Atvinnumála- og kynningarráð

Á 66. fundi Atvinnumála- og kynningaráðs var eftirfarandi bókað: Atvinnumála-og kynningaráð felur þjónustu- og upplýsingafulltrúa að undirbúa könnunina og senda hana út til fyrirtækja fyrir 15. desember nk.

Atvinnulífskönnunin var send út til fyrirtækja 14. desember sl. Alls bárust 79 svör sem er um 59,8% svörun.

Þjónustu- og upplýsingafulltrúi hefur unnið skýrslu út frá niðurstöðum könnunarinnar og er skýrslan til kynningar hjá ráðinu.

a) Tekið fyrir erindi frá N4, rafpóstur dagsettur þann 17. desember 2021, þar sem fram kemur að N4 vinnur að því að koma á samstarfi að lágmarki fimm en vonandi allra 11 sveitarfélaga (utan Akureyrar) á Norðurlandi eystra og fyrirtækja í viðkomandi sveitarfélögum og N4, um að auka sýnileika með stöðugri umfjöllun á faglegan og áhugaverðan hátt frá svæðinu m.a. með þáttagerð, gerð kynningarefnis og fleira.
Nokkur fyrirtæki hafi sýnt áhuga og frumkvæði að því að leggja málinu lið með jafn hárri upphæð og sveitarfélögin leggja fram, til þess að þetta geti orðið að veruleika með breiðu samstarfi.

Tilefni þessa átaks er ekki síst sú staðreynd að Akureyrarbær hefur sagt upp 14 ára gömlum samningi við N4 sem fól m.a. í sér umfjöllun um Akureyri í þáttunum Að norðan og Föstudagsþætti auk þess að taka upp og sýna frá bæjarstjórnarfundum. Samningurinn var táknrænn á margan hátt þar sem N4 er eina sjónvarpsstöð landsins með höfuðstöðvar á Norðurlandi enda stendur N fyrir Norðurland en 4 fyrir höfuðáttirnar.

N4 hefur gert sambærilega samninga við Austfirði, Norðurland vestra, Vesturland, Vestfirði og nú einnig Suðurland og mun dagskrá næsta árs bera þess sterk merki að ekkert verður þá fjallað um heimasvæði N4, náist ekki þetta markmið með sveitarfélögunum á Norðurlandi. N4 býðst til að veita svæðinu sambærilega þjónustu í dagskrárgerð og öðrum svæðum á landinu. Erindið er því að kanna hverjir hafa áhuga á að taka þátt. Hægt sé að fara nokkrar leiðir, - allir greiði jafnt kr. 730.000 og fái þá jafna umfjöllun eða greiði skv. öðru skipulagi og fái þá umfjöllun m.v.sitt framlag.

Meðfylgjandi er einnig ályktun frá stjórn N4 til Fjárlaganefndar Alþingis vegna fyrirætlana um að skerða styrki til frjálsra fjölmiðla á næsta ári. Það myndi klárlega auka vægi ályktunarinnar ef sveitarfélögin tækju undir hana.

b) Með fundarboði byggðaráðs fylgdu drög að samningi á milli N4 og Dalvíkurbyggðar um þáttagerð árið 2022 að upphæð kr. 1.500.000 þannig að kr. 750.000 greiðist árið 2021 og kr. 750.000 árið 2022 án vsk.

Á 1011. fundi Byggðaráðs sem haldinn var þann 6. janúar sl. var eftirfarandi bókað: a) Byggðaráð samþykkir samhljóða með 3 atkvæðum að vísa ofangreindu erindi frá N4 til umfjöllunar og afgreiðslu í atvinnumála- og kynningarráði.
b) Byggðaráð samþykkir samhljóða með 3 atkvæðum að vísa ofangreindum samningi til umfjöllunar og afgreiðslu í atvinnumála- og kynningarráði.


Ofangreint tekið til umfjöllunar og afgreiðslu hjá ráðinu.

Nú hefur úthlutun byggðakvóta átt sér stað fyrir sveitarfélagið. Óskað er eftir að sérreglur frá sveitarfélögum með breytingum, ef einhverjar eru, berist ráðuneytinu í síðasta lagi 21. janúar nk.

Undir þessum lið situr fundinn, Anna Lind Björnsdóttir, starfsmaður SSNE á Tröllaskaga. Anna Lind kynnir sig og málefnin sem hún hefur verið að vinna að frá því að hún hóf störf sl. haust

Móttaka skemmtiferðaskipa í Dalvíkurhöfn hefur í svolítinn tíma verið til umræðu í sveitarfélaginu. Skoðað hvort ekki eigi að taka þessa umræðu upp á næsta þrep.

Lögð fyrir fundinn fundargerð 32. fundar Samtaka sveitarfélaga og atvinnuþróunar á Norðurlandi eystra, SSNE.

Lögð fyrir fundinn fundargerð 64. fundar Samtaka sjávarútvegssveitarfélaga