Umhverfis- og dreifbýlisráð

Tekin fyrir umsögn Skipulagsstofnunar til Innviðaráðuneytisins vegna óskar Dalvíkurbyggðar eftir undanþágu frá gr. 5.3.2.5, lið d. í skipulagsreglugerðnr. 90/2013 um fjarlægð bygginga frá stofn- og tengivegum, vegna byggingar íbúðarhúsnæðis við Skíðadalsveg.
Einnig lagt fram minnisblað byggingafulltrúa Eyjafjarðar með frekari rökstuðningi fyrir Dalvíkurbyggð þar sem hann vísar meðal annars í byggðamynstur í Svarfaðardal og ákvæði Aðalskipulags um fjölda heimreiða.

Tekið fyrir tilboð frá Meindýraeyðingu Norðurlands í eyðingu á lúpínu.

Tekin fyrir umsókn, dagsett 10. maí 2023, frá Keng ehf. um leigu hluta lands að Selá á Árskógsströnd. Um er að ræða 65,5 ha. af landi.

Tekið fyrir erindi frá Elvari Reykjalín dagsett 6. júní 2023 þar sem hann óskar eftir leigu á landbúnaðarlandi sunnan gamla Hauganessvegsins (merkt 2 á loftmynd).

Með rafpósti dags. 30. maí 2023 óskar Magni Þór Óskarsson eftir viðræðum um mögulega aðkomu knattspyrnudeildar U.M.F.S að niðurrifi á gömlu girðingum í eigu Dalvíkurbyggðar.

Til umræðu ákvörðun um fjallskil og göngur haustið 2023. Samkvæmt venju eru fyrstu göngur og réttir aðra helgi í september eða 8.-10. september. Að öllu jöfnu hafa aðrar göngur verið viku síðar en ekki eru gerðar kröfur um að þær þurfi að vera samtímis á öllum gangnasvæðum eins og fyrstu göngur ef annað þykir henta betur. Eftirleitir og hrossasmölun verða 29.- 30. september.

Tekinn fyrir rafpóstur dagsettur 14. júní 2023 frá Snorra Finnlaugssyni, sveitarstjóra Hörgársveitar, þar sem hann tilkynnir að fyrstu göngur í Hörgársveit haustið 2023 verði frá miðvikudeginum 6. september til sunnudagsins 10. september og að aðrar göngur verði víðast hvar viku síðar.

Lögð fram drög að þriggja ára samningi um refaveiðar frá Umhverfisstofnun. Markmið samningsins er að hafa yfirsýn yfir þær aðgerðir sem þarf til að stemma stigu við fjölgun refa og draga úr tjóni af þeirra völdum sem og að skapa fyrirsjáanleika varðandi endurgreiðslur ríkissjóðs vegna refaveiða sveitarfélaga.

Tekið fyrir erindi stjórn frá Skógræktarfélags Íslands dags. 22. maí 2023 þar sem varað er við neikvæðum málflutningi andstæðinga skógræktar. Félagið lýsir yfir vilja til samvinnu með sveitarfélögum til að styðja við skipulagða skógrækt.

Tekin fyrir fundargerð 229.fundar Heilbrigðisnefndar Norðurlands eystra dags. 3.maí 2023.