Samþykkt um búfjárhald, endurskoðun 2012

Landbúnaðarráð hefur verið að endurskoða Samþykkt um búfjárhald í Dalvíkurbyggð og hefur fengið ýmsa aðila til þess að fá álit og tillögur. Það má nefna Ólaf Dýrmundsson og fjallskilastjóra í Dalvíkurbyggð.

Samþykktin um búfjárhald var sem til Ólafs Dýrmundssonar til skoðunar. Hann kom með eftirfarandi athugasemdir við tvær greinar: "1) Ákvæði um upprekstur í 4.grein. Lýsingin á upprekstralöndunum mætti vera skýrari,fáein orð til viðbótar. Koma fleiri upprekstrarlönd til greinar? 2)Í 9.gr. þyrfti að vera ákvæði þess eðlis að ekki séu fjarlægð gripahús með fénaði fyrr á vorin en hægt er að sleppa í haga,þ.e.a.s í júní.Sem sagt ekki raunhæft að vísa búfé á "Guð og gaddinn" á venjulegum hýsingartíma."

Samþykkt um búfjárhald er til skoðunar í ráðuneyti og hjá Bændasamtökum Íslands.

Til máls tók:
Svanfríður Inga Jónasdóttir.

Á 237. fundi bæjarstjórnar Dalvíkurbyggðar þann 19. júní s.l. var samþykkt um búfjárhald tekin til fyrri umræðu og samþykkt samhljóða að vísa samþykktinni til síðari umræðu.

Undir þessum fundarlið sátu Svanfríður Inga Jónasdóttir, bæjarstjóri og Ólafur Vagnsson, héraðsráðunautur.
Umræður urðu um ýmsar greinar samþykktarinnar.Ólafur Vagnsson vék af fundi.

Til umræðu hefur verið breytt orðalag 6. greinar og fyrir þessum fundi liggur fyrir tillaga að eftirfarandi breytingu "Öllum umráðamönnum búfjár í sveitarfélaginu, á lögbýlum og utan þeirra er skylt að hafa það í vörslu sem hér segir:
a)
Nautgripir allt árið
b)
Hross frá þeim degi sem hrossasmölun á sér stað skv. ákvörðun bæjarstjórnar til 15 júní nema sérstaklega standi á og þá skv. ákvörðun fjallskilastjóra í umboði bæjarstjórnar.
c)
Sauðfé samkvæmt gildandi fjallskilasamþykkt.

Með fundarboði bæjarstjórnar fylgdi tillaga landbúnaðarráðs að samþykkt um búfjárhald í lögsagnarumdæmi Dalvíkurbyggðar til fyrri umræðu.

Til máls tók:
Svanfríður Inga Jónasdóttir.
Jóhann Ólafsson.

Á 240. fundi bæjarstjórnar þann 30. október 2012 var samþykkt um búfjárhald í lögsagnarumdæmi Dalvíkurbyggðar tekin til fyrri umræðu og samþykkti bæjarstjórn samhljóða að vísa henni til síðari umræðu í bæjarstjórn.

Enginn tók til máls.

Á 241. fundi bæjarstjórnar þann 20. nóvember 2012 var samþykkt um búfjárhald í lögsagnarumdæmi Dalvíkurbyggðar tekin til síðari umræðu og hún samþykkt samhljóða með 6 atkvæðum.

Á 80. fundi landbúnaðarráðs þann 24. apríl 2013 voru teknar fyrir athugasemdir frá atvinnuvega- og nýsköpunarráðuneytinu við ofangreinda samþykkt.

Landbúnaðarráð leggur til við sveitarstjórn að samþykktin verði samþykkt með áorðnum breytingum og send til ráðuneytisins til staðfestingar.

Með fundarboði sveitarstjórnar fylgdi samþykkt um búfjárhald í lögsagnarumdæmi Dalvíkurbyggðar með þeim breytingum sem gerðar voru á fundi landbúnaðarráðs.

Til máls tók:
Svanfríður Inga Jónasdóttir.