Félagsmálaráð

Lögð voru fram drög að þjónustusamningi um rekstur heimastuðnings milli Dalvíkurbyggðar og Dalbæjar hins vegar.

Lagt var fram til kynningar niðurstöður á frumkvæðisathugun Gæða- og eftirlitsstofnunar Velferðarmála. En þann 29. febrúar sl. sendi GEV erindi til allra sveitarfélaga á landinu tilkynningu um frumkvæðisathugun á stöðu uppfærslu stoð- og stuðningsþjónustureglna hjá sveitarfélögum. Samkvæmt athugum GEV á reglum Dalvíkurbyggðar bárust nokkrar ábendingar um vísun í málsgreinar í reglum en endurnýja þarf 3 reglur og er það nú þegar í vinnslu.

Félagsmálastjóri fór yfir drög að samningu um dagþjónustu við Dalbæ,heimili aldraðra. Bætt var við einum degi í dagþjónustu fyrir árið 2024 og var farið yfir hvernig það hefur verið nýtt og umræða um framhaldið.

Lögð voru fram til kynningar drög að samningi við félag eldri borgara í Dalvíkurbyggð.

Félagsmálastjóri fór yfir drög að fjárhagsáætlun félagsmálasviðs fyrir árið 2025.

Lagt fram til kynningar rafpóstur dags. 02.09.2024 frá Samanhópnum þar sem kynnt var að undanfarin ár hafi mörg sveitarfélög sent segulspjöld með útivistarreglum til heimila barna í ákveðnum árgöngum. Saman hópurinn telur til að ná sem flestra sé best að senda segulspjöldin til nemenda í 2. og 7.bekk.

Tekið var fyrir erindi frá Landvernd dags. 26.09.2024 auk bókunar frá Byggðaráði frá fundi 1122. Þar var bókað "Tekið fyrir erindi frá Landvernd sem vekur athygli á hvatningarátaki Landverndar og Grænfánaverkefnisins undir heitingu Nægjusamur nóvember. Þar sem lagt er til að nægjusemi sé viðhöfð sem jákvætt skref fyrir okkur sem einstaklinga og samfélag til þess að stuðla að góðu og heilbrigðu lífi og minnka um leið vistsporið okkar. Nóvember er einn neysluríkasti mánuður ársins og áherslur á nægjusemi er mótsvar við neysluhyggju og hugmyndinni um að okkur vanti stöðugt eitthvað.

Þetta er hvatning til sveitarfélaga til þess að taka þátt í átakinu og hvetja til nægjuseminnar hvort sem það er með viðburðarhaldi, greinaskrifum eða bara með því að fylgjast með og njóta átaksins."

Farið var yfir skilgreiningar á atvinnutengdum þjónustuúrræðum fyrir fatlaða og Iðju/hæfingu.