Byggðaráð

Undir þessum lið komu á fund byggðaráðs Eyrún Rafnsdóttir, sviðsstjóri félagsmálasviðs, og Gísli Bjarnason, sviðsstjóri fræðslu- og menningarsviðs.

Á 280. fundi fræðsluráðs þann 8. mars sl. var eftirfarandi bókað:
"Gísli Bjarnason, sviðsstjóri fræðslu- og menningarsviðs, fór yfir stöðu mála er varðar innleiðingu laga um samþættingu þjónustu vegna farsældar barna."

Eyrún og Gísli gerðu grein fyrir stöðu mála er varðar innleiðingu laga um samþættingu þjónustu vegna farsældar barna.

Eyrún og Gísli viku af fundi kl. 14:35.

Undir þessum lið kom á fund byggðaráðs Silja Dröfn Jónsdóttir, þjónustu- og upplýsingafulltrúi, kl. 14:36. Til umræðu atvinnumál og kynningarmál sveitarfélagsins almennt og þau verkefni sem eru á starfs- og fjárhagsáætlun 2023. Silja Dröfn kynnti samantekt sína hvað varðar verkefni það sem af er árs, í gangi og þau sem eru framundan.

Silja Dröfn vék af fundi kl. 15:08.

Tekið fyrir erindi frá Sýslumanninum á Norðurlandi eystra, rafpóstur dagsettur þann 10. mars 2023, þar sem óskað er umsagnar vegna umsóknar um rekstrarleyfi gistingar í flokki II vegna Ægisgötu 7, 621. Dalvík.

Undir þessum lið koma á fund byggðaráðs Bjarni Daníel Daníelsson, sviðsstjóri framkvæmdasviðs, og Helga Íris Ingólfsdóttir, deildarstjóri Eigna- og framkvæmdadeildar, kl. 15:15.

Til umræðu gerð leigusamnings við Í Tröllahöndum ehf. vegna Rima og Sundskála Svardæla.

Felix Rafn Felixson vék af fundi við umfjöllun og afgreiðslu vegna vanhæfis kl. 15:35.

Tekið fyrir erindi frá deildarstjóra Eigna- og framkvæmdadeildar, Helgu Írisi Ingólfsdóttur, dagsett þann 27. mars sl., þar sem óskað er eftir viðauka við fjárhagsáætlun vegna einangrunar á útveggjum Krílakots.
Verkið var boðið út í mars. Tvö tilboð bárust í verkið og bæði yfir uppfærðri kostnaðaráætlun. Lagt er til að tilboði Tréverk hf., lægstbjóðanda sé tekið, og að áætlun 31120 vegna viðhalds fasteigna og leiguhúsnæðis á Krílakoti verði hækkaður úr kr. 23.250.000 í kr. 28.500.000 eða um kr. 5.295.000. Gert var ráð fyrir kr. 18.000.000 á fjárhagsáætlun í þennan verkþátt. Lagt er til að viðaukanum verði mætt með lækkun á handbæru fé.

Bjarni Daníel og Helga Íris viku af fundi kl. 15:42.

Felix Rafn Felixson kom inn á fundinn að nýju kl. 15:49.

Tekið fyrir erindi frá forstöðumanna safna, Björk Hólm Þorsteinsdóttur, dagsett þann 22. mars 2023, þar sem vísað er í afgreiðslu sveitarstjórnar frá 14. febrúar sl, þar sem til umfjöllunar var breyttur opnnartími Bókasafns Dalvíkurbyggðar. Samþykkt var sú tillaga að opnunartími Menningarhússins Bergs verði kl. 11:00 til kl. 17:00. Eftir að hafa skoðað hvernig er hægt að útfæra þessa breytingu með sem minnstu raski á starfstíma núverandi starfsmanna á Bókasafni liggur fyrir að tímar þurfa að vera 5 talsins en ekki 4 eins og var metið í fyrstu tillögu. Því er óskað eftir viðauka við fjárhagsáætlun 2023 að upphæð kr. 860.681 við deild 05210 vegna launa til áramóta. Forstöðumaður safna leggur til að viðaukanum verði mætt með lækkun á lið 05320-4390.

Tekið fyrir rafpóstur frá SÍMEY, dagsettur þann 21. mars 2023, þar sem boðað er til ársfundar Símenntunarmiðstöðvar Eyjafjarðar fimmtudaginn 26. apríl kl. 14:00 á Akureyri. Kjörbréf fylgir fundarboði. Í kjörbréfi dagsettu þann 13. mars 2023 kemur fram að í stjórninni eru 7 aðilar til tveggja ára í senn og sjö til vara. Þeir eru tilefndir af menntastofnunum, stéttarfélögum, atvinnurekendum, Akureyrarbæ og sveitarfélögum við Eyjafjörð.Óskað er eftir að stofnaðili tilnefni aðal- og varamann, karl og konu, til næstu tveggja ára í stjórn SÍMEY:

Tekinn fyrir aðalfundargerð Moltu ehf. frá fundi 15. mars 2023 ásamt ársreikningi Moltu ehf. fyrir árið 2022.

Sveitarstjóri og sviðsstjóri fjármála- og stjórnsýslusviðs kynntu fundargerð starfs- og kjaranefndar frá 16. mars 2023.
Einnig upplýstu sveitarstjóri og fjármála- og stjórnsýslusviðs byggðaráð um fund með nefnd Krílakots um styttingu vinnuvikunnar þann 23. mars sl.

Tekinn fyrir rafpóstur frá nefndasviði Alþingis, dagsettur þann 9. mars 2023, þar sem Allsherjar- og menntamálanefnd Alþingis sendir til umsagnar frumvarp til laga um grunnskóla (framlög til sjálfstætt rekinna grunnskóla), 128. mál.
Þess er óskað að undirrituð umsögn berist eigi síðar en 23. mars sl.

Tekinn fyrir rafpóstur frá nefndasviði Alþingis, dagsettur þann 8. mars 2023, þar sem Velferðarnefnd Alþingis sendir til umsagnar frumvarp til laga um breytingu á lögum um málefni innflytjenda og lögum um vinnumarkaðsaðgerðir (sameining Vinnumálastofnunar og Fjölmenningarseturs, þjónustustöðvar), 782. mál
Þess er óskað að undirrituð umsögn berist eigi síðar en 17. mars sl.

Tekinn fyrir rafpóstur frá nefndasviði Alþingis, dagsettur þann 9. mars 2023, Allsherjar- og menntamálanefnd Alþingis sendir til umsagnar frumvarp til laga um brottfall laga um orlof húsmæðra, nr. 53/1972, með síðari breytingum, 165. mál.Þess er óskað að undirrituð umsögn berist eigi síðar en 23. mars sl.

Tekinn fyrir rafpóstur frá nefndasviði Alþingis, dagsettur þann 9. mars 2023, þar sem Allsherjar- og menntamálanefnd Alþingis sendir til umsagnar tillögu til þingsályktunar um aðgerðaráætlun gegn hatursorðræðu fyrir árin 2023-2026, 795. mál. Þess er óskað að undirrituð umsögn berist eigi síðar en 23. mars sl.

Lagðar fram til kynningar fundargerðir stjórnar SSNE nr. 48-50, frá 10. febrúar, 1. mars og 15. mars sl.

Tekið fyrir bréf frá Sambandi íslenskra sveitarfélaga, rafpóstur dagsettur þann 23. mars sl., þar sem meðfylgjandi er tillaga kjörnefndar á fulltrúa í stjórn Sambandsins.

Lögð fram til kynningar fundargerð stjórnar Sambands íslenskra sveitarfélaga nr. 920. frá 17. mars sl.