Félagsmálaráð

Bókað í trúnaðarmálabók

Félagsmálastjóri fór yfir fundargerðir þjónustuhóps um málefni fatlaðra frá janúar og apríl.

Félagsmálastjóri fór yfir samþykkt um stjórn og fundarsköp bæjarstjórnar, nýlega endurskoðað í samræmi við ný sveitarstjórnarlög. Sérstaklega var farið yfir ritun fundargerða.

Félagsmálastjóri lagði fram tölvubréf frá Velferðarráðuneytinu dags. 3. maí 2013. Í bréfinu eru kynnt lög um réttindagæslu fyrir fatlað fólk. Hin nýju lög kveða á um skipan sérstakrar réttindavaktar velferðarráðuneytisins, réttindagæslumenn og persónulegir talsmenn fatlaðs fólks. Haustið 2012 bættist mikilvægur kafli við lögin sem fjallar um ráðstafanir til að draga úr nauðung í þjónustu við fatlað fólk.

Félagsmálastjóri lagði fram tölvupóst frá Félagi heyrnarlausra dags. 11. apríl 2013. Félagið óskar eftir styrk við útgáfu Döffblaðsis. Blaðinu verður dreift á opinberar stofnanir, fyrirtækja sem styrkja blöðin, félagsmanna og erlendra samtaka.

Félagsmálastjóri lagði fram bréf frá Farskólanum dags. 24. apríl 2013. Starfsmönnum sem vinna með fötluðum á Norðurlandi vestra, Fjallabyggð og Dalvíkurbyggð er boðið upp á náms- og starfsráðgjöf þeim að kostnaðarlausu. Farskólinn - miðstöð símenntunar á Norðurlandi vestra heldur utan um verkefnið en fá starfsráðgjafa Símeyjar í Dalvíkurbyggð með í verkefnið.

Félagsmálastjóri lagði fram bréf frá Byggðarráði dags. 18. apríl 2013. Á fundi Byggðarráðs er tekið fyrir bréf frá Vinnumálastofnun þar sem gert er grein fyrir átaksverkefni vegna fjölgunar á störfum í sumar fyrir námsmenn. Óskað var eftir upplýsingum um störf og fjölda þeirra fyrir 22. apríl 2013. Félagsmálastjóri sótti um 10 störf fyrir hönd sveitarfélagsins, en samþykkt voru störf fyrir 5 námsmenn í 2 mánuði fyrir hvern.

Félagsmálastjóri lagði fram tölvubréf frá Velferðarsjóði íslenskra barna dags 23.apríl 2013 en óskar Velferðarsjóður eftir upplýsingum um fjölskyldur sem þyrftu stuðning vegna sumarúrræða. Félagsmálastjóri hefur sótt um fyrir fjölskyldur í sveitarfélaginu.