Byggðaráð

Tekið fyrir bréf frá Landskerfi bókasafna hf., dagsett þann 28. apríl 2014, þar sem boðað er til aðalfundar Landskerfis bókasafns hf. þriðjudaginn 13. maí kl. 15:00 í Reykjavík.

Tekið fyrir bréf frá Málræktarsjóði, dagsett þann 16. apríl 2014, þar sem boðað er til aðalfundar föstudaginn 6. júní n.k. kl. 15:30 á Hótel Sögu, Snæfelli. Dalvíkurbyggð hefur rétt til að tilnefna einn fulltrúa í fulltrúaráðið, eigi síðar en 16. maí n.k.

Tekið fyrir bréf frá Tækifæri hf., dagsett þann 29. apríl 2014, þar sem boðað er til aðalfundar miðvikudaginn 14. maí n.k. kl. 15:00 á Akureyri.

Bókað í trúnaðarmálabók.

Bókað í trúnaðarmálabók.

Á 672. fundi byggðarráðs þann 20. mars 2014 var meðal annars eftirfarandi bókað:
Tekið fyrir erindi frá Kötlu ehf., bréf dagsett þann 5. mars 2014, þar sem fram kemur að byggingafélagið Katla ehf. væntir þess að fá kr. 1.800.000 sem söluandvirði fyrir umræddan bílskúr við Klapparstíg 5.

Byggðarráð samþykkir samhljóða með 3 atkvæðum að fela sveitarstjóra og sviðsstjóra fjármála- og stjórnsýslusviðs að ljúka málinu í samræmi við umræður á fundinum og veitir þeim umboð til þess.

Sveitarstjóri og sviðsstjóri fjármála- og stjórnsýslusviðs gerðu byggðarráði grein fyrir fundi sínum með Jóni Inga Sveinssyni f.h. Kötlu ehf. þriðjudaginn 6. maí s.l.

Tekið fyrir erindi frá Emil Björnssyni, rafpóstur dagsettur þann 5. maí 2014, þar sem Laufey Eiríksdóttir og Emil Björnsson óska eftir að leigusamningur um íbúðina í Árskógi lóð 1 verði framlengdur til 1. júní 2016 en samningurinn rennur út um næstu áramót.

Á 692. fundi byggðarráðs þann 6. mars 2014 samþykkti byggðarráð að taka þátt í verkefni um samstarf um sameiginlega ferðamálasíðu með Fjallabyggð og Ferðatröllum.

Með fundarboði byggðarráð fylgdi:
a) Drög að samningi á milli Dalvíkurbyggðar og Fjallabyggðar um gerð og rekstur heimasíðunnar www.visittrollaskagi.is. Samningurinn gildir í 4 ár frá undirskrift og uppsagnartími eru 3 mánuðir.
b) Verkefnalýsing á milli Ferðatrölla, Dalvíkurbyggðar og Fjallabyggðar, undirrituð þann 11. apríl 2014, um ofangreint verkefni.

Tekið fyrir bréf frá innanríkisráðuneytinu, dagsett þann 28. apríl 2014, þar sem fram kemur að sveitarstjórn skal hafa lokið staðfestingu ársreiknings sveitarfélags eigi síðar en 15. maí ár hvert ásamt skýrslu endurskoðanda. Ársreikninginn ásamt skýrslunni skal senda ráðuneytinu og Hagstofu Íslands eigi síðar en 20. maí n.k.

Tekinn fyrir rafpóstur frá Þjóðskrá Íslands, dagsettur þann 29. apríl 2014, þar sem fram kemur að viðmiðunardagur kjörskrár vegna kosninga til sveitarstjórnar er laugardagurinn 10. maí n.k. Tilkynningar um lögheimilsbreytingar þurfa því að berast Þjóðskrá Íslands í síðasta lagi 9. maí n.k.

Á 696. fundi byggðarráðs þann 30. apríl 2014 var lögð fram könnun á kjörum sveitarstjórnarmanna og framkvæmdastjóra sveitarfélaga 2014. Frekari umfjöllun var frestað.

Sviðsstjóri fjármála- og stjórnsýslusviðs kynnti stöðumat stjórnenda á starfs- og fjárhagsáætlun fyrir tímabílið janúar - mars 2014.

Jóhann Ólafsson kom á fundinn undir þessum lið kl. 09:35.
Fram kemur eftirfarandi beiðnir um viðauka:
Tónlistarskóli; laun og launatengd gjöld kr. 1.111.560 vegna uppgjörs launa við fyrrverandi skólastjóra og vegna veikinda starfsmanna.

Nokkrar ábendingar koma fram hjá stjórnendum um möguleika á að bregðast þurfi við með viðaukum þegar mál skýrast. Ljóst er að bregðast þarf við með viðauka þegar áhrif kjarasamninga liggja fyrir.