Félagsmálaráð

Bjarni Th. Bjarnason sveitarstjóri og stjórnarmaður í Byggðarsamlaginu Rótum kynnti fyrir nefndarmönnum bókun sveitarstjórnar frá 22. apríl 2015, fundur nr.268 bókun sína sem er eftirfarandi:



"Samkvæmt 4.gr laga um málefni fatlaðs fólks nr. 59 frá 1992 þarf hvert þjónustusvæði að ná að lágmarki 8.000 íbúum en hægt er að fá undanþágu frá þessu á grundvelli landfræðilegra aðstæðna. Mikið óhagræði fylgir slíkum vegalengdum. Þjónustusvæði Róta bs. telur ríflega 11.000 íbúa. Sveitarstjórn samþykkir tillögu þess efnis að veita sveitarstjóra heimild til að senda inn beiðni um undanþágu til ráðherra skv. ákvæðum 4.gr. laga nr. 59 frá 1992."



Greinargerð með tillögunni:

"Málefni Róta bs. hafa verið í brennidepli hjá sveitarstjórnarfólki í Dalvíkurbyggð síðustu misserin vegna slæmrar stöðu sem uppi er í málefnum Róta bs. Undirritaður sem hefur verið í stjórn Róta frá því í september sl. og lýsir yfir miklum áhyggjum vegna rekstrarvanda Róta bs. Hallinn árið 2014 verður líklega á bilinu 60-80 milljónir og stefnir í 100 milljónir í ár og verður velt yfir á sveitarfélögin. Ljóst er að það rekstrarmódel sem Rætur bs. búa við virkar ekki eins og það þarf að gera. Margar ástæður mætti telja til, s.s. miklar vegalengdir á starfssvæði Róta bs., sem Jöfnunarsjóður virðist ekkert tillit taka til, og lítil samlegðaráhrif í þjónustu við fatlaða á milli byggðarlaga. Sú staða sem uppi er í byggðasamlaginu er með öllu óviðunandi fyrir aðildarsveitarfélögin.

Samkvæmt 4.gr laga um málefni fatlaðs fólks nr. 59 frá 1992 þarf hvert þjónustusvæði að ná að lágmarki 8.000 íbúum en hægt er að fá undanþágu frá þessu á grundvelli landfræðilegra aðstæðna. Þjónustusvæði Róta bs. telur ríflega 11.000 íbúa. Sveitarstjórnarfólk í Dalvíkurbyggð og Fjallabyggð hefur rætt um það sín á milli hvort nú ætti að láta reyna á slíka beiðni um undanþágu sem nefnd er í 4.gr. ofangreindra laga enda er klárlega um samlegðaráhrif að ræða í málefnum fatlaða á milli sveitarfélaganna.

Skrefin sem þarf að stíga eru í fyrsta lagi að sækja um undanþágu og það þá gert í samfloti með Fjallabyggð sem framtíðarsamstarfsaðila um málefni fatlaða. Ef undanþága er veitt þá þarf sveitarstjórn að ákveða um úrsögn úr Rótum bs. og þarf sú úrsögn að gerast með 6 mánaða fyrirvara og miðast við áramót samkvæmt samþykktum Róta bs."



Einnig kemur fram í fundargerðinni að upplýsa eigi félagsmálaráð um málið hið fyrsta.

Bréf barst dags. 21. apríl 2015 frá Barnahreyfingu IOGT á Íslandi þar sem fram kemur að IOGT taki skýra afstöðu gegn frumvarpi um frjálsa sölu áfengis og óskar eftir því að þau samtök, félög og hreyfingar sem vinna með einum eða öðrum hætti að hagsmunum barna og ungmenna geri slíkt hið sama. Það er stefna þeirra að vernda hag barna gegn óæskilegum utanaðkomandi áhrifum sem gætu haft áhrif á líf þeirra.

Minnt er á að samkvæmt 3. gr. barnasáttmála Sameinuðu þjóðanna beri að setja hagsmuni barna í forgang þegar teknar eru ákvarðanir sem hafa áhrif á börn með einum eða öðrum hætti. Hagsmunir barna af því að njóta verndar gegn skaðlegum áhrifum áfengis eiga því að vega þyngra en hugsanlegir hagsmunir fullorðinna af því að geta keypt áfengi í almennum verslunum.

Barnahreyfingin IOGT óskar eftir að stjórnir samtaka, félaga og hreyfinga til að hvetja sína félagsmenn til að taka þátt í undirskriftarátaki IOGT á netinu www.allraheill.is

Erindi barst frá Jafnréttisstofu dags. 16. apríl 2015 þar sem fram kemur að Jafnréttisstofa, í samstarfi við Alþýðusamband íslands og önnur frjáls félagasamtök boði til vinnufundar á Akureyri í tilefni tuttugu ára afmælis Peking áætlunarinnar.

Erindi barst frá nefndarsviði Alþingis dags. til umsagnar 687. mál frumvarp til laga um lögræðislög (réttindi fatlaðs fólks, sviptingu lögræðis ofl.)

Erindi barst frá Dalbæ dags. 20. apríl 2015 með upplýsingum um þátttöku í félags- og tómstundastarfi á Dalbæ árið 2014. Kostnaðarþátttaka Dalvíkurbyggðar er kr. 3.528.613 krónur.

Þroskaþjálfi félagsmálasviðs leggur fram drög að nýjum reglum um liðveislu.

Trúnaðarmál - 201504165

Trúnaðarmál - 201504168

Trúnaðarmál - 201504170

Trúnaðarmál 201504167

Trúnaðarmál

Trúnaðarmál - 201504171

Trúnaðramál - 201504172

Trúnaðarmál 201505026