Byggðaráð

Til kynningar fundargerð vinnuhóps um húsnæðismál frá 5. janúar 2020.
Tveimur liðum var vísað til frekari umfjöllun í byggðaráði:
a) Íbúðir í eigu sveitarfélagsins, staða.
b) Endurskoðun húsnæðisáætlunar.

a) Undir þessum lið mættu á fundinn Eyrún Rafnsdóttir sviðsstjóri félagsmálasviðs og Íris Daníelsdóttir innheimtufulltrúi kl. 10:30.

Rætt um íbúðir í eigu sveitarfélagsins og stöðu á útleigu.

Eyrún og Íris viku af fundi kl. 11:00.

Guðmundur St. Jónsson vék af fundi vegna vanhæfis kl. 11:15.

Undir þessum lið mætti Íris Hauksdóttir, þjónustu- og upplýsingafulltrúi á fundinn kl. 11:15.

Til umræðu drög að sérreglum Dalvíkurbyggðar um byggðakvóta sem Atvinnumála- og kynningarráð samþykkti á fundi sínum 15. janúar sl. og vísaði til kynningar og umræðu í byggðaráði. Reglurnar eru unnar upp eftir samráð við hagsmunaaðila í sjávarútvegi í Dalvíkurbyggð í desember.

Íris vék af fundi kl. 11:30.

Guðmundur St. Jónsson kom aftur inn á fundinn kl. 11:31.

Á 907. fundi byggðaráðs þann 16. maí 2019 var eftirfarandi samþykkt:
"Byggðaráð samþykkir samhljóða með 3 atkvæðum að vinnu við Fjölmenningarstefnu Dalvíkurbyggðar verði haldið áfram og að vinnuhópurinn verði áfram skipaður Gunnþóri Eyfjörð Gunnþórssyni, forstöðumanni safna og þjónustu-og upplýsingafulltrúa."

Vinnuhópurinn hefur lokið störfum og með fundarboði byggðaráðs fylgdu drög að Fjölmenningarstefnu Dalvíkurbyggðar til kynningar.

Á 929. fundi byggðaráðs þann 16. desember 2019 var til umfjöllunar drög að reglum um afslátt fasteignaskatts til tekjulágra elli- og örorkulífeyrisþega fyrir árið 2020.
Sveitarstjóra var falið að vinna málið áfram og leggja aftur fyrir byggðaráð.

Með fundarboði fylgdu ný drög að reglunum og útreikningar þeim meðfylgjandi.

Með fundarboði byggðaráðs fylgdi tillaga að reglum um styrk á móti fasteignaskatti til félaga og félagasamtaka fyrir árið 2020. Um er að ræða óbreyttar reglur frá fyrra ári.

Til umræðu ofangreint.

Tekið fyrir erindi frá Sýslumanninum á Norðurlandi eystra dagsett 9. janúar 2020 þar sem óskað er umsagnar vegna umsóknar um tækifærisleyfi fyrir þorrablót í Árskógi 8. febrúar 2020.

Fyrir liggur að byggingarfulltrúi og slökkviliðsstjóri gera ekki athugasemdir við umsóknina.

Samkvæmt fjárhagsáætlun 2020 var áætlað að endurnýja bíl á félagsmála- og fræðslusviði.

Búið er að ganga frá kaupum á nýrri bifreið innan fjárhagsramma. Þá óska sviðsstjórar eftir því að fá að selja gömlu bifreiðina að undangenginni auglýsingu.

Tekið fyrir erindi frá sviðsstjóra umhverfis- og tæknisviðs dags. 13. janúar 2020, þar sem hann óskar eftir viðauka vegna viðgerðar á dráttarvél eigna- og framkvæmdadeildar.

Tekið fyrir erindi frá skólastjóra Tónlistarskólans á Tröllaskaga dagsett 16. janúar 2019, ósk um launaviðauka við fjárhagsáætlun 2020 vegna veikinda starfsmanns.

Gísli Bjarnason, sviðsstjóri fræðslu- og menningarsviðs, og Bjarni Jóhann Valdimarsson, kerfisstjóri/tölvuumsjónarmaður, komu inn á fund byggðaráðs kl. 12:25.

Ofangreindir starfsmenn eru fulltrúar í vinnuhópi um persónuverndarstefnu Dalvíkurbyggðar og komu á fund byggðaráðs og kynna stöðu á vinnu hópsins.

Bjarni Jóhann vék af fundi kl. 12:50.

Gísli Bjarnason, sviðsstjóri fræðslu- og menningarsviðs, kom á fund byggðaráðs og kynnti stöðu á vinnu þróunarhópsins fyrir Menningarhúsið Berg. Áætlað er að vinnuhópurinn ljúki störfum í lok janúar.

Gísli vék af fundi kl. 13:15.

Á 929. fundi byggðaráðs þann 9. janúar sl. var tekið fyrir erindi frá Eyjafjarðardeild Rauða krossins dagsett 19. desember 2019, þar sem óskað er eftir styrk að upphæð 2.000.000 króna til að efla neyðarvarnir í Dalvíkurbyggð.

Styrkurinn er ætlaður til búnaðarkaupa fyrir neyðarvarnakerru, þannig að á Dalvík verði fullnægjandi búnaður til að opna fjöldahjálparstöð. Búnaðarlisti kerrunnar fylgdi með erindinu.

Byggðaráð fól sveitarstjóra að afla frekari upplýsinga um málið og fyrirkomulag í nágrannasveitarfélögunum og lagði hann fram frekari upplýsingar um málið á fundinum.

Til kynningar fjárhagslegt stöðumat málaflokka 2019 eftir að búið er að færa launakeyrslur desembermánaðar. Enn eru síðustu reikningar ársins að berast inn og unnið er að afstemmingum. Stefnt er að endurskoðunarvinnu fyrir ársreikning 2019 í febrúar.