Árskógsvirkjun Þorvaldsdal - nýtt deiliskipulag

Erindi dagsett 6.janúar 2025 þar sem Efla verkfræðistofa f.h. Arctic Hydro ehf. sækir um heimild til að vinna nýtt deiliskipulag fyrir allt að 5 MW vatnsaflsvirkjun í Þorvaldsdalsá í Þorvaldsdal.
Meðfylgjandi er skipulagslýsing.

Á 30. fundi skipulagsráðs þann 15. janúar sl. var eftirfarandi bókað:
"Erindi dagsett 6.janúar 2025 þar sem Efla verkfræðistofa f.h. Arctic Hydro ehf. sækir um heimild til að vinna nýtt deiliskipulag fyrir allt að 5 MW vatnsaflsvirkjun í Þorvaldsdalsá í Þorvaldsdal.
Meðfylgjandi er skipulagslýsing.
Niðurstaða : Skipulagsráð leggur til við sveitarstjórn að hún samþykki að unnið verði nýtt deiliskipulag til samræmis erindið. Þá leggur skipulagsráð til við sveitarstjórn að hún samþykki framlagða skipulagslýsingu og að lýsingin verði kynnt skv. 1.mgr. 40.gr. skipulagslaga nr. 123/2010, samhliða kynningu á lýsingu fyrir breytingu á aðalskipulagi.
Samþykkt samhljóða með fimm atkvæðum."

Kynningu á skipulagslýsingu fyrir nýtt deiliskipulag fyrir allt að 5 MW vatnsaflsvirkjun í Þorvaldsdalsá í Þorvaldsdal lauk þann 10.mars sl.
Engar athugasemdir bárust.
Umsagnir bárust frá Minjastofnun Íslands, Mílu, Heilbrigðiseftirliti Norðurlands eystra, Skipulagsstofnun og Vegagerðinni.