Atvinnumála- og kynningarráð

Á 945. fundi byggðaráðs var eftirfarandi bókað:

"Í janúar samþykkti sveitarstjórn sérreglur Dalvíkurbyggðar um byggðakvóta fiskveiðiársins 2019-2020.

Þann 20. maí auglýsti atvinnuvega- og nýsköpunarráðuneytið staðfestingu reglna sveitarfélagsins eingöngu að hluta.

Dalvíkurbyggð hefur gert athugasemdir við að skipti í gegnum fiskmarkað skulu ekki leyfð í sérreglum Dalvíkurbyggðar, þar sem að í öðrum reglum í sömu auglýsingu IV eru landanir á fiskmarkað viðurkenndar sem löndun til vinnslu. Einnig gerir sveitarfélagið athugasemdir við að sérreglurnar séu auglýstar breyttar 4 mánuðum eftir að þær hljóta samþykki í sveitarstjórn og einungis 3 mánuðir eru eftir af fiskveiðiárinu.

Farið yfir málin og stöðu sveitarfélagsins hvað varðar sérreglur um byggðakvóta.

Byggðaráð vísar áframhaldandi umræðu til atvinnumála- og kynningarráðs."

Farið yfir stöðu mála en þjónustu- og upplýsingafulltrúi sendi inn erindi til Atvinnuvega- og nýsköpunarráðuneytis vegna úrvinnslu ráðuneytisins á sérreglum Dalvíkurbyggðar. Verið er að vinna í erindinu en ljóst var að ekki næðist að klára það áður en umsóknarfrestur rann út þann 4. júní.

Undir þessum lið kom á fundinn kl. 08:30, Katrín Sigurjónsdóttir, sveitarstjóri.

Á 942. fundi byggðaráðs þann 30. apríl 2020 var eftirfarandi bókað:
"Íris Hauksdóttir, þjónustu- og upplýsingafulltrúi, kom inn á fundinn kl. 14:10.

Tekið fyrir erindi frá Markaðsstofu Norðurlands dagsett 15. apríl 2020 þar sem Markaðsstofan vill koma á framfæri hugmynd um átak í merkingu gönguleiða á Norðurlandi.
Átakið hefur tvíþættan tilgang. Annars vegar að styrkja innviði ferðaþjónustunnar á Norðurlandi og hins vegar til að vekja athygli á þeim fjölda gönguleiða sem eru í boði á Norðurlandi.

Óskað er eftir því að sveitarfélög staðfesti þátttöku í verkefninu fyrir 30. apríl næstkomandi.

Byggðaráð samþykkir samhljóða þátttöku í verkefni Markaðsstofunnar um átak í merkingu gönguleiða á Norðurlandi.

Byggðaráð felur þjónustu- og upplýsingafulltrúa að fylgja málinu eftir í samráði atvinnumála- og kynningarráðs og við Ferðafélag Svarfdæla."

Félagar úr ferðafélagi Svarfdæla voru boðaðir á fund ráðsins. Mætt frá félaginu, Dóróþea Reimarsdóttir og Kristján Hjartarson sem komu inn á fundinn kl. 09:00.
Málin varðandi merkingar þeirra leiða sem til eru nú þegar og möguleikar á nýrri gönguleið ræddir.

Fulltrúar frá Ferðafélagi Svarfdæla véku af fundi kl. 10.00.

Þjónustu- og upplýsingafulltrúi gerði grein fyrir frávikagreiningu á auglýsinga- og kynningamálalykli 21500

Árið 2018 var gerð áfangastaðaáætlun fyrir Norðurland, þar sem gert var stöðumat á ferðaþjónustu á Norðurlandi og forgangsröðun verkefna til næstu þriggja ára.

Nú er hinsvegar kominn tími á að uppfæra viðkomandi lista.

Farið yfir tölvupóst frá Markaðsstofu Norðurlands þar sem leitað er eftir að fá nýjan lista frá Dalvíkurbyggð sem er topp fimm listi yfir mikilvægustu uppbyggingarverkefni á svæðinu til næstu 2 ára.

Íris Hauksdóttir, þjónustu- og upplýsingafulltrúi, kynnti minnisblað með lista yfir hugmyndir að Topp 5 lista frá Dalvíkurbyggð.
Á honum eru:

Bílastæði/Áningarstaður við upphaf gönguleiðar upp að Skeiðsvatni
Göngubrú í Friðlandi Svarfdæla
Útsýnispallur fyrir Miðnætursól og Norðurljós í Múla
Þórslundur, skógrækt til heiðurs Varðskipinu Þór til að kolefnisjafna veru þess í Dalvíkurbyggð í desember.
Upplýsingaskilti/Áningastaður við veg um minnisvarða um Látra-Björgu í Stærri-Árskógi.

Fundargerðir Samtaka sveitarfélaga á Norðurlandi eystra lagðar fram til kynningar

Fundargerðir stjórnar Markaðsstofu Norðurlands frá maí mánuði lagðar fram til kynningar.

Aðalfundur AFE var haldinn þann 20. maí sl.
Fundargerð og skýrsla stjórnar lögð fram til kynningar