Byggðaráð

Undir þessum lið kom á fund byggðarráðs Börkur Þór Ottósson, sviðsstjóri umhverfis- og tæknisviðs, kl. 8:15.

Að beiðni Óskars Óskarssonar er málið tekið á dagskrá byggðarráðs þar sem Hallgrímur Hreinsson f.h. Dalverks eignarhaldsfélags ehf. leitaði til hans vegna máls er varðar lóðarleigusamning vegna Sandskeiðs 31 á Dalvík. Málið tengist einnig viðbrögðum sveitarfélagsins vegna meintra landvinninga Dalverks ehf. við Sandskeið 31.

Til umræðu ofangreint.

Börkur vék af fundi kl.08:41.

Kristján E. Hjartarson gerði grein fyrir vanhæfi sínu hvað þennan lið varðar og vék af fundi kl. 08:42 við umfjöllun og afgreiðslu. Varaformaður tók við fundarstjórn.

Undir þessum lið kom á fund byggðarráðs Margrét Víkingsdóttir, upplýsingafulltrúi, kl. 8:42.

Á 691. fundi byggðarráðs var eftirfarandi bókað:
Á 687. fundi byggðarráðs þann 9. janúar 2014 var til umfjöllunar erindi frá Ferðatröllum, bréf dagsett þann 18. desember 2013. Fram kom meðal annars að Ferðatröll óskaðu eftir formlegu samstarfi við Dalvíkurbyggð og Fjallabyggð um að koma ferðamálasíðu í loftið fyrir utanverðan Tröllaskaga. Byggðarráð tók jákvætt í erindið en óskaði eftir nánari upplýsingum, meðal annars hvað varðar mánaðarlega rekstrarkostnað og hlutverk.

Með fundarboði byggðarráðs fylgdi uppfært erindi frá Ferðatröllum, dagsett þann 12. febrúar 2014, ásamt ítarupplýsingum vegna landshlutasíðu fyrir utanverðan Tröllaskaga.

Hluti Dalvíkurbyggðar yrði kr. 745.470 með vsk. Ferðatröll mun sjá um verkefnisstjórn og framkvæmd verkefnisins á meðan vefurinn er að fara í loftið. Þegar vefurinn yrði tilbúinn þá myndu sveitarfélögin, Dalvíkurbyggð og Fjallabyggð, taka yfir umsjónina en ferðaþjónustuaðilar bæru sjálfir ábyrgð á því að koma upplýsingum um breytingar á framfæri.

Til umræðu ofangreint. Byggðarráð samþykkir samhljóða með 2 atkvæðum að fresta afgreiðslu.


Margrét vék af fundi kl. 08:51.

Tekið fyrir bréf frá Lánasjóði sveitarfélaga ohf, dagsett þann 28. febrúar 2014, þar sem fram kemur að aðalfundur sjóðsins verður fimmtudaginn 27. mars n.k. kl. 14:00 á Grand hóteli Reykjavík.
Vakin er athygli á því að allir sveitarstjórnarmenn eiga rétt á að sækja aðalfundinn.

Einnig fylgdi frá Lánasjóði sveitarfélaga auglýsing eftir framboðum í stjórn Lánasjóðs sveitarfélaga, dagsett þann 28. febrúar 2014. Framboðum skal skilað í síðasta lagi á hádegi föstudaginn 21. mars n.k. og kjörnefnd óskar eftir að sveitarstjórnarmönnum sé kynnt innihalds bréfs þessa eins fljótt og unnt er til að þeim gefist tími til að skila inn framboðum.

Tekið fyrir bréf frá UMSE, dagsett þann 27. febrúar 2014, þar sem fram kemur að 93. ársþing UMSE verður haldið að Rimum í Svarfaðardal 13. mars n.k. UMSE býður fulltrúa sveitarfélagsins að sitja þingið og óskað er eftir að fá upplýsingar í síðasta lagi 6. mars um það hvort fulltrúi Dalvíkurbyggðar mætir.

Tekið fyrir erindi frá vinabænum Lund í Svíðþjóð, rafpóstur dagsettur þann 26. febrúar 2014, þar sem boðið er upp á þátttöku í ráðstefnu er ber heitið International days of Lund sem haldin verður 15. - 18. maí n.k. Tilkynning um þátttöku þarf að hafa borist fyrir 2. apríl n.k.

Tekið fyrir bréf frá vinabænum Hamar í Noregi, dagsett þann 9. janúar 2014, þar sem boðað er til fundar í Hamar mánudaginn 1. september 2014 um málefni vinabæjasamstarfs. Skipulögð verður dagskrá frá 1. - 3. september n.k.

Tekið fyrir bréf frá Varasjóði húsnæðismála, dagsett þann 19. febrúar 2014, þar sem fram kemur að Dalvíkurbyggð hefur fengið viðbótarframlag úr sjóðnum að upphæð kr. 4.332.882 vegna sölu á íbúðum. Áður var Dalvíkurbyggð búið að fá greitt framlag að upphæð kr. 4.455.707.

Bókað í trúnaðarmálabók.

Bókað í trúnaðarmálabók.

Á 690. fundi byggðarráðs þann 6. febrúar 2014 var samþykkt að ganga til samninga við Símann um kaup á IP hýstu einkasímakerfi fyrir Dalvíkurbyggð. Ákvörðun byggðarráðs var staðfest á 256. fundi sveitarstjórnar þann 18. febrúar 2014.

Fyrir liggur þjónustusamningur um Símavist til 3ja ára.

Með fundarboði byggðarráðs fylgdu drög að endurskoðun á gildandi samningi frá árinu 2007 á milli Dalvíkurbyggðar og Félags eldri borgara er varðar stuðning við félagsstarf á vegum félagsins; einkum til að mæta kostnaði félagsins við snjómokstur.

Með fundarboði byggðarráðs fylgdi einnig erindi frá Félagi eldri borgara, bréf dagsett þann 3. mars 2014, þar sem til umfjöllunar er samningur um styrk vegna snjómoksturs við félagsheimilið Mímisbrunn frá árinu 2007. Fram kemur að samkvæmt reikningum félagsins þá bera þeir ekki með sér innborganir vegna umrædds samnings frá árinu 2007. Stjórn félagsins óskar eftir að samningurinn verði framreiknaður allan samningstímann, til dæmis samkvæmt byggingavísitölu, og upphæðin greidd til félagsins.

Til umræðu gildandi Samþykkt um stjórn Dalvíkurbyggðar og mögulegar breytingar á Samþykktunum og ráðum/nefndum.

Undir þessum lið komu á fund byggðarráðs kl. 10:05 frá Símanum Guðmundur Stefán Björnsson, framkvæmdastjóri sölu- og þjónustusviðs Símans, Elín Rós Sveinsdóttir, forstöðumaður viðskiptastýringar Símans og Jón Marínó Sævarsson, deildarstjóri viðskiptastýringar á Akureyri. Frá Dalvíkurbyggð komu á fundinn Þorsteinn Björnsson, sviðsstjóri veitu- og hafnasviðs, og Bjarni Jóhann Valdimarsson, tölvuumsjónarmaður.

Til umræðu framboð Símans á þjónustu í Dalvíkurbyggð meðal annars hvað varðar fjarskiptasambönd.

Guðmundur Stefán, Elín Rós og Jón Marinó viku af fundi kl.11:05.
Þorsteinn og Bjarni viku af fundi kl.11:05.