Umhverfisráð

Með rafpósti frá Umhverfisstofnun dags. 18. febrúar 2020 er vakin athygli á því að bráðabirgðaryfirlit fyrstu vatnaáætlunar fyrir Ísland hefur nú verið auglýst til kynningar.

Til kynningar innsent erindi frá Umhverfisstofnun dags. 27. mars 2020 vegna nýrrar kórónuveiru (2019-nCoV). Ríkislögreglustjóri í samráði við sóttvarnalækni og embætti landlæknis hefur lýst yfir óvissustigi.
Samkvæmt landsáætlun vegna heimsfaraldurs ber Umhverfisstofnun þegar kemur til óvissustigs m.a. að gera áætlun vegna meðhöndlunar úrgangs og smithættu af úrgangi í heimsfaraldri, gera verklagsreglur vegna smithættu af sorpi og meðhöndlun úrgangs ásamt því að samræma hlutverk heilbrigðisfulltrúa og sinna ráðgjöf til samstarfsaðila.
Hjálagt er áætlun og verklagsreglur vegna meðhöndlunar á úrgangi.

Með innsendu erindi dags. 18. febrúar 2020 óskar Lola Kahn eftir byggingarleyfi fyrir kúluhús við Árbakka á Árskógssandi samkvæmt meðfylgjandi gögnum.

Með innsendu erindi dags. 20. febrúar 2020 óskar Birkir Árnason eftir aðkomu sveitarfélagsins að snjómokstri að Vallholti á Árskógsströnd.

Þann 31. október 2019 samþykkti sveitarstjórn Dalvíkurbyggðar að auglýsa tillögu að breytingu á deiliskipulagi íbúðarsvæðis í Hóla- og Túnahverfi á Dalvík skv. 1. mgr. 43. gr. skipulagslaga nr. 123/2010. Í auglýstri tillögu var lagt til að eftirtaldar breytingar yrðu gerðar á gildandi deiliskipulagi: 1. Parhúsalóð nr. 9a og 9b við Hringtún er breytt í lóð fyrir þriggja íbúða raðhús. 2. Einbýlishúsalóðunum nr. 17 og 19 við Hringtún er breytt í lóðir fyrir parhús með óbreyttu byggingarmagni. 3. Ný parhúsalóð nr. 20 og 22 við Hringtún. 4. Afmarkaður er byggingarreitur utanum garðhús við Hringtún 30. 5. Einbýlishúsalóðirnar við Hringtún 42 og 44 eru sameinaðar og breytt í eina raðhúsalóð. Hús á lóðinni skal vera á einni hæð. 6. Einbýlishúsalóð við Skógarhóla 11 er breytt í þriggja íbúða raðhúsalóð. Kynningarfundur var haldinn í menningarhúsinu Bergi á Dalvík 6. ágúst 2019. Áður höfðu áform um þéttingu byggðar m.a. í Hóla- og Túnahverfi verið kynnt á almennum borgarafundi 11. apríl 2019. Nokkrar breytingar voru gerðar á tillögunni eftir kynningarfundinn 6. ágúst með hliðsjón af umræðum á fundinum. Deiliskipulagstillagan var auglýst samhliða tillögu að breytingu á aðalskipulagi í Morgunblaðinu, blaði á landsvísu og Lögbirtingarblaðinu, skv. 31. gr. skipulagslaga nr. 123/2010 þann 11. desember 2019 með athugasemdafresti til 23. janúar 2020. Vegna þeirra náttúruhamara sem geysuðu í desember var síðan ákveðið að framlengja frest til athugasemda til 31. janúar. Sautján athugasemdir bárust á auglýsingatíma við deiliskipulagstillöguna. Ein athugasemd hefur ekki hlotið afgreiðslu umhverfisráðs og er það því gert hér með. Umhverfisráð óskaði eftir að fá að birta athugasemdina og er hún birt í heild sinni að ósk bréfritara.

Með innsendu erindi dags. 24. febrúar 2020 óskar Rögnvaldur Guðmundsson fyrir hönd RARIK eftir heimild landeiganda fyrir lagningu jarðstrengs í landi Hrísa og Hamars samkvæmt meðfylgjandi gögnum.

Með innsendu erindi dags. 20. febrúar 2020 óskar Skipulagsstofnun eftir umsögn Dalvíkurbyggðar á fyrirhugaðri virkjun í Brimnesá.
Í samræmi við 6. gr. laga 106/2000 og 12. gr. reglugerðar 660/2015 um mat á umhverfisráhrifum er hér með óskað eftir umsögn um hvort og á hvaða forsendum ofangreind framkvæmd skuli háð mati á umhverfisáhrifum að teknu tilliti til 2. viðauka í framangreindum lögum.

Til kynningar samantekt á sorpmagni rekstraraðila 2018