Umhverfisráð

Steinþór Björnsson, deildarstjóri Eigna- og framkvæmdadeildar kom á fundinn kl. 8:15 og yfirgaf fund kl. 8:45.

Steinþór fór yfir fyrirliggjandi verkefni og framkvæmdir sumarsins 2021.

Með fundarboði fylgdi staða bókhalds m.v. áætlun janúar-febrúar 2021.

Tekinn fyrir rafpóstur frá Sambandi íslenskra sveitarfélaga, dagsettur þann 17. mars 2021, þar sem gert er grein fyrir að Samgöngu- og sveitarstjórnarráðherra hefur sett reglugerð með nýjum og breyttum ákvæðum um starfsemi Fasteignasjóðs Jöfnunarsjóðs. Markmið nýrrar reglugerðar er að veita auknum stuðningi til sveitarfélaga vegna úrbóta sem gerðar eru í aðgengismálum fatlaðs fólks.

Sérstaklega er kveðið á um að Fasteignasjóði sé heimilt á árunum 2021 og 2022 að úthluta samtals 363 m.kr. í sérstök framlög til:

Úrbóta á aðgengi fatlaðs fólks að byggingum í eigu sveitarfélaga eða þar sem um er að ræða byggingar í eigu annarra aðila en sveitarfélaga þar sem um samvinnuverkefni sveitarfélaga og einkaaðila er að ræða.
Úrbóta þannig að biðstöðvar almenningssamgangna séu aðgengilegar öllu fötluðu fólki, svo og útivistarsvæði og almenningsgarðar.
Úrbóta sem lúta að viðeigandi aðlögun á vinnustöðum fatlaðs fólks, sem starfræktir eru skv. 2. mgr. 24. gr. laga nr. 38/2018, um þjónustu við fatlað fólk með langvarandi stuðningsþarfir.

Umsóknir um þessi sérstöku framlög árin 2021 og 2022 skulu berast jöfnunarsjóði ásamt fullnægjandi gögnum eigi síðar en 31. desember 2022.

Með innsendu erindi sem dagsett er 25.03.2021 sækir Ottó Biering Ottósson um lóðina að Hringtúni 23 f.h. EGO hús ehf.

Með innsendu erindi sem dagsett er 24.03.2021 sækir Bjarni Th. Bjarnason um lóðina að Hringtúni 24

Með innsendu erindi sem dagsett er 25.03.2021 sækir Ottó Biering Ottósson um lóðina Skógarhólar 8 f.h. EGO hús ehf.

Með innsendu erindi sem dagsett er 25.03.2021 sækir Brent Ozar um lóðina að Hamar B8.

Einar Ísfeld Steinarsson kom á fundinn kl. 9:15

Einar kynnti kortasjá Dalvíkurbyggðar og þá möguleika sem hann hefur sett inn og uppfært undanfarna mánuði.
Uppfærslurnar felast í aðgengi íbúa að upplýsingum, s.s. að lagnakerfi veitna Dalvíkurbyggðar, færð á vegum sveitarfélagsins, þjónustu og afþreyingu o.fl.

Einar vék af fundi kl. 10:05.

Vísað til umhverfisráðs frá 334. fundi sveitarstjórnar þann 30. mars sl.
Fyrir liggur erindi frá Bæjartúni íbúðafélagi hses dagsett 23. mars 2021. Þar óskar Bæjartún eftir að Dalvíkurbyggð veiti vilyrði fyrir lóð á Dalvík fyrir stofnframlagaverkefni.

Vilyrðið sé veitt með fyrirvara um samræmi við skipulag og að lóðir séu tækar til úthlutunar. Jafnframt með fyrirvara um samþykki stofnframlagaumsókna til HMS og sveitarfélagsins.

Sveitarstjórn samþykkir með 6 atkvæðum að vísa erindinu til umhverfisráðs með vísan í grein 3.4. í Lóðaveitingar í Dalvíkurbyggð.

Með innsendu erindi, sem dagsett er 24.03.2021, sækir Berta Gunnarsdóttir um lóðina að Lokastíg 6 f.h. Vetrarfells ehf.

Með innsendu erindi, sem dagsett er 7.04.2021, sækja Logi Ásbjörnsson og Signý Jónasdóttir um lóðina að Ægisgöti 1, Árskógssandi.

Með bréfi, sem dagsett er 15. mars 2021, skora Samtök iðnaðarins á sveitarfélög að endurákvarða álagningu stöðuleyfisgjalda með vísan til úrskurðar Úrskurðarnefndar umhverfis- og auðlindamála nr. 28/2020 og 34/2020. Í bréfinu er einnig vakin athygli á því að: "Enn fremur hefur nefndin skýrlega tekið afstöðu til þess að aðeins sé heimilt að innheimta stöðuleyfisgjald fyrir hverja leyfisveitingu en ekki fyrir hvern gám. Þessi afstaða nefndarinnar eru í samræmi við leiðbeiningar Húsnæðis- og mannvirkjastofnunar sem gefnar voru fyrst út árið 2017."

Með fundarboði fylgdu deiliskipulagstillögur að Hauganesi. Á norðursvæðinu er annars vegar gert ráð fyrir stórum lóðum, 10.000 til 20.000 m², og hins vegar minni lóðum frá ca. 3.500 og upp í 4.000 m².