Umhverfisráð

Með tölvupósti, dagsettum 7. júní 2021, óskar Benedikt Snær Magnússon eftir leyfi til þess að stækka bílastæði við Öldugötu 2 á Dalvík til austurs og færa til ljósastaur á sinn kostnað. Einnig er óskað eftir leyfi til þess að lagfæra og lækka bakka við lóðarmörk að norðanverðu, meðfram Brimnesá.

Tekið fyrir erindi frá Önnu Maríu Bergsdóttur, dagsett þann 18. júní 2021, þar sem óskað er eftir að brugðist verði við snjósöfnun í Lynghólum.

Tekið fyrir erindi frá Vegagerðinni þar sem óskað er eftir framkvæmdaleyfi vegna sjóvarna við Sæból og Framnes norðan Dalvíkur. Um er að ræða 50 m framlengingu á sjóvörn við Sæból og 120 m nýja sjóvörn við Framnes.

Tekið fyrir erindi frá Sævaldi J. Gunnarssyni, fyrir hönd reiðveganefndar Hestamannafélagsins Hrings, þar sem óskað er eftir framkvæmdaleyfi fyrir reiðvegum í Svarfaðardal með akveginum frá enda reiðvegar milli Valla og Brautarhóls og fram að afleggjara að Hofsá. Meðfylgjandi er afstöðumynd af fyrirhuguðum reiðvegi.

Með erindi dagsettu 22. júní 2021 óskar Guðjón Magnússon, fyrir hönd Þrastar Karlssonar, eftir breytingu á deiliskipulagi fyrir Snerru í Svarfaðardal. Meðfylgjandi er uppdráttur af fyrirhugaðri deiliskipulagsbreytingu unnin af Guðjóni Magnússyni. Breytingin felst í 1,8 ha stækkun á landi Snerru í kjölfar makaskipta á landi og fjölgun byggingarreita um einn.

Með umsókn, dagsettri 29. júní 2021, óskar Börkur Þór Ottósson eftir lóðinni að Sandskeiði 20 (Baldurshagalóðinni) undir iðnaðarhúsnæði.

Með umsókn, dagsettri 2. júlí 2021, óska þau Sigurður Bragi Ólafsson og Ragnheiður Ýr Guðjónsdóttir eftir að fá úthlutaðri lóðinni að Aðalbraut 16 á Árskógssandi.

Tekinn fyrir tölvupóstur dagsettur 29. júní 2021 frá Ara Má Gunnarssyni þar sem hann óskar eftir því að fá framlengingu á lóðarúthlutun sinni að Skógarhólum 12.

Með tölvupósti dagsettum 24. júní 2021, óskar Gunnlaugur Svansson fyrir hönd GS frakt ehf. eftir leyfi til þess að hafa jarðvegsskipti á lóð sinni að Gunnarbraut 8.

Farið yfir stöðu landamerkjaskráningar milli Hrafnsstaða og Böggvisstaða.

Lögð fram úttekt Húsnæðis- og mannvirkjastofnunar á Slökkviliði Dalvíkur sem gerð var þann 8. júní sl. Markmiðið með úttektinni var að staðreyna hvort framkvæmd slökkviliðsins væri í samræmi við lög og reglugerðir um brunavarnir og brunavarnaáætlun sveitarfélagsins og koma á framfæri leiðbeiningum til sveitarstjórnarinnar um það sem betur mætti fara eftir því sem við á.

Lögð fram til kynnigar fundargerð 4. afgreiðslufundar byggingafulltrúa Dalvíkurbyggðar sem haldinn var 29. júní 2021.