Íþrótta- og æskulýðsráð

Íþrótta- og æskulýðsfulltrúi kynnti niðurstöðu fundar um stefnumótun UMSE sem haldin var 14. janúar sl. af frumkvæði stjórnar UMSE. Fundinn sátu stjórn UMSE og framkvæmdastjóri auk fulltrúa frá Dalvíkurbyggð, Hörgársveit, Eyjafjarðarsveit og Svalbarðsstrandarhreppi.

Íþrótta- og æskulýðsráð telur mikilvægt að UMSE ljúki vinnu við stefnumótun sem fyrst, skoðað verði hvort mögulegt sé að stækka hérðassambandið og tekið verði tillit til fjölda félaga í Dalvíkurbyggð.

Íþrótta- og æskulýðsfulltrúi og sviðsstjóri fræðslu- og menningarmála kynntu stöðu mála á flutningi vinnuskóla frá umhverfis- og tæknisviði yfir til fræðslu- og menningarsviðs, málaflokk 06. Verkefninu hefur ekki verið hafið af krafti og jafnframt þarf að yfirfara fjármálin vel en samþykkt fjárhagsáætlun virðist ekki nógu há við fyrstu skoðun.

Íþrótta- og æskuýðsráð telur mikilvægt að undirbúningur hefjist sem fyrst og felur nýjum og fráfarandi íþrótta- og æskulýðsfulltrúum og sviðsstjóra að funda með umhverfis- og tæknisviði þar sem farið verði yfir samstarf og flutning á verkefninu.

Friðjón Árni Sigurvinsson vék af fundi 9:05.

Íþrótta- og æskulýðsfulltrúi fór yfir hugmyndir að breytingum þegar kemur að aldursmörkum í tilnefningum til Íþróttamanns Dalvíkurbyggðar.

Íþrótta- og æskulýðsráð telur mikilvægt að sjónarmið félaga komi fram og tillaga um aldurstakmörk muni verða kynnt á vorfundi félaga í maí. Þar gefst félögum í sveitarfélaginu tækifæri að gera athugasemdir við aldurstakmörk.

Á 685. fundi byggðaráðs var ítrekuð ósk um útvistun á rekstri tjaldsvæðis.

Íþrótta- og æskulýðsráð felur íþrótta- og æskulýðsfulltrúa að skoða rekstrarform tjaldsvæða hjá sveitarfélögum að sambærilegri stærð fyrir næsta fund ráðsins.

Sviðsstjóri fræðslu- og menningarmála kynnti stöðu mála í samningaviðræðum Dalvíkurbyggðar og Húsabakka ehf. um framlengingu á leigusamningi á Rimum.

Íþrótta- og æskulýðsráð ítrekar bókun frá 52. fundi ráðsins.

Íþrótta- og æskulýðsfulltrúi og sviðsstjóri fræðslu- og menningarmál áttu fund með fulltrúum golfklúbbsins Hamar, Skíðafélags Dalvíkur, Dalvík/Reyni og Barna- og unglingaráði um samstarf félaga um framkvæmdastjóra. Í framhaldi af fundinum skiluðu félögin inn mögulegum verkefnalistum sem viðkomandi gæti sinnt.

Íþrótta- og æskulýðsráð telur mikilvægt að félögin haldi áfram þeirri vinnu sem er hafin en ítrekar að sveitarfélagið er með styrktarsamning út árið 2015 við félögin og engin breyting er í kortunum á samningunum.

Fyrir liggur ósk frá Golfklúbbnum Hamri um að útgjöld vegna framkvæmda í Víkurröst komi til frádráttar á leigu á næstu árum sbr. samningur þar sem kemur fram að viðhald á húsnæði gangi upp í leigu. Gögn um kostnað við framkvæmdirnar liggja fyrir að upphæð 4.808.203.

Íþrótta- og æskulýðsráð samþykkir að tekið verði tillit til þess hluta framkvæmda sem snúa að viðhaldi hússins og að framkvæmdirnar gangi upp í leigu a.m.k. næstu 5 árin. Í framhaldinu verði farið yfir þær framkvæmdir sem farið hefur verið í, gildi starfseminnar fyrir sveitarfélagið og húsið og skoðað hvort rétt sé að meta stærri hluta framkvæmdinnar 2013 sem leigu. Íþrótta- og æskulýðsráð tekur fram að sveitarfélagið mun ekki endurgreiða Golfklúbbnum fjárhæðir komi til uppsagnar á leigusamningi.

Íþrótta- og æskulýðsfulltrúi kynnti leiðréttingu á gjaldskrá um að húsaleiga yrði hækkuð en ekki þjónustugjöld.

Íþrótta- og æskulýðsráð samþykkir breytingarnar og vísar þeim til afgreiðslu sveitarstjórnar.

Íþrótta- og æskuýðsfulltrúi kynnti stöðu mála varðandi uppbyggingu á vallarsvæði. Nýjar tillögur liggja fyrir frá Verkís sem hafa verið áframsendar á fulltrúa UMFS.

Íþrótta- og æskuýðsráð þakkar fyrir upplýsingarnar.