Veitu- og hafnaráð

Markmið þessara reglna er að skilgreina hátterni og viðmót sem kjörnum fulltrúum ber að sýna við störf sín á vegum Dalvíkurbyggðar.
Á fundinum voru siðareglurnar lesnar upphátt og ræddu ráðsmenn ýmsar greinar þeirra.

Á fundinum var kynnt fundargerð Hafnasambandsins nr. 370.

Á síðasta kjörtímabili áttu stjórnir Hafnasambands Norðurlands og Hafnasjóðs Dalvíkurbyggðar viðræður um frekara samstarf og samvinnu.

Á 19. fundi veitu og hafnarráðs þann 22. október síðastliðinn var eftirfarandi bókaði."Með vísan til 12. fundar veitu- og hafnaráðs,4. tl., en þar var lagður fram kynningarbæklingur um framangreint mál. Úlfar Eysteinsson,Magnús Garðarsson og Guðjón Steindórsson óskaðu eftir því að koma á fund ráðsins til þess að kynna verkefnið frekar.Veitu- og hafnaráð vísar erindinu til atvinnumála- og kynningarráðs og umhverfisráðs til skoðunar. Ráðið felur hafnastjóra að vinna málið áfram fram að næsta fundi."
Á 257. fundi umhverfisráðs var eftirfarandi fært til bókar. "Umhverfisráð hefur kynnt sér verkefnið."
"Atvinnumála- og kynningarráð hefur kynnt sér málið og leggur til að óskað verði eftir ítarlegi stofn- og viðskiptaáætlun þar sem fram kemur hvernig standa eigi að kostnaði við framkvæmdir á hafnarsvæðinu, fjármögnun og framtíðar rekstri verkefnisins.

Einnig leggur atvinnumála- og kynningarráð til að tekið verið saman hver áhrifin verði á hafnarsvæðið varðandi framkvæmdir og kostnað við uppbyggingu vegna starfseminnar."
Á 721. fundi byggðarráðs var eftirfarandi fært til bókar "Byggðarráð samþykkir samhljóða með 3 atkvæðum að taka undir ofangreinda afgreiðslu atvinnumála- og kynningarráðs."
Á 6. fundi atvinnumála- og kynningarráðs var eftirfarandi fært til bókar "Atvinnumála- og kynningaráð leggur til að haldinn verði fundur innanhúss með þeim starfmönnum sem þurfa að koma að málum. Þar verði gerð verkáætlun til að meta verkþætti og tímaramma verkefnisins."
12.01.2015 barst rafpóstur með fyrirspurnir um ýmis málefni varðandi hótelskipið frá Guðjóni Steindórssyni.

Á fundinn voru mættir Gunnar Björn Þórhallsson og Steinmar Rögnvaldsson frá Tengi hf. Þeir gerður grein fyrir hugsanlegri áfangaskiptingu á uppbyggingu gagnaveitu í Dalvíkurbyggð.

Með bréfi, sem dagsett er 20. nóvember 2014, fylgdi vefslóð á "Leiðbeiningar um uppbyggingu ljósleiðaraneta og ríkisaðstoðarreglur EES". Fram kom í bréfinu einnig að innanríkisráðuneytið hefði óskað eftir þeim upplýsingum,sem fram koma í skýrslunni,í þeirri viðleitni að styðja við undirbúning og framkvæmd við uppbyggingu ljósleiðarakerfa á vegum obinberra aðila, einkum sveitarfélaga.