Félagsmálaráð

Trúnaðarmál - 202306034

Bókað í trúnaðarmálabók

Trúnaðarmál - 202302001

Bókað í trúnaðarmálabók

Tekin fyrir rafpóstur ráðgjafa frá Vinnumálastofnun dags. 7.júní sl. Þar sem verið er að óska eftir hvort að félagsþjónustan geti gert ráðningarstyrk til atvinnurekanda í stað þess að greiða fjárhagsaðstoð. Um er að ræða flóttamenn sem eru að flytja til Dalvíkur og vill atvinnurekandi á staðnum ráða flóttamennina til vinnu. Akureyrarbær og Fjallabyggð hafa gert slíka styrki.

Lagt fram til kynningar stefna og framkvæmdaáætlun í Barnaþjónustu Eyjafjarðar sem tók gildi frá og með 1.mars sl þegar sameining barnaverndanna varð. Stefna og framkvæmdaáætlun Barnaverndarþjónustu Eyjafjarðar er gerð með vísan til 9. gr.
barnaverndarlaga nr. 80/2002 en í 1. mgr. 9. gr. kemur eftirfarandi fram:
„Sveitarstjórnir skulu marka sér stefnu og gera framkvæmdaáætlun fyrir hvert kjörtímabil á sviði barnaverndar innan sveitarfélagsins. Framkvæmdaáætlun sveitarfélags í barnaverndarmálum skal send mennta- og barnamálaráðuneytinu, Gæða- og eftirlitsstofnun velferðarmála og Barna- og fjölskyldustofu."

Tekin fyrir rafpóstur frá Landssamtökunum Þroskahjálp dags. 1.júní sl. þar sem Þroskahjálp er að minna á gistiaðstöðu sína fyrir fötluð börn af landsbyggðinni og aðstandendur þeirra þegar þarf að sækja þjónustu til höfuðborgarinnar.

Lagt fram til kynningar drög af stefnu í málefnum aldraðra 2023-2027 frá vinnuhóp. Verkefni vinnuhópsins var að taka stefnu Dalvíkurbyggðar í málefnum aldraðra heildstætt til endurskoðunar. Markmið hópsins er að draga fram skýra framtíðarsýn í málefnum aldraðra í Dalvíkurbyggð ásamt markvissri aðgerðaráætlun. Vinnuhópurinn skal hafa samráð við hagsmunaaðila vegna málaflokksins s.s. við Félag eldri borgara í Dalvíkurbyggð, Öldugaráð, Starfsmenn sveitarfélagsins og annarra (s.s. Dalbæ, HSN) er starfa að málefnu aldraðra, við íþróttafélög og félagasamtök, við Fræðslu- og menningarsvið vegna Heilsueflandi samfélags, Ungmenna ráð og fleiri. Vinnuhópurinn skal leitast við að svara eftirfarandi spurningum:
Fara yfir og skilgreina þá þjónustu sem
a) Dalvíkurbyggð ber að veita í málefnum aldraðra,
b) sem Dalbæ ses. ber að veita í málefnum aldraðra og
c) sem HSN ber að veita í málefnum aldraðra.

Tekið fyrir rafpóstur frá Félags- og vinnumarkaðsráðuneytinu dags. 8.júní sl. Þann 1.janúar 2023 tóku í gildi lög um breytingu á lögum um þjónustu við fatlað fólk með langvarandi stuðningsþarfnir nr. 38/2018 (framlenging, ákvæði til bráðabirgða I). Í lögunum er gert ráð fyrir aukningu um allt að 56 samninga árið 2023 og óskað var eftir umsöknum með umsóknarfresti til og með 31.maí. Félags- og vinnumakraðsráðuneytið vil koma þeim upplýsingum á framfæri að ekki hafa borist svo margar umsóknir og því hefur verið fallið frá uppgefnum fresti og er því enn unnt að sækja um mótframlag til nýrra samninga.