Veitu- og hafnaráð

Til umræðu er:
1. Gjaldskrá Hafnasjóðs Dalvíkurbyggðar
2. Gjaldskrá vegna útleigu á verðbúðum við Dalvíkurhöfn
3. Reglur um útleigu á atvinnuhúsnæði í eigu
Hafnasjóðs Dalvíkurbyggðar
Breyting á gjaldskrá Hafnasjóðs er 3,3% og að auki hefur verið bætt við gjaldalið sem tekur á farþegagjaldi rekstraraðila sem eru í ferðaþjónustu. Gjaldskrá vegna atvinnuhúsnæðis, lagt til að hún hækki um 3,3%. Hún tekur einnig til hvernig staðið er að t.d. útleigu húsnæðisins og öðru sem því við kemur.

Tekið var fyrir bréf frá Bátaferðum ehf. og Arctic Sea Tours ehf. ódagsett en barst 11. nóvember 2013.

Í bréfinu er óskað eftir því að farið verði í framkvæmdir varðandi framtíðaraðstöðu fyrir báta Bátaferða ehf. sem eru gerðir út í hvalaskoðun frá Dalvík.

Fyrir liggur kynning á samantekt Hafnasambands Íslands á framlögum til hafnargerðar í landinu öllu á næsta ári skv. fjárlögum.

Föstudaginn 15. nóvember nk. verður haldin vinnustofa um mótun sameiginlegrar langtímastefnu fyrir aðildarhafnir Hafnasambands Íslands í Húsi Sjávarklasans, Grandagarði 16. Vinnustofan hefst stundvíslega kl. 12:00 og stendur til kl. 16:00.

Með rafpósti frá aðstoðarvegamálastjóra, sem dagsettur er 24. október 2013, er vakin athygli á aðstöðuleysi fyrir farþega Hríseyjarferjunnar. Í rafpóstinum er velt upp þeirri spurningu hvort Hafnasjóður Dalvíkurbyggðar kæmi að kostnaði við byggingu á aðstöðu fyrir farþega ferjunnar.

Fyrir fundinum lá tillaga að gjaldskrá Vatnsveitu Dalvíkurbyggðar sem tekur gildi frá og með 1. janúar 2014. Breyting á gjaldskránni er tvíþætt annars vegar er um að ræða breytingu á vísitölu byggingarkostnaðar september 2012 (114,8 stig) til september 2013 (118,6 stig), sem tekur til tengigjalda og aukavatnsgjalds og hins vegar álagningu vatnsgjalds en sú hækkun á milli ára er 3,3%.

Fyrir fundinum lá tillaga að gjaldskrá Fráveitu Dalvíkurbyggðar sem tekur gildi frá og með 1. janúar 2014. Breyting á gjaldskránni er tvíþætt annars vegar er um að ræða að nýjum gjaldastofni er bætt við þá aðila sem greiða rotþróargjald þannig að til viðbótar greiða þeir einnig fasta gjald til að standa straum af niðursetningu rotþróar og annan frágang henni tengdri, hins vegar álagningu fráveitugjalds en sú hækkun á milli ára er 3,3%.

Fyrir fundinum liggur útreikningur á jöfnun húshitunarkostnaðar fyrir árið 2013. Í honum er tekið tillit til breytinga á gjaldskrám veitufyrirtækja og er gjaldið nú 277,90kr/m3 húss. Heildarkostnaður Hitaveitu Dalvíkur er því um kr. 3.750.000,-.

Vegna fyrirsjáanlegrar breytinga í starfsmannahaldi er eðlilegt að endurskoða skipuritið og færa það betur að þörfum veitnanna. Til þess að takast á við kröfur til sem gerðar eru til starfsmanna og einnig þær sem fyrirsjáanlegar eru á næstu árum er orðin þörf á að fá fagmenntaða aðila að starfsseminni.

Vegna umræðna sem átt hafa sér stað um ljósleiðaratengingu sveitafélaga var óskað eftir því að fá kynningu á því hvernig staða þessa máls væri í Dalvíkurbyggð. Umrætt málefni hefur ekki verið formlega falið veitu- og hafnaráði til umsjónar.