Umhverfisráð

Lögð fram drög að skipulagslýsingu vegna breytingar á Aðalskipulagi Dalvíkurbyggðar 2008-2020 fyrir Hauganes.

Á 354. fundi umhverfisráðs þann 4. júní 2021 var tekin fyrir ósk Arkibygg fyrir hönd lóðarhafa Skógarhóla 11 um breytingu á deiliskipulagi Hóla- og Túnahverfis. Breytingin fólst í breyttri aðkomu að lóð og hliðrunar á byggingarreit raðhúss að Skógarhólum 11 a, b og c.
Breytingin var metin óveruleg og var vísað til grenndarkynningar í samræmi við 2. mgr. 43 gr. skipulagslaga nr. 123/2010. Grenndarkynningin náði til Skógarhóla 9, 15, 17 og 23a-d. Kynningargögn voru send út send út 21. júní 2021 og var athugasemdafrestur gefinn til 21.júlí 2021. Engin athugasemd barst.

Með tölvupósti dagsettum 19. júlí 2021, óskar skipulagsfulltrúi Skagafjarðar eftir því að athugasemdir og ábendingar við tillögu að Aðalskipulagi Sveitarfélagsins Skagafjarðar 2020-2035, ásamt umhverfisskýrslu, sem nú er í auglýsingu, berist fyrir 13. september 2021.

Kl. 9:00 kom Anton Hallgrímsson slökkviliðsstjóri og sat fundinn undir þessum lið.
Lögð fram eftirlitsskýrsla Vinnueftirlitsins eftir reglubundna skoðun í Slökkvistöð Dalvíkur þann 26. júlí sl.
Anton Hallgrímsson vék af fundi kl. 9:45.

Með tölvupósti dagsettum 20. júlí 2021 óskar Ragnheiður Lára Weisshappel eftir því að fá tún umhverfis hús sitt í Árgerði til umráða á móti því að hugsa um svæðið, slá og halda snyrtilegu. Meðfylgjandi er uppdráttur af umræddu túni.

Með tölvupósti, dagsettum 28. júlí 2021 óskar Óskar Gunnarsson eftir því að fá að stofna lóðina Kvíalæk úr landi Syðri-Másstaða í Skíðadal. Meðfylgjandi umsókninni er hnitsettur uppdráttur af lóðinni og undirritað F-550 eyðublað Þjóðskrár.

Fyrir fundinum lá lóðarblað og lóðarleigusamningur fyrir lóðina að Sandskeiði 29a en hún hafði verið óstaðfest í þinglýsingakerfi og því ekki hægt að hafa eigendaskipti á bátaskýli sem á hennni stendur.

Með umsókn dagsettri 14. júlí 2021, sækir Óskar Árnason um fyrir hönd Steypustöðvar Dalvíkur ehf. eftir endurnýjun á lóðarleigusamningi og breytingu á lóðarmörkum fyrir Sandskeið 22 á Dalvík. Meðfylgjandi er teikning af breytingum á lóðarmörkunum.

Með tölvupósti, dagsettum 10. ágúst 2021, skila þau Ari Már Gunnarsson og Ingunn Magnúsdóttir inn lóðinni að Skógarhólum 12.

Fyrir hönd Dalbæjar sækir Ágúst Hafsteinsson um byggingarleyfi fyrir útlitbreytingu á dvalarheimilinu Dalbæ. Um er að ræða skipti á gluggum og útihurðum, nýja kjallaraglugga á suðurhlið vesturálmu auk þess sem útveggir eldri bygginga eru einangraðir.

Með umsókn dagsettri 10. ágúst 2021, óskar Steinunn Sigvaldadóttir fyrir hönd Sumarhúsafélagsins Borga eftir leyfi til þess að fá að rífa tvær geymslur og gamla hlöðu að Skeggstöðum í Svarfaðardal.

Haukur Gunnarsson vék af fundi undir þessum lið.
Fyrir fundinum lá ársreikningur og skýrsla stjórnar Björgunarsveitarinnar á Dalvík fyrir árið 2020.

Umhverfis- og auðlindaráðuneytið undirbýr nú uppfærslu á skýrslu um stöðu innleiðingar Árósasamningsins hér á landi, en samningurinn snýst um aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum. Skýrslan verður unnin í samráði við umhverfisverndarsamtök og tekur ráðuneytið einnig við öllum ábendingum frá almenningi um efni hennar í gegnum samráðsgátt stjórnvalda.

Lögð fram til kynningar fundargerð 217. fundar Heilbrigðisnefndar Norðurlands eystra frá 20. janúar 2021.
Á fundinum var samþykkt tillaga að breytingu á samþykkt um umgengni og þrifnað utanhúss á starfssvæði heilbrigðisnefndar Norðurlands eystra nr. 463/2002; þess efnis að geymslutími skv. 6. gr. verði styttur úr 45 dögum í 30 daga.

Fyrsta umræða um fjárhagsáætlun ársins 2022.

Lögð fram til kynningar fundargerð fyrsta fundar vinnuhóps um gerð loftslagsáætlunar fyrir Dalvíkurbyggð.