Reglur um stuðning við framkvæmdir skv. 8.gr. Samþykktar um fráveitu og rotþrær í Dalvíkurbyggð

Á 362.fundi sveitarstjórnar Dalvíkurbyggðar þann 7.nóvember 2023 var eftirfarandi bókað:
Enginn tók til máls. Sveitarstjórn samþykkir samhljóða með 7 atkvæðum fyrirliggjandi tillögu að reglugerð fyrir Fráveitu Dalvíkurbyggðar og vísar henni til staðfestingar Umhverfis-, orku- og loftlagsráðuneytisins.

Samþykkt um fráveitu og rotþrær í Dalvíkurbyggð nr. 1490/2023 tók gildi þann 22.desember 2023.

Farið verður yfir samþykkt um fráveitu og rotþrær í Dalvíkurbyggð.

Samkvæmt reglugerð getur sveitarstjórn sett sérstakar reglur um stuðning við framkvæmdir um niðursetnigu rotþróa. Veitustjóri leggur til þá sérreglu að sveitarfélagið kosti niðursetningu rotþróa við lögbýli, þar sem fráveita sveitafélagsins nær ekki til. Rotþróargjald greiðist samkvæmt gjaldskrá hverju sinni.

Á 142. fundi veitu- og hafnaráðs þann 12. desember sl. var eftirfarandi bókað:
"Samkvæmt reglugerð getur sveitarstjórn sett sérstakar reglur um stuðning við um niðursetningu rotþróa. Veitustjóri leggur til þá sérreglu að sveitarfélagið kosti niðursetningu rotþróa við lögbýli, þar sem fráveita sveitafélagsins nær ekki til. Rotþróargjald greiðist samkvæmt gjaldskrá hverju sinni.
Niðurstaða : Veitu- og hafnaráð samþykkir samhljóða með fimm atkvæðum að leggja til við sveitarstjórn að samþykkja fyrirliggjandi sérreglu varðandi niðursetningu á rotþróm við lögbýli."

Með fundarboði fylgdi minnisblað sveitarstjóra, dagsett þann 13. desember sl, þar sem m.a. kemur fram að sbr. 2.mgr. 8.gr. í Samþykkt um fráveitu og rotþær í Dalvíkurbyggð getur sveitarstjórn sett sérreglur um stuðning við framkvæmdir.