Ósk um stækkun lóðar - Jóabúð, Hauganesi

Tekið fyrir erindi frá Gunnari Antoni Jóhannssyni, dagsett 21. janúar 2022 þar sem sótt er um stækkun á lóð við Jóabúð á Hauganesi um 3 metra til norðurs og 3 metra til vesturs. Uppdráttur fylgir umsókn.

Erindi dagsett 22.febrúar 2024 þar sem Gunnar Njáll Gunnarsson leggur fram fyrirspurn um afgreiðslu á umsókn um stækkun lóðarinnar Jóabúðar á Hauganesi. Sótt var um stækkun lóðarinnar í janúar 2022. Málið var tekið fyrir á fundi umhverfisráðs þann 10.febrúar 2022 og afgreiðslu vísað til vinnu við deiliskipulag Hauganess sem þá var í ferli.

Lögð fram ný umsókn um stækkun lóðarinnar Jóabúðar á Hauganesi.
Sótt er um stækkun um 4 m til norðurs og 2 m til austurs.
Meðfylgjandi er skýringarmynd.

Á 25. fundi skipulagsráðs þann 25. september sl. var eftirfarandi bókað:
"Lögð fram ný umsókn um stækkun lóðarinnar Jóabúðar á Hauganesi. Sótt er um stækkun um 4 m til norðurs og 2 m til austurs. Meðfylgjandi er skýringarmynd.
Niðurstaða : Skipulagsráð samþykkir að gerð verði breyting á deiliskipulagi Hauganess til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt skv. 44. gr. laganna.
Grenndarkynnt skal fyrir lóðarhöfum Sandvík auk Ektabaða ehf. Samþykkt samhljóða með fjórum atkvæðum. Vísað til sveitarstjórnar til staðfestingar."