Byggðaráð

Undir þessum lið kom á fund byggðarráðs Hildur Ösp Gylfadóttir, sviðsstjóri fræðslu- og menningarsvið.

Hildur Ösp og Guðrún Pálína gerðu byggðarráði grein fyrir fundi UT-teymis þar sem fjallað var um upplýsingatækni í skólastarfi og tillögur frá skólastjórum leik- og grunnskóla og tölvuumsjónarmanni fyrir næsta starfs- og fjárhagsár.


Hildur Ösp vék af fundi kl.8:49.

Tekið fyrir aðalfundarboð frá BHS ehf. en fundurinn
verður haldinn fimmtudaginn 29. ágúst 2013 kl. 20:00 á kaffistofunni að Fossbrún 2, Árskógsströnd.

Tekið fyrir erindi frá Hjartanu í Vatnsmýri, bréf dagsett þann 26. ágúst 2013, þar sem fram kemur að óskað er eftir stuðningi við átak það sem félagið, sem er félag um óskertar flugsamgöngur í Vatnsmýri, hefur nú staðið fyrir í hálfa aðra viku, þ.e. undirskriftarsöfnun á vefsíðunni lending.is. Bókun eða ályktun frá Dalvíkurbyggð mun verða nauðsynleg hvatning til íbúa Dalvíkurbyggðar til að veita þeim lið á lending.is.

Sveitarstjóri leggur fram eftirfarandi tillögu:
Byggðarráð samþykkir að borhola í landi Laugahlíðar sem hefur m.a. verið nýtt fyrir Sundskála Svarfdæla, verði eign Hitaveitu Dalvíkur.

Byggðarráð felur sviðsstjóra umhverfis-og tæknisviðs að gera tillögu að lóð vegna holunnar.

Á 662. fundi byggðarráðs þann 10. maí 2013 var eftirfarandi bókað:
Á 659. fundi byggðarráðs þann 21. mars 2013 var samþykkt að taka saminga á milli Dalbæjar og Dalvíkurbyggðar um bókhalds- og launavinnslu til frekari endurskoðunar í samræmi við umræður á fundinum og fól byggðarráð sveitarstjóra og sviðsstjóra fjármála- og stjórnsýslusviðs að koma með tillögu.

Með fundarboði byggðarráðs fylgdu drög að tillögu hvað varðar endurskoðun á samningum og forsendum samningsins.

Byggðarráð samþykkir samhljóða með 2 atkvæðum að fela sveitarstjóra og sviðsstjóra fjármála- og stjórnsýslusviðs að kynna tillöguna fyrir forsvarsmönnum Dalbæjar.

Sveitarstjóri og sviðsstjóri fjármála- og stjórnsýslusviðs gerðu byggðarráði grein fyrir fundi sínum með framkvæmdastjóra Dalbæjar og formanni stjórnar þann 13. maí 2013 s.l. en á þeim fundi voru til umfjöllunar þau gögn sem kynnt voru á fundi byggðarráðs þann 10. maí s.l.

Sveitarstjóri og sviðsstjóri gerðu grein fyrir þeirri vinnu sem fram hefur farið frá fundinum 13. maí 2013 og þeim tillögum sem fram hafa komið til að ljúka þessu máli. Næsti fundur með forsvarsmönnum Dalbæjar er n.k. mánudag.

Sveitarstjóri kynnti drög að samningi til 3ja ára á milli Dalvíkurbyggðar og Dalbæjar um þátttöku Dalvíkurbyggðar í félags- og tómstundastarfi á Dalbæ.

Á undanförnum árum hefur Dalvíkurbyggð veitt framlag í félags- og tómstundastarf á Dalbæ með vísan í 40. gr. laga um félagsþjónstu sveitarfélaga samkvæmt ákvörðun við gerð fjárhagsáætlunar hverju sinni. Styrkur samkvæmt fjárhagsáætlun 2013 er kr. 3.000.000.

Með fundarboði byggðarráðs fylgdu drög að skipuriti Dalvíkurbyggðar í samræmi við nýja Samþykkt um stjórn Dalvíkurbyggðar.

Til umræðu ofangreint. Ræddar voru hugmyndir og breytingar.

Formaður byggðarráðs vék af undir þessum lið kl. 10:54 til annarra starfa og varaformaður tók við fundarstjórn.

Sveitarstjóri gerði byggðarráði grein fyrir umfjöllun og afgreiðslu veitu- og hafnaráðs á fundi sínum þann 28. ágúst s.l. um hafskipakant á Dalvík.