Atvinnumála- og kynningarráð

Á fundinum var gert grein fyrir beiðni frá N4 um samstarf milli Dalvíkurbyggðar og N4 í formi auglýsingasamnings.

Eftir skoðun málsins innanhúss var ákveðið að ekki væri hægt að verða við beiðni frá N4 um samstarf.

Á 39. fundi atvinnumála- og kynningarráðs þann 5. desember 2018 var þjónustu- og upplýsingafulltrúa falið að vinna að aðgerðaráætlun að teknu tilliti til niðurstaðna vinnuhópanna ásamt tillögum ráðsins að afgreiðslu.

Með fundarboði atvinnumála- og kynningarráðs fylgdu uppfærð drög.

Til umræðu ofangreint.

Nú hefur verið lokið við gerð þriggja kynningarmyndbanda fyrir Dalvíkurbyggð og voru þau frumsýnd í afmæliskaffi sveitarfélagsins þann 16. desember sl. Markmiðið er að nota kynningarmyndböndin til markaðssetningar á Dalvíkurbyggð og stefnt er að því að deila myndböndunum s.s. á Internetinu, á samfélagsmiðlum og jafnvel í sjónvarpi.

Með fundarboði fylgdi áætlun þjónustu- og upplýsingafulltrúa hvað varðar möguleika í markaðssetningu myndbandanna.

Til umræðu ofangreint.

Undanfarin ár hefur eitt af verkefnum atvinnumála- og kynningarráðs verið að heimasækja fyrirtæki í sveitarfélaginu og/eða fá ákveðnar atvinnugreinar á fund ráðsins.

Markmiðið með þessum heimsóknum er að kynna sér starfsemi fyrirtækja í sveitarfélaginu og fá betri yfirsýn yfir stöðu atvinnulífsins og framtíðarhorfur.

Til umræðu framhald á þessu verkefni.

Sviðsstjóri fjármála- og stjórnsýslusviðs kynnti gildandi fjárhagsramma 2019 fyrir þau verkefni sem eru á borði ráðsins og starfsmanna ráðsins.