Byggðaráð

Undir þessum lið kom á fund byggðaráðs Gísli Rúnar Gylfason, íþrótta- og æskulýðsfulltrúi, kl. 11:30.

Með fundarboði byggðaráðs fylgdi minnisblað íþrótta- og æskulýðsfulltrúa, dagsett þann 25. maí 2021, um atvinnuátak námsmanna 2021 og samkomulag, dagsett þann 21. maí 2021, milli Dalvíkurbyggðar og Kjalar, stéttarfélags starfsmanna í almannaþjónustu, um störf við Vinnuskóla Dalvíkurbyggðar til handa ungmennum sem verða 17 ára á árinu.

Dalvíkurbyggð fékk úthlutað 5 störfum vegna atvinnuátaks ríkisstjórnarinnar fyrir námsmenn. Lagt er til að kostnaði vegna átaksins sé vísað á deild 06270 Vinnuskóla og ekki þurfi að koma til sérstakur viðauki.

Tekið fyrir erindi frá íþrótta- og æskulýðsfulltrúa, rafpóstur dagsettur þann 18. maí 2021, þar sem óskað er eftir viðauka að upphæð kr. 611.126 við fjárhagsáætlun 2021 á deild 06500 Íþróttamiðstöð vegna styttingu vinnuvikunnar.



Gísli Rúnar vék af fundi kl. 11:50.

Á 985. fundi byggðaráðs þann 20. maí sl. var eftirfarandi bókað;

"Með fundarboði fylgdu gögn frá Vinnuhópi um Gamla skóla og Friðlandsstofu:
a) Minnisblað vinnuhópsins til byggðaráðs.
b) Kostnaðaráætlun frá AVH um endurbætur húsnæðisins ásamt yfirliti.
c) Fundargerð þriðja fundar vinnuhópsins þann 18.05.2020.
d) Þrjár fundargerðir samtalshóps starfsmanna um verkefnið frá 15. apríl, 27. apríl og 17. maí.

Gögnin eru lögð fram til kynningar og umræðu í byggðaráði en stefnt er að ákvarðanatöku sveitarstjórnar á næsta fundi þann 15. júní nk.
Ofangreint til umræðu.

Byggðaráð samþykkir samhljóða með 3 atkvæðum að fela sveitarstjóra að koma með drög fyrir byggðaráð að könnun meðal íbúa."

Með fundarboði byggðaráðs fylgdi tillaga sveitarstjóra að könnun meðal íbúa í samræmi við ofangreint.

Tekið fyrir minnisblað, dagsett þann 26. maí 2021, frá UT-teymi sveitarfélagsins þar sem gert er grein fyrir verðfyrirspurn UT-teymis vegna fjarskiptamála.
Lagt er til að gengið verði til samninga við Símann skv. meðfylgjandi samningsdrögum.

Á 985. fundi byggðaráðs þann 20. maí sl. var samþykkt að halda áfram umræðum um verkefni, áherslur, forgangsröðun og stefnu í tengslum við vinnu við starfs- og fjárhagsáætlun 2022-2025.

Með fundarboði byggðaráðs fylgdi Samþykkt um stjórn Dalvikurbyggðar og erindisbréf landbúnaðarráðs, umhverfisráðs og veitu- og hafnaráðs með breytingatillögum vegna skipulagsbreytinga, þ.e. veitu- og hafnasvið og umhverfis- og tæknisvið sameinað, er nú orðið framkvæmdasvið. Einnig eru gerðar tillögur að öðrum tæknilegum breytingum.

Tekinn fyrir rafpóstur frá nefndasviði Alþingis, dagsettur þann 18. maí sl., þar sem Atvinnuveganefnd Alþingis sendir til umsagnar tillögu til þingsályktunar um aðgerðir til að auka framboð og neyslu grænkerafæðis, 612. mál.
Þess er óskað að undirrituð umsögn berist eigi síðar en 26. maí sl.

Tekinn fyrir rafpóstur frá nefndasviði Alþingis, dagsettur þann 19. maí 2021, þar sem Atvinnuveganefnd Alþingis sendir til umsagnar tillögu til þingsályktunar um endurskoðun á laga- og reglugerðarumhverfi sjókvíaeldis, 640. mál
Þess er óskað að undirrituð umsögn berist eigi síðar en 26. maí sl.