Atvinnumála- og kynningarráð

Hlusta

65. fundur 06. október 2021 kl. 08:15 - 10:55 í Upsa á 3. hæð í Ráðhúsi Dalvíkur

Nefndarmenn

Sigríður Jódís Gunnarsdóttir formaður
Tryggvi Kristjánsson varaformaður
Hólmfríður M Sigurðardóttir aðalmaður
Snæþór Arnþórsson aðalmaður
Júlíus Magnússon aðalmaður

Starfsmenn

Íris Hauksdóttir starfsmaður
Katrín Dóra Þorsteinsdóttir embættismaður

Fundargerð ritaði: Íris Hauksdóttir þjónustu- og upplýsingafulltrúi

Dagskrá

Anna Lind Björnsdóttir, verkefnastjóri SSNE, fór með ráðinu í fyrirtækjaheimsóknirnar á Árskógssandi.

1.Uppskeruhátíð ferðaþjónustunnar á Norðurlandi

Málsnúmer 202110002 Vakta málsnúmer

Uppskeruhátíð ferðaþjónustunnar á Norðurlandi fer fram þann 14. október nk.
Það er Markaðsstofa Norðurlands sem stendur fyrir hátíðinni á ári hverju og að þessu sinni munu ferðaþjónustuaðilar kynna sér ferðaþjónustuna á Tröllaskaga.

Upphafið verður í salnum á Hótel Dalvík og er búist við um 80-100 manns. Þjónustu- og upplýsingafulltrúi leggur til við ráðið að Dalvíkurbyggð taki vel á móti gestum hátíðarinnar og bjóði upp á kaffi og kaffibrauð að morgni dags.

Sveitarstjóri mun mæta á staðinn og halda smá tölu fyrir gesti.

Lagt fram til kynningar. Ráðið felur þjónustu- og upplýsingafulltrúa að senda erindi inn til Byggðaráðs varðandi kostnað við móttöku gesta á uppskeruhátíðinni.

2.Fréttaskot Markaðsstofu Norðurlands

Málsnúmer 202105137 Vakta málsnúmer

Tekið fyrir Fréttaskot Markaðsstofu Norðurlands frá 29. september sl.

Lagt fram til kynningar.

3.Ársfundur Norðurstrandarleiðar

Málsnúmer 202110003 Vakta málsnúmer

Haldinn verður ársfundur Norðurstrandarleiðar, þann 8. nóvember nk. þar sem farið verður yfir stöðu verkefnisins, hvernig það hefur gengið hingað til og hver næstu skref eru.

Ráðið felur þjónustu- og upplýsingafulltrúa og formanni ráðsins að sækja fundinn á Hótel Natur ef þær hafa tök á.

4.Starfs- og fjárhagsáætlun 2022 - 2025

Málsnúmer 202105027 Vakta málsnúmer

Farið yfir fjárhagsáætlun fyrir árið 2022 á deild 13 og 21.

Lagt fram til kynningar

5.Heimsóknir í fyrirtæki 2019-2022

Málsnúmer 201901022 Vakta málsnúmer

Atvinnumála - og kynnningaráð freistar þess að komast aftur af stað í fyrirtækjaheimsóknir.

Að þessu sinni fór ráðið í heimsókn inn á Árskógssand, í Sólrúnu, Bruggsmiðjuna Kalda og Bjórböðin

Atvinnumála - og kynningaráð þakkar rekstraraðilum Sólrúnar, Bruggsmiðjunnar og Bjórbaðanna kærlega fyrir móttökurnar og góðar og þarfar ábendingar.
Ráðið felur Írisi Hauksdóttur, þjónustu- og upplýsingafulltrúa, að senda fyrir Umhverfisráð og Veitu- og hafnaráð, erindi varðandi þær umræður sem sköpuðust í fyrirtækjaheimsókninni.

Fundi slitið - kl. 10:55.