Félagsmálaráð

Trúnaðarmál nr. 201901012

Trúnaðarmál nr. 20191008

Trúnaðarmál nr. 201901023

Trúnaðarmál nr. 201812061

Félagsmálastjóri lagði fram uppfærðan viðmiðunarkvarða til fjárhagsaðstoðar milli ára, hækkun um 2.9%.

Lögð voru fram drög að nýrri jafnréttisáætlun Dalvíkurbyggðar í stað mannréttindastefnu sveitarfélagsins frá 2016. í lögum nr. 10/2008 um jafna stöðu og jafnan rétt kvenna og karla segir í 12.gr.að jafnréttisnefndir skulu hafa umsjón um gerð jafnréttisáætlana til fjögurra ára sem leggja skal fram til samþykktar í viðkomandi sveitarstjórn eigi síðar en ári eftir sveitarstjórnarkosningar. Sbr. fund félagsmálaráðs 26. júní 2018, 219 fund.

Á fundi félagsmálaráðs 18. september 2018, 221. fundi ráðsins var tekið fyrir erindi frá hjúkrunarframkvæmdastjóra Dalbæjar beiðni um framlag til bílakaupa eftir að byggðaráð hafði vísað erindinu til ráðsins. Þar var bókað: Félagsmálaráð leggur til að byggðaráð samþykki styrk til bílakaupa til Dalbæjar með þeim rökum að með nýjum lögum er aukin þörf á slíkum bíl til ferðaþjónustu fatlaðra í sveitarfélaginu. Við leggjum til að gerður verði þjónustusamningur um samnýtingu bifreiðarinnar milli Dalbæjar og félagsmálasviðs. Við leggjum til að styrkurinn verði í hlutfalli við áætlaða nýtingu sviðsins á bifreiðinni. Í framhaldi af þessari bókun var erindið tekið fyrir í byggðaráði og sveitarstjóra og félagsmálastjóra falið að gera drög að samningi við Dalbæ. Samningsdrög voru gerð með hjúkrunarforstjóra sem tekin eru hér með fyrir.

Lagðar voru fram til kynningar reglur Dalvíkurbyggðar um birtingu gagna með fundargerðum. Reglum þessum er ætlað að auka aðgang íbúa Dalvíkurbyggðar að gögnum sveitarfélagsins, fyrirtækjum þess og samtaka sem það á aðild að, sem lögð eru fram í ráðum og nefndum á vegum sveitarfélagsins eftir því sem lög og reglugerðir heimila sem og í samræmi við stefnur Dalvíkurbyggðar. Almenna reglan er sú að birta skal öll gögn á vef sveitarfélagsins sem lögð eru fyrir ráð og nefndir nema erindi frá einstaklingum, þau eru ekki birt nema viðkomandi óski þess. Óheimilt er þó að birta gögn um einka- eða fjárhagsmálefni einstaklinga, bréfaskrif við sérfróða aðila til afnota í dómsmálum, vinnuskjöl og innri minnisblöð, gögn er tengjast málefnum einstakra starfsmanna, gögn sem þagnarskylda gildir um og óski málsaðili sérstaklega eftir að gögn birtist ekki. Ef réttmætur vafi er á því hvort lög heimili birtingu ganga skulu þau að jafnaði ekki birt.

Lagt fram til kynningar ákvörðun byggðaráðs 892.fundi dags 10.01.2019 þar sem samþykkt var samhljóða með 3 atkvæðum að farið verði sem fyrst í heildstæða skoðun á rekstri og fjárfestingum sveitarfélagsins með vinnuhópum kjörinna fulltrúa og starfsmanna. Í hverjum vinnuhóp er sviðsstjóri, starfsmenn sviðsins og 4 sveitarstjórnarmenn þvert á ráð.