atkvæðum.

13.Ársreikningur og skýrsla stjórnar fyrir 2017

Málsnúmer 201805072Vakta málsnúmer

Ásdís Jónasdóttir kom aftur inn á fundinn kl. 09:50
Haukur Arnar Gunnarsson lýsti sig vanhæfan og vék af fundi undir þessum lið kl. 09:50.
Til kynningar ársreikningur og skýrsla stjórnar Björgunarsveitarinnar Dalvík fyrir 2017.
Ráðið gerir ekki athugasemdir við innsend gögn og fagnar því góða starfi sem fram fer hjá sveitinni.
Haukur Arnar kom aftur inn á fundinn kl. 09:55

Fundi slitið - kl. 10:00.

Nefndarmenn
  • Haukur Gunnarsson Formaður
  • Karl Ingi Atlason Aðalmaður
  • Marinó Þorsteinsson aðalmaður
  • Heiða Hilmarsdóttir varamaður
  • Ásdís Svanborg Jónasdóttir Varamaður
Starfsmenn
  • Börkur Þór Ottósson Sviðstjóri
Fundargerð ritaði: Börkur Þór Ottósson sviðsstjóri Umhverfis- og tæknisviðs