Umhverfis- og dreifbýlisráð

Farið yfir mánaðarlegar skýrslur úr bókhaldskerfi yfir málaflokka ráðsins.

Helga Íris fór yfir framkvæmda- og viðhaldsáætlun 2024 og næstu skref.

Tekið fyrir erindi frá Magnúsi Ásgeiri Magnússyni þar sem ábúendur í Svæði fara þess á leit við sveitarfélagið að farið verði í endurbætur og malbikun á heimreið að Svæði.
Á fundi ráðsins í júlí var Framkvæmdasviði falið að skoða og fara yfir viðmiðunarreglur um viðhald á heimreiðum.

Verksamningur við EB ehf. um slátt og hirðingu opinna svæða í Dalvíkurbyggð rann út á síðasta ári.

Farið yfir ástand þeirra fimm leiksvæða sem eru á opnum svæðum í Dalvíkurbyggð.

Vegagerðin auglýsir eftir umsóknum í Styrkvegasjóð sinn. Umsóknarfrestur er til 22. mars nk.

Með erindi, dagsettu 8. febrúar 2024, óskar Ingibjörg Elín Halldórsdóttir fyrir hönd Rauða krossins við Eyjafjörð eftir samstarfi við Dalvíkurbyggð við meðhöndlun textíls, en forsendubreyting hefur orðið á verkefninu við breytingar á lögum um meðhöndlun úrgangs.

Tekinn fyrir rafpóstur frá matvælaráðuneytinu, dagsettur þann 14. febrúar sl., þar sem ráðuneytið vill koma á framfæri við sveitarfélög viðhengdri samantekt til að skýra sjónarmið ráðuneytisins um eftirfylgni með gildandi lagaákvæðum um búfjárbeit (einkum sauðfjár) og bendir á nokkur atriði sem sveitarfélögin geta hugsanlega gert til að skýra stöðuna á sínu svæði. Samantektin felur ekki í sér fyrirmæli, eingöngu upplýsingar og ábendingar sem vonast er til að komi að gangi.

Tekið fyrir erindi dagsett 27. febrúar 2024 frá Landi og skógi þar sem óskað er eftir ábendingum sem nýst geta í vinnu þeirra fyrir Matvælaráðuneytið við endurskoðun á stuðningskerfum í landgræðslu og skógrækt.

Lögð fram til kynningar fundargerð frá 234. fundi Heilbrigðisnefndar Norðurlands eystra frá 7. febrúar 2024.

Fyrir fundinum lágu drög að samningi við Björgunarsveitina á Dalvík 2024-2027.