Byggðaráð

Undir þessum lið kom á fund byggðarráðs Margrét Víkingsdóttir, upplýsingafulltrúi.

Til umræðu kynningar- og markaðsmál Dalvíkurbyggðar almennt og hvað er framundan í sumar.

Upplýsingafulltrúi gerði grein fyrir þeim verkefnum sem eru í vinnslu sem og hvaða línur hafa verið lagðar fyrir árið samkvæmt starfs- og fjárhagsáætlun 2013.

Til umræðu ofangreint.

Margrét vék af fundi.

Undir þessum lið komu á fund byggðarráðs Friðrika Marteinsdóttir frá Verkfræðistofu Norðurlands hf. og Þorsteinn K. Björnsson, sviðsstjóri veitu- og hafnasviðs.

Með fundarboði byggðarráðs fylgdi skýrsla frá Verkfræðistofu Norðurlands hf., dagsett í apríl 2013; Ljóðsleiðarakerfi, forhönnun og kostnaðarmat, sem unnin var fyrir Dalvíkurbyggð.

Friðrika kynnti skýrsluna ásamt viðaukum.

Til umræðu ofangreint.

Friðrika og Þorsteinn viku af fundi.

Á 663. fundi byggðarráðs þann 16. maí 2013 voru til umræðu áherslur, markmið og stefna í rekstri og framkvæmdum sveitarfélagsins vegna undirbúnings fjárhagsáætlunar 2014-2017.

Tímarammi var lagður fyrir byggðarráð og var hann samþykktur.

Þann 21. maí s.l. var haldinn fundur í stjórnsýslunefnd þar sem fjallað var um verkefni og áherslur í rekstri sveitarfélagsins. Með fundarboði byggðarráðs fylgdi samantekt yfir þau helstu atriði sem fram komu á fundinum.

Til umræðu forsendur fjárhagsáætlunar vegna vinnu við fjárhagsramma 2014-2017.