Ungmennaráð

Undir þessum lið komu á fund ungmennaráðs Gísli Bjarnason, sviðsstjóri fræðslu- og menningarsviðs, Eyrun Ingibjörg Sigþórsdóttir og Bjarni D. Daníelsson, sviðsstjóri framkvæmdasviðs.
Ungmennaráð hafði óskað eftir fundi með sviðsstjórun hjá Dalvíkurbyggð til að kynna og ræða verkefni ungmennaráðs í stjórnsýslu sveitarfélagsins.

Tekið fyrir erindi dags. 15.11.2022 frá ADHD samtökunum en málinu var vísað til ungmennaráðs frá byggðaráði þann 24.11 sl. Í bókun byggðaráðs segir: Tekið fyrir erindi frá ADHD samtökunum, dagsett þann 15. nóvember sl., þar sem samtökin óska eftir samstarfi við Dalvíkurbyggð um aukna fræðslu og þjónustu í sveitarfélaginu um ADHD og fyrir fólk með ADHD. Jafnframt er óskað eftir með bréfi þessu, allt að kr. 500.000 kr. í styrk sem nýttur yrði samkvæmt nánara samkomulagi. Byggðaráð vísar ofangreindu erindi til umfjöllunar í fræðsluráði, félagsmálaráði og ungmennaráði varðandi ósk um samstarf við Dalvíkurbyggð um aukna fræðslu um ADHD.

Tekið fyrir erindi frá SSNE, rafpóstur dagsettur þann 30. nóvember 2022, en málinu var vísað til ungmennaráðs frá byggðaráði þann 08.12 sl þar sem fram kemur að SSNE hefur unnið að því að finna leiðir til að koma aftur á almenningssamgöngum á austursvæðinu, þ.e. frá Húsavík og til Þórshafnar. Sú tímatafla sem nú er ekið eftir hefur verið óbreytt í mörg ár, en aðstæður hafa breyst og ástæða til að taka stöðuna. SSNE leitar því nú til sveitarfélaganna á starfssvæðinu og óskað er eftir upplýsingum og athugasemdum í tengslum við þær leiðir sem nú eru keyrðar og hugmyndum um hvernig hægt er að auka notkun þeirra: Þarf að breyta tímatöflum? Má fækka ferðum eða þarf að fjölga ? Eru aðrir möguleikar í boða s.s. samþætting aksturs vegna tómstunda eða skóla sem hægt væri að opna á fyrir almenning? Leitast er eftir því við sveitarfélögin að þau sendi SSNE umbeðnar upplýsingar fyrir 18. janúar 2023.