Fræðsluráð

Hlynur Sigursveinsson, sviðsstjóri fræðslu- og menningarsviðs Dalvíkurbyggðar, kynnti drög að útboðsgögnum vegna skólaaksturs fyrir grunnskóla Dalvíkurbyggðar frá 20. ágúst 2017 til 6. júní 2020 sem og drög að samningsformi. Útboðsgögn verða afhent í þjónustuveri Dalvíkurbyggðar þriðjudaginn 25. apríl n.k. Tilboðsfrestur rennur út miðvikudaginn 7. júní.

Hlynur Sigursveinsson, sviðsstjóri fræðslu- og menningarsviðs, kynnti drög að útboðsgögnum vegna skólamáltíða í Árskógarskóla og Dalvíkurskóla frá hausti 2017 til vors 2020 og drög að samningi þar um. Endanleg útboðsgögn verða afhent í þjónustuveri Dalvíkurbyggðar þriðjudaginn 25. apríl n.k. Tilboðum skal skilað eigi síðar en miðvikudaginn 7. júní 2017.

Menntamálastofnun býður leik- og grunnskólum ráðgjöf og stuðning er varðar læsi í leik- og grunnskólum. Áherslur skólaársins 2017-18 verða m.a. á eflingu málþroska, íslensku sem annað tungumál, fræðslu fyrir foreldra og að rýna í töluleg gögn og nýta þau til umbóta með gerð aðgerðaáætlana varðandi læsi. Umsóknir þurfa að berast stofnuninni fyrir 30. apríl n.k.

Hlynur Sigursveinsson, sviðsstjóri fræðslu- og menningarsviðs, fór yfir stöðuna á vinnu starfshóps vegna vinnumats grunnskólakennara. Þann 23. mars s.l. var könnun sem unnin var af fulltrúum sveitarfélagsins í vinnuhópi um Vegvísi 1 lögð fyrir grunnskólakennara í Árskógarskóla og Dalvíkurskóla. Eftir páska munu fulltrúar sveitarfélagsins vinna greinargerð að umbótaáætlun sveitarfélagsins út frá niðurstöðum könnunarinnar og kynna hana fyrir kennurum. Umbótaáætluninni verður síðan skilað til samstarfsnefndar Sambands íslenskra sveitarfélaga og Félags grunnskólakennara fyrir 1. júní n.k.

Borist hefur bréf frá Mennta- og menningarmálaráðuneytinu, dags. 7. mars 2017, þar sem vísað er í Aðalnámskrá grunnskóla frá árinu 2011 og ákvæði 5. gr. laga um grunnskóla nr. 91/2008 um ábyrgð sveitarfélaga á skólastarfi í grunnskólum og lögð áhersla á að sveitarstjórnir sjái til þess að framvegis fái allir grunnskólanemendur þann lágmarks kennslumínútnafjölda í list- og verkgreinum sem þeim ber. Ástæða tilmælanna er að greining Hagstofu Íslands á gögnum frá síðustu þremur skólaárum leiddi í ljós að töluvert vantar upp á að svo sé almennt í landinu.

Hlynur Sigursveinsson, sviðsstjóri fræðslu- og menningarsviðs, kynnti fræðsluráði hver endanleg framlög úr Jöfnunarsjóði sveitarfélaga vegna nýbúakennslu eru fyrir árið 2017.

Hlynur Sigursveinsson, sviðsstjóri fræðslu- og menningarsviðs, kynnti fræðsluráði hver endanleg framlög úr Jöfnunarsjóði sveitarfélaga vegna sérþarfa fatlaðra nemenda í grunnskólum Dalvíkurbyggðar eru fyrir árið 2017.

Fundarboði fylgdu fundargerðir 36. og 37. fundar starfshóps um bættan námsárangur í Dalvíkurskóla.