Umsókn um styrk til fráveituframkvæmda.

Eftirfarandi kynnt á vef Umhverfis- og auðlindaráðuneytis. Opnað hefur verið fyrir umsóknir sveitarfélaga um styrki til fráveituframkvæmda. Umsóknarfrestur vegna styrkjanna er til 31. mars 2021. Skila skal inn umsóknum á rafrænu formi á eyðublaðavef Stjórnarráðsins.

Skilyrði er að fráveituframkvæmdin sé áfangi í heildarlausn á fráveitumálum sveitarfélags í samræmi við áætlun sem hlotið hefur samþykki umhverfis- og auðlindaráðuneytisins. Í stefnuyfirlýsingu ríkisstjórnarinnar er kveðið á um að gera þurfi átak í fráveitumálum í samstarfi ríkis og sveitarfélaga. Í fjárlögum ársins í ár er gert ráð fyrir að 800 m.kr. verði varið til þess að styrkja sveitarfélög vegna fráveituframkvæmda, en áður hafði verið ákveðið að 200 m.kr. yrði varið til þessa vegna framkvæmda síðasta árs.

Styrkhæfar fráveituframkvæmdir eru framkvæmdir við safnkerfi fráveitna, hreinsivirki, dælustöðvar og útrásir."

Á 101. fundi ráðsins var sviðsstjóra falið að senda inn umsókn um styrk vegna heildarlausna í fráveitumálum í Dalvíkurbyggð. Til upplýsinga, þá voru sendar inn þrjár umsóknir vegna framkvæmda ársins 2020 og 2021.

Á 101. fundi veitu- og hafnaráðs þann 3. febrúar 2021 var sviðsstjóra falið að senda inn til Umhverfis- og auðlindaráðuneytisins umsókn um styrk vegna heildarlausna í fráveitumálum í Dalvíkurbyggð. Sendar voru inn þrjár umsóknir vegna framkvæmda ársins 2020 og 2021, ein fyrir hverja höfn.

Allar umsóknirnar voru samþykktar og nemur styrkfjárhæðin 30% af staðfestum heildarkostnaði vegna framkvæmda á árunum 2020 og 2021.