Árskógssandur - breyting á aðalskipulagi vegna nýrrar íbúðabyggðar

Lögð fram tillaga á vinnslustigi að breytingu á Aðalskipulagi Dalvíkurbyggðar 2008-2025, unnin af Teikna teiknistofu, sem felur í sér stækkun á íbúðarsvæði 706-ÍB á Árskógssandi.

Á 31.fundi skipulagsráðs þann 12.febrúar sl. var eftirfarandi bókað:
Lögð fram tillaga á vinnslustigi að breytingu á Aðalskipulagi Dalvíkurbyggðar 2008-2025, unnin af Teikna teiknistofu, sem felur í sér stækkun á íbúðarsvæði 706-ÍB á Árskógssandi.
Skipulagsráð leggur til við sveitarstjórn að hún samþykki framlagða tillögu að breytingu á Aðalskipulagi Dalvíkurbyggðar 2008-2020 með breytingum til samræmis við umræður á fundinum og að tillagan verði kynnt skv. 2.mgr. 30.gr. skipulagslaga nr. 123/2010, samhliða kynningu deiliskipulagstillögu.
Samþykkt samhljóða með fimm atkvæðum.

Á fundi sveitarstjórnar Dalvíkurbyggðar þann 18.febrúar sl. var samþykkt að kynna tillögu að breytingu á Aðalskipulagi Dalvíkurbyggðar 2008-2020 þar sem gert er ráð fyrir stækkun íbúðarsvæðis 706-ÍB á Árskógssandi.
Nú er lagt til að gerð verði sú breyting á tillögunni að íbúðarsvæði 706-ÍB verði útvíkkað til austurs þannig að það nái yfir lóðirnar Ártún, Árbrekku, Árbakka og Árgerði, sem í dag eru á svæði sem skilgreint er sem landbúnaðarsvæði L1 í gildandi aðalskipulagi.