Félagsmálaráð

Trúnaðarmál - 202306157

Bókað í trúnaðarmálabók

Trúnaðarmál - 202309038

Bókað í trúnaðarmálabók

Trúnaðarmál - 202309037

Bókað í trúnaðarmálabók

Trúnaðarmál - 202309059

Bókað í trúnaðarmálabók

Trúnaðarmál - 202309060

Bókað í trúnaðarmálabók

Tekin fyrir stefna Barnaverndarþjónustu Eyjafjarðar fyrir tímabilið 2023-2027. Stefna og framkvæmdaáætlun Barnaverndarþjónustu Eyjafjarðar er gerð með vísan til 9.gr. barnaverndarlaga nr. 80/2002 en í 9.gr. kemur fram: Sveitarstjórnir skulu marka sér stefnu og gera framkvæmdaáætlun fyrir hvert kjörtímabil
á sviði barnaverndar innan sveitarfélagsins. Framkvæmdaáætlun sveitarfélags í
barnaverndarmálum skal send mennta- og barnamálaráðuneytinu, Gæða- og
eftirlitsstofnun velferðarmála og Barna- og fjölskyldustofu.“

Tekið fyrir minnisblað frá fundi fagráðs Barnaverndarþjónustu Eyjafjarðar dags. 31.08.2023. Um er að ræða álit og mat á samstarfi Akureyarbæjar og Dalvíkurbyggðar sbr. fyrirliggjandi samning um Barnaverndarþjónustu Eyjafjarðar sem endurskoðaður skal fyrir árslok 2023, ,eð vísan í 6. og 8. grein samningsins.

Tekinn fyrir rafpóstur frá Jafnréttisstofu dags. 31. ágúst 2023 þar sem farið var yfir drög að jafnréttisáætlun Dalvíkurbyggðar fyrir árin 2023-2026. Gerðar voru 3 athugasemdir við drögin sem snéru af því að vísa í lagagreinar hvað varðar hinsegin fræðslu og meðferð við ráðstöfun fjármagns.

Farið yfir tímaramma fjárhagsáætlunar 2024. Einnig var starfsáætlun ársins 2023 skoðuð og farið yfir áherslur nefndarmanna vegna fjárhagsáætlunar ársins 2024. Lagt til að boða til aukafundar vegna vinnu við fjárhagsáætlun.

Teknar fyrir gjaldskrá sviðsins fyrir árið 2023 og rætt var um breytingar á gjaldskrá fyrir árið 2024.

Tekið fyrir erindi dags. 30.08.2023 frá Stígamótum. Árlega leita Stígamót til allra sveitarstjórna til þess að óska eftir fjárstuðningi og samstarfi um reksturinn. Árið 2022 leituðu 910 einstaklingar til Stígamóta. Um helmingur þeirra sem nýta sér þjónustuna á hverju ári búa utan Reykjavíkur - ekki er þó boðið upp á viðtöl á landsbyggðinni.

Tekin fyrir rafpóstur frá Lögreglustjóranum á Norðurlandi eystra dags. 05.09.2023
Í erindi hennar kemur fram að staða forvarnarfulltrúa við lögregluembættið verður ekki með sama sniði og verið hefur frá og með 1. september. Embættinu var gert að skera niður og staða forvarafulltrúa er því miður eitt af þeim verkefnum sem hverfa við það. Áfram mun lögreglan sinna forvarnarverkefnum en stilla þarf þeim upp með öðrum hætti.

Tekin fyrir rafpóstur dags. 01.09.2023 frá Mennta- og barnamálaráðuneytinu. Þar kemur fram að áformað er að veita framlag úr ríkissjóði til að standa straum af hluta kostnaðar sveitarfélaga vegna barna með fjölþættan vanda og/eða miklar þroska- og geðraskanir sem vistuð hafa verið utan heimilis árið 2023 á grundvelli laga nr. 38/2018 um þjónustu við fatlað fólk með langvarandi stuðningsþarfir. Um er að ræða einskiptisaðgerðir vegna ársins 2023

Tekið fyrir erindi dags. 05.09.2023 frá Innviðaráðuneytinu. Samþykkt hefur verið að gera breytingu á reglugerð 280/2021 um starfsemi Fasteignasjóðs Jöfnunarsjóðs sveitarfélaga sem heimilar sjóðnum að úthluta allt að 415 m.kr. til úrbóta á aðgengismálum fatlaðs fólks á árunum 2023 og 2024. Umsóknir um aðgengisframlög úr Fasteignasjóði skulu berast sjóðnum ásamt fylgigögnum eigi síðar en 31. desember 2024. Meðfylgjandi er yfirlit yfir skiptingu fjármagns sem heimilt er til úthlutunar innan hvers þjónustusvæðis.

Farið var yfir fjárhagsstöðu félagsmálasviðs fyrir árið 2023