Byggðaráð

Tekið fyrir erindi frá aðstoðarleikskólastjóra Krílakots, dagsett 5. febrúar 2020, þar sem óskað er eftir viðauka við fjárhagsáætlun 2020 vegna langtímaveikinda starfsmanna. Óskað er eftir viðauka að upphæð 2.511.876 kr og að honum verði mætt með lækkun á handbæru fé.

Tekið fyrir erindi frá skólastjóra Dalvíkurskóla, dagsett 31. janúar 2020, þar sem óskað er eftir viðauka við fjárhagsáætlun 2020 vegna langtímaveikinda starfsmanna. Óskað er eftir viðauka að upphæð 9.026.239 kr og að honum verði mætt með lækkun á handbæru fé.

Tekið fyrir erindi frá sveitarstjóra dagsett 11. febrúar 2020, beiðni um viðauka vegna aðkeyptrar sérfræðiþjónustu á fjármála-og stjórnsýslusviði vegna langtímaveikinda.

Óskað er eftir 1.500.000 kr viðauka vegna þessa og er lagt til að mæta viðaukanum með lækkun á handbæru fé þar sem ekki er svigrúm til að mæta honum innan málaflokksins.

Tekið fyrir erindi frá Skíðafélagi Dalvíkur dagsett 10. febrúar 2020, beiðni um styrk vegna veitinga í hófi sem haldið er vegna Unglingameistaramót Íslands á skíðum. Mótið fer fram á Dalvík og Ólafsfirði 12.-15. mars nk. og er hófið haldið þann 14. mars í Bergi. Von er á u.þ.b. 120 keppendum og líklega öðru eins af fararstjórum, foreldrum og þjálfurum.

Óskað er eftir því að Dalvíkurbyggð bjóði upp á veitingar í hófinu eða styrki Skíðafélagið á móti kostnaði.

Tekið fyrir rafbréf frá Tækifæri hf. dagsett 4. febrúar 2020 hvar fram koma upplýsingar um hlutafjáraukningu sem staðfest var á stjórnarfundi Tækifæris þann 15. janúar 2020. Í hlutafjáraukningunni seldust allir hlutir en Dalvíkurbyggð var meðal þeirra hluthafa sem nýtti sér ekki rétt sinn til kaupa.

Nafnverðseign Dalvíkurbyggðar eftir hlutafjáraukninguna nemur 0,924% af heildarhlutafé félagsins.

Tekinn fyrir rafpóstur frá nefndasviði Alþingis dagsettur 30. janúar 2020 þar sem Allsherjar- og menntamálanefnd Alþingis sendir til umsagnar frumvarp til laga um breytingu á lögum nr. 35/1970, um Kristnisjóð o.fl., með síðari breytingum (ókeypis lóðir), 50. mál.

Þess er óskað að undirrituð umsögn berist eigi síðar en 20. febrúar nk.

Tekinn fyrir rafpóstur frá nefndasviði Alþingis dagsettur 30. janúar 2020 þar sem Umhverfis- og samgöngunefnd Alþingis sendir til umsagnar tillögu til þingsályktunar um heimild sveitarfélaga til að innheimta umhverfisgjöld, 64. mál.

Þess er óskað að undirrituð umsögn berist eigi síðar en 13. febrúar n.k.

Lögð fram til kynningar fundargerð Almannavarnanefndar Eyjafjarðar frá 6. febrúar 2020. Með fundargerðinni fylgdu til upplýsinga drög að nýjum samstarfssamningi Almannavarnanefndar Norðurlands eystra (ALNEY) og ársreikningur 2019 sem var samþykktur á fundinum.

Undir þessum lið var einnig rætt um viðbragðsáætlun vegna Kóróna veirunnar og farið yfir stöðuskýrslur frá aðgerðastjórn.

Lagðar fram til kynningar fundargerðir stjórnar SSNE, Samtaka atvinnuþróunar og sveitarfélaga á Norðurlandi eystra. 1. fundar frá 3. desember 2019, 2. fundar frá 18. desember 2019, 3. fundar frá 27. desember 2019 og 4. fundar frá 15. janúar 2020.

Einnig lögð fram til kynningar fundargerð úthlutunarnefndar Uppbyggingarsjóðs Norðurlands eystra frá 21. janúar 2020.

Lögð fram til kynningar fundargerð 878. fundar stjórnar Sambands íslenskra sveitarfélaga frá 31. janúar 2020.

Til umræðu m.a. 6. liður fundargerðarinnar um fjármögnun og ráðstöfunarfé Ofanflóðasjóðs.

Tekið fyrir erindi frá Eyþingi, dagsett 7. febrúar 2020, beiðni um viðbótarframlag til reksturs á árinu 2020 vegna sérstakra aðstæðna og er hlutur Dalvíkurbyggðar 926.063 kr.