Frá sviðstjóra fræðslu- og menningarsviðs og sviðstjóra félagsmálasviðs; Ráðning sálfræðings í hlutastarf

Undir þessum lið kom á fund byggðaráðs Hlynur Sigursveinsson, sviðsstjóri fræðslu- og menningarsviðs kl. 13:00.

Tekið fyrir erindi frá sviðsstjóra fræðslu- og menningarsviðs og sviðsstjóra félagsmálasviðs, dagsett þann 5. september 2017, þar sem lagt er til að hafinn verði undirbúningur að ráðningu sálfræðings í samráði við HSN og Fjallabyggð í 100% stöðu.

HSN hefur lagt til við Dalvíkurbyggð og Fjallabyggð að auglýst verði 100% staða sálfræðings og að HSN útvegi skrifstofuaðstöðu, tölvu og aðgengi að öðrum sálfræðingum innan stofnunarinnar og að kostnaðarskiptingin verði HSN 45%, Dalvíkurbyggð 27,5% og Fjallabyggð 27,5%.

Áætlað er að kostnaður Dalvíkurbyggðar yrði um 2,5 m.kr. á ári.

Óskað er eftir kr. 2.000.000 viðauka við fjárhagsáætlun 2017 til að ráða sálfræðing í 27,5% stöðu hjá Dalvíkurbyggð.

Til umræðu ofangreint.

Sviðsstjóri kynnti afgreiðslu byggðaráðs frá fundi þess þann 7. september 2017 þar sem sviðsstjóri fræðslu- og menningarsviðs lagði fram erindi um að ráðinn yrði sálfræðingur í 27,5% stöðu við fræðslu- og menningarsvið Dalvíkurbyggðar og félagsmálasvið. Erindið var samþykkt.

Með fundarboði fylgdi minnisblað frá Hlyni Sigursveinssyni, sviðsstjóra fræðslu-og menningarsviðs, sem varðar mögulega ráðningu sálfræðings til þjónustu við skólana í Dalvíkurbyggð.