Byggðaráð

Á 30.fundi skipulagsráðs þann 15.janúar sl., var lagt fram minnisblað frá Ocean Eco Farm ehf. varðandi áform um uppbyggingu seiðastöðvar á Hauganesi. Eftirfarandi var bókað:
Lagt fram til kynningar.

María Markúsdóttir skipulagsfulltrúi kom til fundar kl. 13:15

Vilhelm Anton Hallgrímsson, slökkviliðsstjóri mætti til fundar kl. 13:30

Slökkviliðsstjóri gerði grein fyrir fundi sínum með slökkviliði Dalvíkur sl. mánudagskvöld og niðurstöðu HMS eftir yfirferð á teikningum.

Með fundarboði fylgdu nýjustu drög að samningi á milli Dalvíkurbyggðar og Ektabaða ehf. um uppbyggingu á landsvæði ofan Hauganess.

Á 1136.fundi byggðaráðs var eftirfarandi bókað:
Með fundarboði byggðaráðs fylgdu drög að húsnæðisáætlun Dalvíkurbyggðar fyrir árið 2025.
Áætlunin hefur farið til umfjöllunar í umhverfis- og dreifbýlisráði, félagsmálaráði, fræðsluráði, veitu- og hafnaráði og skipulagsráði.

Skipulagsráð vísar til þeirra deiliskipulagsverkefna sem eru í gangi. Umhverfis- og dreifbýlisráð telur að þörf sé á uppbyggingu á leiguíbúðum fyrir eldri borgara og ætti sú þörf að koma fram í húsnæðisáætlunni. Önnur fagráð sem hafa fjallað um áætlunina leggja hana fram til kynningar.

Til umræðu ofangreint.
Byggðaráð frestaði frekari umfjöllun og afgreiðslu til næsta fundar.

Sveitarstjóri fór yfir húsnæðisáætlun Dalvíkurbyggðar og upplýsti um að hún er í yfirferð hjá Húsnæðis- og mannvirkjastofnun.

Á 1136.fundi byggðaráðs þann 9.janúar sl., var eftirfarandi bókað:
Með fundarboði byggðaráðs fylgdi skýrsla og tillögur vinnuhóps Dalvíkurbyggðar um húsnæðismál stofnana sveitarfélagsins, drög #4. Vinnuhópinn skipa: Sveitarstjóri, forseti sveitarstjórnar,sviðsstjóri fræðslu- og menningarsviðs, deildarstjóri Eigna- og framkvæmdadeildar.
Byggðaráð frestar frekari umfjöllun og afgreiðslu til næsta fundar.

Fyrir fundinum liggur skýrsla og tillögur vinnuhóps Dalvíkurbyggðar um húsnæðismál stofnana sveitarfélagsins, drög nr.5.

Sveitarstjóri gerði grein fyrir stöðumati deildarstjóra Eigna- og framkvæmdadeildar janúar-október 2024 vegna rekstur; mat á stöðu bókhalds í samanburði við heimildir í fjárhagsáætl

Tekið fyrir erindi frá Sýslumanninum á Norðurlandi eystra, tölvupóstur dagsettur 14.janúar sl., þar sem óskað er umsagnar vegna umsóknar um veitingaleyfi í flokki III-A Veitingahús.
Fyrir liggur jákvæð umsögn frá skipulagsfulltrúa.

Tekið fyrir erindi frá sviðsstjóra fræðslu- og menningarsviðs, dagsett 14.1.2025, þar sem óskað er eftir viðauka við fjárhagsáætlun 2025 að fjárhæð kr. 1.660.000 til hækkunar á lið 31700-4610 til þess að lagfæra loftræstingu í eldhúsi í Menningarhúsinu Bergi.

Tekið fyrir erindi frá Frey Antonssyni, dagsett þann 9.janúar sl, þar sem sótt er um í nafni Miðgarðs Aktursíþróttafélags og MSÍ Mótorhjóla- og snjósleðasambands Íslands um formlegt leyfi til að halda Íslandsmeistarmót í Snocross á Dalvík 22. mars fyrir norðan fiskvinnsluhús Samherja. Svæðið er á hafnarsvæðinu og er merkt með grænu á meðfylgjandi mynd. Í undirbúningi og meðan á keppni stendur verður snjó safnað á svæðið og úr honum dreift til að mynda keppnishring. Áhorfendasvæði verða sett upp og öryggissvæði skilgreint samkvæmt Snocross reglum MSÍ sem eru meðfylgjandi. Leitað verður samráðs og sótt um leyfi til lóðarhafa á svæðinu. Samherji hefur þegar samþykkt staðsetningu fyrir sitt leyti.

Skipulagsráð tók erindið fyrir á 30.fundi sínum þann 15.janúar sl, og var eftirfarandi bókað:
Skipulagsráð samþykkir erindið með fyrirvara um jákvæða umsögn slökkviliðs Dalvíkurbyggðar, hafnarstjóra og lóðarhafa á svæðinu auk leyfis lögreglustjórans á Norðurlandi eystra.
Samþykkt samhljóða með fimm atkvæðum.