Veitu- og hafnaráð

Aðalfundur Samorku var haldinn í Reykjavík þann 15. mars 2022. Með fundarboði fylgdi ársreikningur Samorku 2021.

Tekið fyrir boð frá Norðurorku hf. á ársfund félagsins sem verður haldinn fimmtudaginn 31. mars nk. kl. 15.00 í Menningarhúsinu Hofi.

Sviðsstjóri greindi frá fundi sem forsvarsmenn Norðurorku áttu með Dalvíkurbyggð nýverið. Á fundinum var rætt um að skipað verði í samstarfshóp um rannsóknir og samstarf í veitumálum. Erindisbréf liggur ekki fyrir og því mun verða fjallað nánar um það á næsta fundi ráðsins.

Með fundarboði fylgdi fjárhagsstaða hafna og veitna það sem af er ári 2022. Einnig fylgi með fundarboði yfirlit yfir áætlaðar fjárfestingar á fjárhagsáætlun 2022. Farið var yfir stöðu verkefna sem eru komin í vinnslu.

Í gildi eru 4 leigusamningar um neysluvatnsöflun í Dalvíkurbyggð, við eigendur á Brattavöllum, Litla- Árskógi, Hofsárkoti og á Bakka. Árið 2011 voru gerðir samningar við eigendur á Brattavöllum og í Litla-Árskógi en samningar við Hofsárkot og Bakka eru eldri. Sviðsstjóri óskar eftir heimild ráðsins til að endurskoða eldri samningana til samræmingar við þá sem gerðir voru 2011.

Rúnar Helgi vék af fundi kl. 09:15.

Lögð fram til kynningar fundargerð Hafnasambands Íslands frá 442. fundi þann 18. febrúar 2022.

Með fundarboði fylgdi ársreikningur Hafnasambands Íslands 2021.

Tekið fyrir erindi frá Sambandi sveitarfélaga dagsett 7. mars, beiðni um upplýsingar.
Á 442. stjórnarfundi Hafnasambands Íslands, sem var haldinn 18. febrúar sl., var fjallað um áform um breytingar á hafnalögum nr. 61/2003. Í þeim tillögum sem eru í gangi er verið að ræða breytingu á skilgreiningu á hafnasvæðum á sjó. Stjórnin telur að um mjög stórt mál sé að ræða varðandi ábyrgð, hagsmuni og stöðu einstakra hafnarsvæða og því mikilvægt að gefinn sé rýmri tími til að yfirfara og meta þau atriði frá öllum hliðum, áður en frekari tillögur eru útfærðar í þessum efnum.
Stjórn hafnasambandsins óskar því eftir að aðildarhafnir fari yfir og skoði hvaða áhrif eftirfarandi breyting á skilgreiningu hafnarsvæðis hafi á viðkomandi hafnasjóð.

Breytingin sem um ræðir hljóðar svo:
"Hafnarsvæði nær til ystu marka varanlegra hafnarmannvirkja sem eru óaðskiljanlegur hluti hafnarinnar, eða til þeirra marka sem helgast af náttúrulegum landfræðilegum þáttum er skýla vogum og víkum eða svipuðum skýldum svæðum. Við afmörkun hafnarsvæða skal jafnframt horft til lóðspunkta og annarra svæða sem tengjast starfsemi hafnar."

Mikilvægt er fyrir stjórn hafnasambandsins að hafa þessar upplýsingar til að sjá heildarstöðuna því aðstæður geta verið og eru ólíkar og ekki vit í því að taka þessa umræðu við ráðuneyti og þing fyrr en þessi gögn liggja fyrir frá aðildarhöfnum.
Einnig væri æskilegt að fá með svörum siglingakort af viðkomandi hafnarsvæði þar sem mörk ytri og innri hafnar, lóðspunktar og annað sem máli skiptir í þessum efnum er merkt inná kortið.

Óskað er eftir upplýsingum frá höfnum og myndum af siglingakortum í seinasta lagi 29. mars nk.

Á fundi sínum 17. mars 2022 fól byggðaráð sviðsstjóra fjármála- og stjórnsýslusviðs að senda skýrslu um reynslu og viðhorf kjörinna fulltrúa í bæjar- og sveitarstjórnum á Íslandi til kjörinna fulltrúa Dalvíkurbyggðar.
Skýrslan fylgdi með fundarboði til ráðsins.

Kynning sviðsstjóra á tímabundinni breytingu á starfsmannahaldi.