Breyting á samþykkt um Hunda- og kattahald í Dalvíkurbyggð

Í Dalvíkurbyggð hefur verið til sameiginleg samþykkt um hunda- og kattahald. Vegna ýmissa orsaka er talið heppilegt að breyta formi á framangreindri samþykkt og hafa þær tvær og ítarlegri. Nokkur tími er síðan að samþykkt um katthald var afgreidd í landbúnaðarráði og nú er komið að samþykkt um hundahald.

Búið er að skipta þessum samþykktum í tvær eina fyrir hunda og aðra fyrir ketti. Heilbrigðiseftirlit hefur verið beðið um umsögn og var gerð ein athugasemd við 12. gr. en hún fjallar um "Lausir kettir, handsömun, geymsla, aflífun, kostnaður." Heilbrigðisfulltrúi gerði tillögu að breytingu sem tekin hefur verið orðrétt upp í samþykktina.

Samþykktirnar voru sendar til umsagnar til umhverfisráðinátuneyti og gerði ráðuneytið nokkrar athugasemdir við samþykktirnar.

Á fundinum voru kynntar þær athugasemdir sem umhverfisráðuneytið hefur gert á umræddum samþykktum.

Með fundarboði bæjarstjórnar fylgdi tillaga landbúnaðarráðs að samþykktum um hundahald í Dalvíkurbyggð til fyrri umræðu.

Til máls tóku:
Svanfríður Inga Jónasdóttir,sem leggur til að vísa samþykkt um hundahald til landbúnaðarráðs með tilmælum um að 3. liður 12. gr. verði skýrður þannig að það sé ekki sett í mat hundaeiganda hvar sleppa má hundum

Jóhann Ólafsson.

Með fundarboði bæjarstjórnar fylgdi tillaga landbúnaðarráðs að samþykkt um kattahald í Dalvikurbyggðar til fyrri umræðu.

Enginn tók til máls.

Á 240. fundi bæjarstjórnar þann 30. október 2012 var samþykkt um kattahald í Dalvíkurbyggð tekin til fyrri umræðu og samþykkti bæjarstjórn samhljóða að vísa henni til síðari umræðu í bæjarstjórn.

Til máls tók:
Sveinn Torfason.

Bæjarstjórn vakti athygli á að skoða þyrfti betur 3. tölulið 12. gr.

Á 241. fundi bæjarstjórnar þann 20. nóvember s.l. var samþykkt um hundahald í Dalvíkurbyggð tekin til fyrri umræðu og samþykkt var að vísa 3. tölulið 12. greinar til landbúnaðarráðs til frekari skoðunar.

Á 78. fundi landbúnaðarráðs þann 5. desember 2012 var eftirfarandi bókað:
Landbúnaðarráð samþykkir að fella út framangreindan tölulið breytingu þá hljóðar 12. gr. með eftirfarandi hætti:


Staðir þar sem hundar mega vera lausir.

Heimilt er að sleppa hundum lausum á eftirtöldum stöðum og svæðum:

1. Á skilgreindum útivistarsvæðum fyrir lausagöngu hunda, t.d. við Bæjarfjall.

2. Innan hundaheldra girðinga og hundaæfingasvæða, sem merkt eru sem slík og samþykkt hafa verið af heilbrigðisnefnd.


Enginn tók til máls.

Samþykktir lagðar fram til kynningar og umræða um eftirfylgni vegna hunda og kattahalds.